Yohani 10:1 - ULufingwi uLupwa

¹ UYeesu ahajendeelela kuyanga na Vhafalisaayi vhaala ahati, “Nalyoli nkuvhavhuuzya kuuti, umuntu wonti we atakwinjiilila pa mulyango uwa ivhiji ilya ngʼonzi, ileelo akwinjiilila apanji, umuntu uyo mwivha, havhili mupumula vintu.

Tesitamenti Umupwa 1965

¹ Nalyoli lyoli nkuvavuzyʼine nkuti: Uno wengʼatakutuha mushilyango ukwinjila mwiviji lya ngʼonzi, uno wengʼakupongola paluvazu, we mwiva, we mfumfu.

Yohani 10:1 ပူးပေါင်းရင်းမြစ်များ

Matayi 7:15

“Muvhanje minso na vhakuvhwi avha ilenga, mwe pe lwe vhakuvhinzila, vhakuyivhiiha ngati ngʼonzi. Ileelo mu mooyo gaavho vhali ngati mpumpi.

Yohani 10:7

Pe uYeesu ahayanga havhili ahati, “Nalyoli nkuvhavhuuzya kuuti, ine indi inza umulyango uwo, we ingʼonzi zikwinjiilila mwi ivhiji.

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

VaLoma 10:15

Havhili vhangakumusya vhuli, inga vhatatumiilwe? Izya kutumwa vhe vhakulumbiilila, uVhusimbe uVhufinjile vhukuti, “Kwinza nkaani kwinza ukwa vhantu vhe vhakulumbiilila Izwi iLyinza!”

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

uTiiti 1:11

mwe pe vhakuvhapuvwa avhantu mu nyumba inyinji, lwe vhakusambiilizya zye zitakwanzilwa. Vhakuvhomba izyo, inga vhazyaje impiiya!

VaHebuli 5:4

Ataliipo umuntu we angayivhiiha wuuyo kuvha mupuuti umupiti, nkandi uMulungu we akumusaavhula inza vwe ámusavhuuye uAaloni.

1 Peteli 1:10

Inongwa izya vhuposhi vhwinyu uvhwo, avhakuvhwi vhálondooye nu kupenza nkaani, inga vhazimanye. Vhákuvile inongwa izya vhwila uvhwa Mulungu vhwe ásivhiliiye kuuvhapa imwe.

2 Peteli 2:1

Ahavhaliilizyo aha vhakuvhwi, vháfumiiye avhakuvhwi avha ilenga mu Vhaisilayeeli. Vhwevhulo, avhasambiilizi avha ilenga vhalifumila muhati yiinyu. Avhasambiilizi ivho vhalileeta ku vhuzigizigi insambiilizyo izya ilenga nu kumuhaana uYeesu uMulongozi uMupiti we ávhatavhuuye. Kwi idala ilya nsambiilizyo zyavho, vhaliyileteelela naluvhiilo kulovha kwavho.

2 Peteli 2:3

Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!

1 Yohani 4:1

Mwe vhankundwa, mutavhitihaje avhantu vhonti vhe vhakuti vhali nu Mupepo uwa Mulungu, mwe pe avhakuvhwi avha ilenga avhinji vhafumiiye mu nsi. Mwenyelezyaje ahinza, kumanya inga umuntu akulongolwa nu Mupepo uwa Mulungu pamo haa.