Yohani 10:10 - ULufingwi uLupwa

¹⁰ Umwivha akwinza ni nsiivho izya kwivha nu kugoga nu kunanganya. Ileelo ine ninzile, inga zivhe nu vhulanzi, havhili zivhe navhwo ku vhwinji.

Tesitamenti Umupwa 1965

¹⁰ Uwenʼumwiva lwʼakwinza pʼakuti nivaje, mbolaje, nangaje mpela vovulo. Nkandʼine ninzile ukuti zivanje nuvulanzi, ukuti zitangalilwe ṿwonti.

Yohani 10:10 ပူးပေါင်းရင်းမြစ်များ

Matayi 18:10

“Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

Matayi 18:11

Yeenya, ne Mwana wa Aadamu ninzile mu nsi kuvhapoha vhe vhateezile.

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

Matayi 21:13

UYeesu ahavhavhuuzya ahati, “Yisimviilwe mu Vhusimbe uVhufinjile kuuti, ‘INyumba yaane yiliivha Nyumba iya kupuutila.’ Ileelo imwe muyivhiisile kuvha lishembo ilya vhapumula vintu.”

Matayi 23:13

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Ku nsambiilizyo zyinyu mukuvhadindila avhantu kwinjila mu vhumwene uvhwa Mulungu. Niimwe mweneemwe mutakwinjila, havhili mutakuvhitishila vhe vhakwanza kwinjila.

Maliko 11:17

Ahataliha kusambiilizya, ahati, “Yisimviilwe mu Vhusimbe uVhufinjile kuuti, ‘INyumba yaane yiliivha Nyumba iya kupuutila avhantu avha nsi zyonti.’ Ileelo imwe muyivhiisile kuvha ‘lishembo ilya vhapumula vintu.’”

uLuuka 19:10

Mukumbushe kuuti, ne Mwana wa Aadamu ninzile kulondola nu kuvhapoha avhantu vhe vhateezile.”

Yohani 10:1

UYeesu ahajendeelela kuyanga na Vhafalisaayi vhaala ahati, “Nalyoli nkuvhavhuuzya kuuti, umuntu wonti we atakwinjiilila pa mulyango uwa ivhiji ilya ngʼonzi, ileelo akwinjiilila apanji, umuntu uyo mwivha, havhili mupumula vintu.

Yohani 10:11

“Ine ne mudiimi umwinza. Umudiimi umwinza akuyifumwa kufwa kuzipoha ingʼonzi zyakwe.

Yohani 12:47

Umuntu we akugiivwa amazwi gaane, ileelo atakugalema, te nkamulonje, mwe pe ntínzile kuvhalonga avhantu, nkandi nínzile kuvhapoha.

Yohani 12:6

UYuuda áyanzile vhwevhulo, te kuuti, mwe pe ahavhafwilaga uvhwila avhapiina, nkandi, mwe pe áamile mwivha. Uweene we ahasengulaga imfuuku iya mpiiya, ahiivhaga impiiya mu mfuuku iyo nu kuzivhombela wuuyo weeka.

Yohani 3:17

Yeenya, uMulungu atánsonteleziizye ne Mwana waakwe kuvhalonga avhantu avha mu nsi umu, nkandi kuvhapoha.

Yohani 5:40

Ileelo mukuhaana kwinza ku kwane, inga mbape uvhulanzi uvhwa shiima.

Yohani 6:33

Nkuyanga vhwevhulo, mwe pe ishaakulya isha Mulungu, neene ne uMulungu ansonteleziizye kufuma ku mwanya, inga mbape uvhulanzi uvhwa shiima avhantu vhonti vhe vhali mu nsi umu.”

Yohani 6:51

Ine ne shaakulya she shifumile ku mwanya, she shikuuvhapa avhantu uvhulanzi. Umuntu wonti we akulya ishaakulya ishi akuvha nu vhulanzi uvhwa shiima. Ishaakulya ishi muvhili waane we kwe mbufumwe ku vhantu vhonti, inga vhavhe nu vhulanzi uvhwa shiima.”

VaLoma 2:21

Iwe ukuvhasambiilizya avhanji, ileelo iwe weneewe utakuvhomba zye ukuvhasambiilizya! Iwe ukuvhakumusizya avhanji kuuti vhatiivhaje, ileelo iwe weneewe ukwivha!

1 Timoti 1:15

Kuli izwi ilya nalyoli lye likwanzilwa kulyitiha ku mwoyo wonti, kuuti, “UChilisiti uYeesu áyinzile mu nsi umu kuvhapoha avhatalamalandu.” Niine ne mutalamalandu kuluusya avhanji vhonti.

VaHebuli 6:17

Woope uMulungu ahanzaga kulolesya apazelu ku vhantu vhe vhaliposheela ziila zye áfinzile kuuti te ahazyandule. Ili lye lyápeleeye kuuti ahomeshezye ulufingwi lwakwe kwi idala ilya kulapa.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

2 Peteli 1:11

Kuli izyo, uMulungu alivhaposheela ahinza, inga mwinjile mu vhumwene uvhwa shiima uvhwa Mwene wiitu, uMuposhi uYeesu Chilisiti.