Yohani 10:27 - ULufingwi uLupwa

²⁷ Ingʼonzi zyane zilimanyile izwi lyane. Niine nzimanyile, zyope zikundandata.

Tesitamenti Umupwa 1965

²⁷ Izyene ingʼonzi zyane zimanyilʼizwi lyane, nane nzimanyile izyene. Izyene zikundandatʼine.

Yohani 10:27 ပူးပေါင်းရင်းမြစ်များ

Matayi 16:24

Pe uYeesu ahavhavhuuzya avhasundikwa vhaakwe ahati, “Umuntu wonti we akwanza kundandata ine, yikwanzilwa ayihaane wuuyo weeka, ayikungulaje kundandata insiku zyonti, poosye nu kufwa.

Matayi 17:5

Lwe uPeeteli akuyanga izyo, yeenya ivhingo lye likulama lihavhagwinshila. Izwi lihivwiha kufuma mwi ivhingo ilyo lihati, “Uno Mwana waane unkundwa we nkuhondezelwa nawo. Mumutejelezyaje uweene!”

Matayi 25:12

Ileelo we akwimala ahavhaamula ahati, ‘Nalyoli nkuvhavhuuzya kuuti, ntavhamanyile imwe!’”

Matayi 7:23

Ileelo ine ndivhavhuuzya apazelu ndiiti, ‘Ntavhamanyile imwe inga hansi! Yeepi kuli ine, imwe mwe mukuvhomba imbiivhi!’”

Maliko 10:21

UYeesu ahamwenya, ahamukunda, ahamuvhuuzya ahati, “Usovheliilwe ishintu shooka. Sogoola ukazye ivintu vwonti vwe uli navwo, impiiya zye waposheela uuvhape avhapiina. Inga wavhomba vhwevhulo, ukuvha wayisengulila inkoma ku mwanya. Pe uyinze, undandate.”

Maliko 8:34

Pe uYeesu ahiita ivhungaana ilya vhantu pooka na vhasundikwa vhaakwe ahati, “Umuntu wonti we akwanza kundandata ine, yikwanzilwa ayihaane wuuyo weeka, ayikungulaje kundandata insiku zyonti, poosye nu kufwa.

uLuuka 13:27

Ileelo uweene aliiti, ‘Nkuvhavhuuzya kuuti, ntavhamanyile imwe, havhili ntamanyile kwe mufumile! Yeepi kuli ine, imwe mwe mukuvhomba imbiivhi!’

uLuuka 9:23

Pisinda, uYeesu ahavhavhuuzya vhonti ahati, “Umuntu wonti we akwanza kundandata ine, yikwanzilwa ayihaane wuuyo weeka, ayikungulaje kundandata insiku zyonti, poosye nu kufwa.

Yohani 10:14

Ine ne mudiimi umwinza. Ingʼonzi zyane nzimanyile ahinza, zyope zimanyile ine.

Yohani 10:16

Ine indi ni ngʼonzi izyamwavho zye naazimo mwi ivhiji ili, zyope nkwanzilwa inzileete umu. Ingʼonzi izyo, zyope kwe zilimanye izwi lyane. Kwi idala ilyo, kwe yivhe impuga yooka nu mudiimi wooka.

Yohani 10:8

Vhonti vhe vhándongoleeye, vhiivha, havhili vhapumula vintu, ileelo ingʼonzi zitávhatejeleziizye.

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

Yohani 21:22

UYeesu ahamwamula uPeeteli ahati, “Inga nkwanza kuuti uno avhe mulanzi kufishila lwe nkugaluha, shooni she iwe izyo zikukutamwa? Iwe undandate ine.”

Yohani 5:25

Nalyoli nkuvhavhuuzya kuuti, ahavhaliilizyo hakwinza, havhili hafisile, he avhafwe vhaliyiivwa zye ine ne Mwana wa Mulungu nkuyanga. Pe vhonti vhe vhaliyiivwa nu kwitiha, vhaliivha nu vhulanzi uvhwa shiima.

Yohani 8:12

Pe uYeesu ahajendeelela kuyanga havhili ni mpuga yiila ahati, “Ine ne vhuzelu ku vhantu vhonti. Umuntu wonti we akundandata ine, te ahajende mu shiisi naalumo, ileelo aliivha nu vhuzelu vhwe vhulimulongolaga mu vhulanzi uvhwa shiima.”

Yohani 8:43

Shooni she mutakuzimanyinsanya zye nkuyanga? Mutakuzimanyinsanya, mwe pe mutakwitiha zye nkuvhasambiilizya.

iMbombo izya Vhatumwa 3:23

Umuntu wonti we alihaana kumutejeelezya umukuvhwi uyo, uMulungu alimwefwa mu vhantu vhaakwe nu kumulovwa.’

1 VaKolinti 8:3

Ileelo umuntu we akumukunda uMulungu, uyo we akumanyiha nu Mulungu wuuyo.

VaGalati 4:9

Ileelo ishi, mumumanyile uMulungu, kwe kuuti woope avhamanyile imwe. Pe mungagaluha inza vhuli, mu maata ge gatali na maha, havhili gatangaavwa naashimo? Vhuli, mukwanza muvhe mwe vhazya avha maata iga havhili?

2 Timoti 2:19

Ileelo ulwalo ulwa Mulungu ulwa lwitiho lwe lugomu lwimiliiye, havhili lusimviilwe uvhwanalyoli vhwe vhukuti, “UMWENE uMulungu avhamanyile avhantu vhaakwe.” “Umuntu wonti we akuyanga kuuti muntu wa MWENE, akwanzilwa azileshe imbiivhi.”

VaHebuli 3:7

Ishi inza vwe uMupepo uMufinjile akuyanga akuti, “Ileelo inga mwivwa izwi ilya Mulungu,

Ishitushizya 14:4

Ivho vhe vhatáyihandamiinie na vhantanda, mwe pe vhafinjile. Ivha vhe vhakuhalandata aHagonzi aha MWENE uMulungu kwonti kwe hakusogola. Ivha havhakazile kufuma mu vhantu, havhili vhe vhatanzi kwa MWENE uMulungu na ku Hagonzi haakwe.

Ishitushizya 3:20

Yeenya, ine nimiliiye ku mulyango nkwiguzya! Umuntu we ayiivwa izwi lyane nu kwigula umulyango, ndiyinjila ku kwakwe, niine ndiilya pooka nawo, woope pooka niine.