Yohani 11:2 - ULufingwi uLupwa

² UMaliiya uyo, umunine uwa Laazalo we áamile muvhinu, we ámupasile uMwene uYeesu amafuta ge gakununshila mu vinama vwakwe nu kumusyumula ni nsisi zyakwe.

Tesitamenti Umupwa 1965

² UwenʼuMaliya uno, we wuyo wʼahamupahaga namafuta uMwene, wʼahamusyumula muṿinama ṿwakwe ninsisi zyakwe. Ali we munine wa Lazali wʼavinile.

Yohani 11:2 ပူးပေါင်းရင်းမြစ်များ

Maliko 14:3

Ahavhaliilizyo hehaala uYeesu áamile ku Besaniya mu nyumba iya Siimoni we ku vhwandilo áamile na mambombo. Lwe atendiime kulya ishaakulya, ahinjila umwantanda wumo na mafuta ge gakununshila ge gáamile ga nsavho nkaani. Amafuta igo gáamile mu nsupa ye vhagombeeye ivhwe ilya nsavho nkaani lye vhahatinji ialabaasita. Ahagubula insupa iyo, ahamwitiilizya uYeesu pi itwe kulolesya umushinzi.

uLuuka 7:13

UMwene uYeesu lwe amulola umuziishe uyo, ahamufwila uvhwila, ahamuvhuuzya ahati, “Puuma, utakuutaje.”

uLuuka 7:19

Pe uYoohani ahavhiita vhavhili mu vhasundikwa vhaakwe, ahavhasonteelezya kwa Mwene uYeesu kuvhuziilizya kuuti, “Vhuli, iwe we we Chilisiti we avhakuvhwi vhátili aliyinza, pamo tuguliilile uwunji?”

Yohani 11:21

Lwe uMaalita ahomaana nu Yeesu, ahamuvhuuzya ahati, “We Mwene, inga waalipo ipa, umunine waane, nkandi atafuuye.

Yohani 11:3

Pe avhanine ivho vhahatuma intumi kwa Yeesu kumuvhuuzya kuuti, “We Mwene, unkundwa waaho uLaazalo muvhinu.”

Yohani 11:32

Lwe uMaliiya aafiha pe uYeesu áamile, ahamulola, ahasugamila pa vinama vwakwe uku akukuuta, ahamuvhuuzya ahati, “We Mwene, inga uvhanje ipa, umunine waane, nkandi atafuuye.”

Yohani 12:3

Pe uMaliiya ahanyatula insupa iya mafuta aga nsavho impiti havhili ge gakununshila, ahamwitiilizya uYeesu mu vinama vwakwe nu kumusyumula ni nsisi zyakwe. Inyumba yonti yihiizula umununsi umwinza uwa mafuta igo.

Yohani 13:13

Imwe mukuniita mukuti, ‘Musambiilizi,’ havhili mukuti, ‘Mwene,’ mukuyanga zya nalyoli, mwe pe ne Musambiilizi wiinyu, havhili ne Mwene wiinyu.

Yohani 13:14

Ishi ine, ne ne Musambiilizi wiinyu havhili ne Mwene wiinyu navhoozya imwe ivinama vwinyu. Yikwanzilwa niimwe vhweleele mwozyanyaaje ivinama vwinyu.