Yohani 10:11 - ULufingwi uLupwa

¹¹ “Ine ne mudiimi umwinza. Umudiimi umwinza akuyifumwa kufwa kuzipoha ingʼonzi zyakwe.

Tesitamenti Umupwa 1965

¹¹ Ne mudimi umwinza nenene. Uwenʼumudimʼumwinza akuzifwilʼuvulanzi vwakwe ingʼonzi zyakwe.

Yohani 10:11 ပူးပေါင်းရင်းမြစ်များ

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

Yohani 10:2

Ileelo umuntu we akwinjiilila pa mulyango uwa ivhiji, uyo we mudiimi uwa ngʼonzi.

Yohani 15:13

Ataliipo umuntu we ali ni shikunzi ishipiti kuluusya ishikunzi isha muntu we akwitiha kufwa kuzya vhamanyani vhaakwe.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 13:20

UMulungu uwa vhutehamu ámuzyusiizye uMwene wiitu uYeesu, uMudiimi uMupiti uwa ngʼonzi, uweene we áyiisite amavhanda gaakwe pa shihovhenkanyo ge gakuhomeshezya ulufingwi ulwa shiima.

1 Peteli 5:4

UYeesu we Mudiimi uMupiti uwa vhantu vhaakwe. Lwe uweene aloleha, muliposheela ishipambwi isha vhushindamu she shitakunanjiha.

1 Yohani 3:16

Iswe tushimanyile ishikunzi, mwe pe uChilisiti ávhufumwizye uvhulanzi vhwakwe ku zyitu. Niiswe vhweleele, inga haafiha ahavhaliilizyo aha kuvhaavwa avhamwitu, tukwanzilwa kuyikungula kuvhaavwa, poosye nu kuvhufumwa uvhulanzi vhwitu ku zyavho.

Ishitushizya 7:17

Mwe pe aHagonzi aha MWENE uMulungu he hali pamwanya pa shitengo isha vhumwene halivhadiima. Hoope halivhatwala ku viduda ivwa minzi ge gakufumwa uvhulanzi. Havhili uMulungu woope alivhasyumula amansozi gonti ku minso gaavho.’”