Yohani 10:30 - ULufingwi uLupwa

³⁰ Ine nu Taata waane tuli pooka.”

Tesitamenti Umupwa 1965

³⁰ Nane nuTata tuli woka mwene.

Yohani 10:30 ပူးပေါင်းရင်းမြစ်များ

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

Yohani 10:29

UTaata waane we ampiiye izyo, mupiti kuluusya vhonti. Ishi ataliipo umuntu we angazifwula mu nyoovhe zyakwe.

Yohani 10:36

Vhuli, shooni she mukuti ine nkumusaamula uMulungu lwe nkuti, ‘Ine ne Mwana wa Mulungu’? UTaata we ansavhuuye nu kunsonteelezya mu nsi.

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 14:9

UYeesu ahamwamula ahati, “We Fiilipo, natendama niimwe ahavhaliilizyo ahatali honti iha, niishi ushiili utamanyile? Umuntu wonti we ambwenyi ine, amuvhwenyi nu Taata. Ishi pe shooni she ukuti, ‘Utulanje uTaata’?

Yohani 16:15

Ivintu vwonti vwe uTaata ali navwo vwane. Ye nongwa nkuvhavhuuzya kuuti, uMupepo uyo alivhavhuzyaga zye aposheela kuli ine.”

Yohani 17:10

Avhantu vhonti vhe vhaane, niiwe vhaaho, havhili avhantu vhonti vhe vhaaho, niine vhaane. Uvhushindamu vhwane vhulolesile ku vhantu kutuushila ku kwavho.

Yohani 5:17

Ileelo uYeesu ahavhavhuuzya ahati, “UTaata waane akuvhomba imbombo insiku zyonti. Niine nkuvhomba vhwevhulo.”

Yohani 5:23

Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

Yohani 8:58

UYeesu ahavhaamula ahati, “Nalyoli nkuvhavhuuzya kuuti, lwe uAabulahamu ashiili kupaapwa, ine indiipo.”

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

uTiiti 2:13

Tukuvha vhwevhulo, lwe tukuguliilila kwinza ukwa Yeesu Chilisiti mu vhushindamu uvhupiti, we Muposhi wiitu nu Mulungu wiitu uMupiti. Ulu lwe lusuuvhilo lwitu lwe lukuutupa uluseshelo.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

1 Yohani 5:7

Woope uMupepo uMufinjile akuhomeshezya kuuti izyo zya nalyoli, mwe pe uMupepo uMufinjile wa nalyoli.