Yohani 10:32 - ULufingwi uLupwa

³² Ileelo uYeesu ahavhavhuuzya ahati, “Navhalolesya imbombo inyinji inyinza ku maha aga Taata waane. Vhuli, mbombo vhuli zye zikuvhavhiiha imwe kuuti munkome na mavhwe?”

Tesitamenti Umupwa 1965

³² PʼuYesu ahavamula ahati: Mbapeleye imbombo inyinza zye nyinji lwe mukwenya, zye nkapela mumaha ga Tata. Shinishi mukuntinzila mbombo vuli namavwʼiga?

Yohani 10:32 ပူးပေါင်းရင်းမြစ်များ

Matayi 11:5

Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

Yohani 10:25

Ileelo uYeesu ahavhaamula ahati, “Ine mbavhuziizye kuuti ne naanu, ileelo imwe mukuhaana kuniitiha. Imbombo zye nkuvhomba ku maha aga Taata waane zye zikunkomeshezya kuuti ine ne naanu.

Yohani 10:31

Pe aVhayuuda vhamo lwe vhiivwa izyo, vhahanda kusevha amavhwe havhili, inga vhamuhome nu kumugoga uYeesu.

Yohani 10:33

AVhayuuda vhahamwamula vhahati, “Tutakwanza kukuhoma na mavhwe, mwe pe uvhomvile imbombo inyinza, nkandi, mwe pe ukumusaamula uMulungu. Tukuyanga vhwevhulo, mwe pe iwe ukuyanga kuuti we Mulungu she we muntu vhweleele inza avhantu avhanji!”

Yohani 10:37

Inga ntakuvhomba imbombo izya Taata waane, pe mutanitihaje.

Yohani 5:36

“Ileelo imbombo zye nkuvhomba zikuhomeshezya ahinza vwe ne wa nalyoli, havhili zilusiizye nkaani zye uYoohani aayanzile. Nkuyanga vhwevhulo, mwe pe imbombo zye uTaata waane ampiiye kuuti mbombaje zye zikulolesya kuuti uTaata uMulungu we ansonteleziizye.

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 2:22

UPeeteli ahajendeelela kuyanga kuuti, “Mwe vhanaavuli vha mu Isilayeeli, tejeelezyi amazwi iga! UMulungu avhalolesiizye imwe kuuti akuvhomba imbombo kutuushila kwa Yeesu uwa ku Naazaleeti. Mweneemwe mumanyile ahinza kuuti kwa Yeesu wunuuyo kwe avhomvile amafindango ni zya kusukumizya ni vilolesyo kuli imwe.

1 Yohani 3:12

Tutahaavhe inza umuntu ula we vhahatinji uKaayini, we áamile wa Muvhiivhi ula uSeetano, ahamugoga umunine waakwe. Shooni she ámugozile? Ámugozile, mwe pe imbombo zyakwe zyáli mbiivhi, ileelo izya muzuuna waakwe zyáli ngolosu.