Yohani 10:18 - ULufingwi uLupwa

¹⁸ Ataliipo umuntu we angamfwula uvhulanzi vhwane. Ine ne nkusaavhula kuvhufumwa uvhulanzi vhwane. Ine indi na maha aga kuvhufumwa uvhulanzi vhwane, havhili indi na maha aga kuvha ne mulanzi havhili. Nkuyanga vhwevhulo, mwe pe uTaata waane we andajiziizye kuvhomba vhwevhulo.”

Tesitamenti Umupwa 1965

¹⁸ Numo atakuvufwula kukwane ndali, nkuvutaga nene neka. Ndi namaha ga kuvutaga, ndi namaha ga kuvusenda nohavili. Zye zizyo andajizizyʼuTata zinizi.

Yohani 10:18 ပူးပေါင်းရင်းမြစ်များ

Yohani 10:11

“Ine ne mudiimi umwinza. Umudiimi umwinza akuyifumwa kufwa kuzipoha ingʼonzi zyakwe.

Yohani 10:15

Inza vwe uTaata amanyile ine, niine imumanyile uweene. Ine nkuyifumwa kufwa kuzipoha ingʼonzi zyane.

Yohani 10:17

“UTaata ankunzite, mwe pe nkuvhufumwa uvhulanzi vhwane, inga mbwaje havhili.

Yohani 14:31

Zye nkuzivhomba zye uTaata ándajiziizye kuzivhomba, inga avhantu vhonti avha mu nsi umu vhamanye kuuti imukunzite. Ishi yimiliili, twepe ipa.”

Yohani 15:10

Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

Yohani 19:11

UYeesu ahamwamula uPilaato ahati, “Utaamile uvhanje na maha naagamo kuli ine, inga uMulungu atakupanje. Pe ishi, umuntu we ambiisile mu nyoovhe zyaho, we ali nu vhutalamalandu uvhupiti kuluusya uvhwaho.”

Yohani 5:26

Inza vwe uTaata waane ali na maha aga kuumupa umuntu uvhulanzi uvhwa shiima, niine ne Mwana waakwe ampiiye amaha aga kuuvhapa avhantu uvhulanzi uvhwa shiima.

Yohani 5:30

UYeesu ahajendeelela kuyanga ahati, “Naashimo she ingavhomba ku maha gaane. Nkuvhalonga avhantu kulandatana na vwe uTaata waane akumbuuzya. Kuli izyo, uvhulonzi vhwane vhugolosu, mwe pe ntakuvhomba zye nkasiime, nkandi zye akasiime uTaata waane we ansonteleziizye.

Yohani 6:38

Nkuyanga isho, mwe pe ine ninzile kufuma ku mwanya, inga mbombaje ulukasamo ulwa Taata waane we ansonteleziizye. Ntinzile kuvhomba zye nkansiime neene.

iMbombo izya Vhatumwa 2:24

Ileelo uMulungu ahamuzyusya, ahamusatula mu mayimba aga vhufwe, mwe pe vhutáali na maha aga kumumeneelezya.

iMbombo izya Vhatumwa 2:32

“UMulungu ahamuzyusya uYeesu uyo, swenti tuhomesheziizye inongwa izi.

iMbombo izya Vhatumwa 3:15

Muhamugoga uweene we áali vhwandilo uvhwa vhulanzi, ileelo uMulungu ahamuzyusya. Iswe tuhomesheziizye izyo.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 2:9

Ileelo tukumulola uYeesu, we uMulungu ámuvhiisile kuvha munsi kuluusya avhahavhizya ku havhaliilizyo hansi. Uyo we uMulungu amupiiye uvhushindamu nu mushinzi umupiti kufumiilana nu kuyimba nu kufwa kwakwe. UMulungu ávhomvile vhwevhulo, inga kwi idala ilya vhwila vhwakwe, uYeesu afwe kuzya kuvhapoha avhantu vhonti.