Yohani 10:28 - ULufingwi uLupwa

²⁸ Ine nkuuzipa uvhulanzi uvhwa shiima, te zihateeje naalumo. Havhili ataliipo umuntu we angazifwula ku maha kufuma mu nyoovhe zyane.

Tesitamenti Umupwa 1965

²⁸ Ine nkuzipʼuvulanzi vwa shimashima, shimashima zitalitega nalumo, numo atalizifwula munyove zyane.

Yohani 10:28 ပူးပေါင်းရင်းမြစ်များ

Maliko 13:22

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

uLuuka 23:46

UYeesu ahavhilishila kwi izwi ipiti ahati, “We Taata! Nkuyivhiiha mu nyoovhe zyaho.” Lwe ayanga izyo, ahafwa.

Yohani 10:29

UTaata waane we ampiiye izyo, mupiti kuluusya vhonti. Ishi ataliipo umuntu we angazifwula mu nyoovhe zyakwe.

Yohani 11:25

UYeesu ahamwamula uMaalita ahati, “Ine ne nkuzyusya, havhili ne nkupa uvhulanzi. Umuntu wonti we akuniitiha ine, poosye inga aafwa, aliivha mulanzi.

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

Yohani 17:2

Izyo zikuvhombeha, mwe pe umpiiye amaha aga kuvhakonzya avhantu vhonti, inga mbape vhe vhakuniitiha uvhulanzi uvhwa shiima.

Yohani 18:9

UYeesu áyanzile vhwevhulo, inga zilunjishe zye áyanzile kuuti, “We Taata, navhagulilaga ahinza, ataliipo we ateezile mu vhaala vhe umpiiye.”

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Yohani 4:14

Ileelo umuntu we akumwela aminzi ge ine nkuumupa, te ahuumilwe ishinyooto havhili. Aminzi ge ine nkuumupa, galiivha inza ishiduda isha minzi muhati yaakwe she shitakwuma naalumo nu kuumupa uvhulanzi uvhwa shiima.”

Yohani 5:24

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

Yohani 6:37

Avhantu vhonti vhe uTaata waane akumpa, vhakwinza ku kwane nu kuniitiha. Havhili ine ntakumuhaana umuntu we akwinza ku kwane.

Yohani 6:47

“Nalyoli nkuvhavhuuzya kuuti, umuntu we akuniitiha ine, ali nu vhulanzi uvhwa shiima.

Yohani 6:68

USiimoni uPeeteli ahamwamula ahati, “We Mwene, vhuli, wu naanu uwamwavho we tungasogola ku kwakwe? Iwe uli na mazwi ge gakuutupa uvhulanzi uvhwa shiima.

iMbombo izya Vhatumwa 7:59

Lwe vhakumuhoma uSiteefani na mavhwe, uweene ahalaavhaga ahatinji, “Mwene Yeesu, uvhuposheele uvhupuuma vhwane!”

VaLoma 5:17

Uvhutalamalandu uvhwa muntu wooka, vhwávhiisile uvhufwe vhuvhakonzye avhantu vhonti. Ileelo nalyoli vhaala vhe vhakuposheela uvhwila vhwe vhutali ni shipimilo kufuma kwa Mulungu nu kuvhaazilwa kuuti vhagolosu, vhalikonzya, mwe pe vhaliivha nu vhulanzi uvhwa shiima kwi idala ilya ziila zye ávhomvile umuntu uwamwavho, uYeesu Chilisiti.

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

VaLoma 5:21

Pe ishi, inza vwe uvhutalamalandu vhwámile na maha aga kuvhakonzya avhantu nu kuvhapelela uvhufwe, vhwevhulo kwi idala ilya kuvhavhaazya kuuti vhagolosu, uvhwila uvhwa Mulungu vhukuvhakonzya avhantu nu kuvhapelela uvhulanzi uvhwa shiima kwi idala ilya Yeesu Chilisiti uMwene wiitu.

VaLoma 5:9

Ishi, mwe pe tuvhaziliilwe kuuti twe vhagolosu kwi idala ilya mavhanda aga Yeesu, pe nalyoli kwi idala ilya Yeesu, tuliipokwa ku vhuhalazu uvhwa Mulungu.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

VaLoma 8:1

Pe ishi, kwandila ahavhaliilizyo iha uMulungu te aavhape isunde vhaala vhe vhasopenkiine nu Chilisiti uYeesu.

VaLoma 8:29

Yeenya, uMulungu ávhamanyile avhantu vhaakwe vhe ávhasavhuuye she ashiili kuvhapela, havhili ivho ávhasavhuuye, inga vhaholane nu Mwana waakwe uYeesu Chilisiti. Ávhomvile vhwevhulo, inga uMwana uyo avhe wu hatoote ku vhaana avhamwavho vhonti avha Mulungu.

Filipi 1:6

Ishi nkuhomeshezya kuuti, nalyoli uMulungu we ahataliha imbombo inyinza iya vhuposhi mu mooyo giinyu, kwe ajendeelele kuyimala kufishila isiku lye uYeesu Chilisiti aligaluha.

2 VaTesaloniki 2:13

Ileelo iswe tukwanzilwa kumusalifwa uMulungu amanda gonti ku zyinyu imwe vhamwitu, mwe uMwene uYeesu avhakunzite. Tukwanzilwa kuvhomba isho, mwe pe ávhasavhuuye imwe kufuma ku vhwandilo uvhwa kupela kwakwe inga muposheele uvhuposhi. Uvhuposhi uvhwo muvhuposheleeye kwi idala ilya Mupepo uMufinjile we akuzelufwa ni lya kwitiha uvhwanalyoli.

1 Timoti 1:16

Ileelo uMulungu ámfwiliiye uvhwila, inga uYeesu Chilisiti avhalolesye uvhujimbiilizu vhwakwe vhwonti ku kwane, kuuti mbe ne shiholanyo ku vhaala vhonti vhe vhalimwitiha, inga vhahavhwaje uvhulanzi uvhwa shiima.

2 Timoti 1:12

Izwi ilyo lye lihambiiha kuuti amayimba iga ganaaje. Ileelo ine ntakulola insoni, mwe imumanyile ahinza ula we nkamwitiha. Havhili indi nu vhwanalyoli kuuti ali na maha kuliguulila Izwi iLyinza kufiha pi isiku ilya vhusililishilo. Izwi ilyo ampiiye, inga mbasambiilizye avhantu.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.

1 Yohani 1:2

Uwa vhulanzi uyo álolesile, niiswe tuhamulola. Ishi tukuvhahomeshezya nu kuvhakumusizya inongwa izya uyo we akuutupa uvhulanzi uvhwa shiima shiima, we áamile kwa Taata uMulungu, havhili ahaloleha kuli iswe.

1 Yohani 2:19

Avhalugu ivho vhafumile kuli iswe, ileelo vhataamile nu vhuliilani uvhwa nalyoli niiswe. Mwe pe inga vhavhanje nu vhuliilani uvhwa nalyoli niiswe, nkandi vhasyaye kuli iswe. Ishi vheefile, inga yiloleshe apazelu kuuti vhataamile nu vhuliilani uvhwa nalyoli niiswe.

1 Yohani 2:25

Mwe pe tuli nu vhuliilani uvhwo, tuli nu lufingwi ulwa vhulanzi uvhwa shiima shiima, vhwe uChilisiti áfinzile kuuti, aliitupa.

1 Yohani 5:11

Uvhwahoome uvhwo vhwe vhuno: UMulungu atupiiye uvhulanzi uvhwa shiima shiima, uvhulanzi uvhwo tukuvhwaga kwa Mwana waakwe.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.

uYuuda 1:21

Mujendeelele kuvha mu shikunzi isha Mulungu, nu kumusuuvhila uMwene wiitu uYeesu Chilisiti, kuuti avhafwile uvhwila inga avhinjizye mu vhulanzi uvhwa shiima.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.