Yohani 10:25 - ULufingwi uLupwa

²⁵ Ileelo uYeesu ahavhaamula ahati, “Ine mbavhuziizye kuuti ne naanu, ileelo imwe mukuhaana kuniitiha. Imbombo zye nkuvhomba ku maha aga Taata waane zye zikunkomeshezya kuuti ine ne naanu.

Tesitamenti Umupwa 1965

²⁵ PʼuYesu ahavavuzya ahati: Mbavuzizye, nkandi mutitisile. Imbombo zye nkuvomba mwizina lya Tata, zye zinizi zye zikunkomeshezya.

Yohani 10:25 ပူးပေါင်းရင်းမြစ်များ

Yohani 10:32

Ileelo uYeesu ahavhavhuuzya ahati, “Navhalolesya imbombo inyinji inyinza ku maha aga Taata waane. Vhuli, mbombo vhuli zye zikuvhavhiiha imwe kuuti munkome na mavhwe?”

Yohani 10:37

Inga ntakuvhomba imbombo izya Taata waane, pe mutanitihaje.

Yohani 10:38

Ileelo inga nkuzivhomba imbombo zye uTaata waane akuzivhomba, poosye inga mutakwitiha zye nkuyanga, ishi mujendeelele kuzyitiha imbombo izyo. Kwi idala ilyo, pe kwe mumanye kuuti uTaata waane ali muhati yaane, niine indi muhati yaakwe.”

Yohani 11:47

Pe avhapiti avha vhapuuti na Vhafalisaayi vhahavhungaana pa lukuvhato lwe vhahatinji iSaniheediliini, vhahavhuzilizanya vhuuvho vheeka vhahati, “Vhuli, tuvhombe ishooni? Yeenya, umuntu uno akuvhomba ivilolesyo ivwinji.

Yohani 12:37

Pooka nu kuuti uYeesu ávhomvile ivilolesyo ivwinji pilongolela lyavho, ileelo avhantu vhatámwitisile.

Yohani 14:11

Mwitishe zye nkuyanga kuuti, indi muhati ya Taata waane, nu kuuti woope ali muhati yaane. Ileelo inga mutakwitiha zye nkuyanga, pe mwitishe ku mbombo zye nkuzivhomba.

Yohani 20:30

UYeesu ávhomvile ivilolesyo ivinji ivwinji pilongolela ilya vhasundikwa vhaakwe, vwe vitasimviilwe mwi ikalaata ili.

Yohani 3:2

Isiku limo uvhusiku, uNikodeemo ahasogola kwa Yeesu, ahamuvhuuzya ahati, “We Musambiilizi, tumanyile kuuti iwe we Musambiilizi we uMulungu akusonteleziizye, mwe pe ataliipo umuntu we angavhomba ivilolesyo vwe ukuvhomba inga uMulungu atali pooka nawo.”

Yohani 7:31

Ileelo avhantu avhinji mwi ivhungaana lye lyáli paala, vhahamwitiha uYeesu, vhahayangaga vhahatinji, “Inga uChilisiti ayinza, vhuli, alivhomba ivilolesyo ivwinji kuluusya vwe umuntu uno avhomvile?”

Yohani 8:12

Pe uYeesu ahajendeelela kuyanga havhili ni mpuga yiila ahati, “Ine ne vhuzelu ku vhantu vhonti. Umuntu wonti we akundandata ine, te ahajende mu shiisi naalumo, ileelo aliivha nu vhuzelu vhwe vhulimulongolaga mu vhulanzi uvhwa shiima.”

Yohani 8:24

Ye nongwa navhavhuuzya kuuti, kwe mufwe mu vhutalamalandu vhwinyu. Ishi inga mutakwitiha kuuti ine ne neene, kwe mufwe mu vhutalamalandu vhwinyu.”

Yohani 8:56

Utaata wiitu uAabulahamu ásesheeye nkaani, lwe aamanya kuuti kwe ninze. Áamile fwe andola, ahaseshela nkaani.”

Yohani 8:58

UYeesu ahavhaamula ahati, “Nalyoli nkuvhavhuuzya kuuti, lwe uAabulahamu ashiili kupaapwa, ine indiipo.”

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 2:22

UPeeteli ahajendeelela kuyanga kuuti, “Mwe vhanaavuli vha mu Isilayeeli, tejeelezyi amazwi iga! UMulungu avhalolesiizye imwe kuuti akuvhomba imbombo kutuushila kwa Yeesu uwa ku Naazaleeti. Mweneemwe mumanyile ahinza kuuti kwa Yeesu wunuuyo kwe avhomvile amafindango ni zya kusukumizya ni vilolesyo kuli imwe.

VaHebuli 2:3

Pe ishi, iswe tungaapona inza vhuli kupeelwa isunde, inga tutakuvhusaajila uvhuposhi uvhupiti inza uvhu? UMwene uYeesu wuuyo we átalisile kuvhukumusya uvhuposhi uvhwo, na vhantu vhe vhámwivuuye vhe vhátuhomesheziizye kuuti vhwáli vhwa nalyoli.