Yohani 1:51 - ULufingwi uLupwa

⁵¹ UYeesu ahajendeelela kuyanga kuuti, “Nalyoli nkuvhavhuuzya kuuti, kwe mulole ku mwanya kwigusile, avhahavhizya avha Mulungu vhakuzuvha nu kwiha pali ine ne Mwana wa Aadamu.”

Tesitamenti Umupwa 1965

⁵¹ Pʼahayanga nawo ahati: Nalyoli lyoli nkuvavuzyiʼmwe nkuti: Muliyaga kumwanya kwigusile navahavizya va Mulungu ve vakuzuva kumwanya nave vakumwishila uMwanamuntu.

Yohani 1:51 ပူးပေါင်းရင်းမြစ်များ

Matayi 25:31

UYeesu ahajendeelela kuvhavhuuzya avhasundikwa vhaakwe kuuti, “Lwe ine ne Mwana wa Aadamu ninza mu vhushindamu vhwane pooka na vhahavhizya vhonti, nditendama pa shitengo shaane isha vhushindamu.

Matayi 26:24

Ne Mwana wa Aadamu kwe mfwe inza vwe nsimviliilwe mu Vhusimbe uVhufinjile. Ileelo asheela umuntu uyo we akunaniila. Yaamile kwashi ku kwakwe umuntu uyo, inga atápafwilwe.”

Matayi 3:16

Lwe uYeesu ayoozelwa, ahatumpuha mu minzi nu kwimiilila. Yeenya, naluvhiilo ku mwanya kuhiiguha, ahamulola uMupepo uwa Mulungu akwiha pamwanya yaakwe ku shiholanyo isha nkunda.

Matayi 4:11

Pe uMukwalanzi ahamuleha uYeesu pepaala, naluvhiilo avhahavhizya avha Mulungu vhahinza kumuvhombela.

Matayi 8:20

Ileelo uYeesu ahamwamula ahati, “Avhahavhila vhali na mashembo, zyope inyunyi zili ni visanza, ileelo ne Mwana wa Aadamu ntali na pa kukaasya uluvhazu lwane!”

Matayi 9:6

Ileelo ishi nkwanza mumanye kuuti ne Mwana wa Aadamu indi na maha aga kuvhaswila avhantu uvhutalamalandu mu nsi.” Pe ahamuvhuuzya ula we áhataliiye ahati, “Nkukuvhuuzya kuuti, yimiliila! Nyatuula izagala lyaho, vhwelaaga kuhaaya.”

Maliko 1:10

UYeesu lwe akutumpuha mu minzi, naluvhiilo ahalola ku mwanya kukwiguha nu Mupepo uMufinjile we ali ngati nkunda ahamwishila pamwanya yaakwe.

Maliko 14:62

UYeesu ahati, “Ine ne neene. Niimwe kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani, havhili kwe mundole nkwinza mu mavhingo.”

uLuuka 2:13

Naluvhiilo yihaloleha impuga impiti iya vhahavhizya kufuma ku mwanya pooka nu havhizya ula. Vhahamutiimaga uMulungu vhahatinji,

uLuuka 2:9

Naluvhiilo uhavhizya uwa MWENE uMulungu ahavhaloleshela. Uvhuzelu uvhuhali kufuma kwa MWENE vhuhavhahozya imbazu zyonti, pe vhahoogopa nkaani.

uLuuka 22:43

Pe uhavhizya kufuma ku mwanya ahamwinzila, ahamugomwa.

uLuuka 22:69

Ileelo kufuma isaala ili, ne Mwana wa Aadamu kwe ntendame ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani.”

uLuuka 24:4

Lwe vhakusukumila, vhahitushila avhanaavuli vhavhili, vhe vházwaye amenda amazelu, ge gakunyengʼenyela nkaani, vhimiliiye papiipi navho.

uLuuka 3:21

UYoohani lwe ashiili kukungwa mu jeela, ahavhaliilizyo he ahozyaga avhantu avhinji, woope uYeesu ahoozelwa. Lwe akumulaavha uMulungu, ku mwanya kuhiiguha.

Yohani 1:50

UYeesu ahamwamula nu kumuvhuziilizya kuuti, “Vhuli, ukwitiha, mwe pe nakuvhuuzya kuuti, nkuvhwenyi lwe utendiime pansi pi ituvhu? Kwe uzilole izinji impiti nkaani izya kusukumizya kuluusya izi!”

Yohani 10:1

UYeesu ahajendeelela kuyanga na Vhafalisaayi vhaala ahati, “Nalyoli nkuvhavhuuzya kuuti, umuntu wonti we atakwinjiilila pa mulyango uwa ivhiji ilya ngʼonzi, ileelo akwinjiilila apanji, umuntu uyo mwivha, havhili mupumula vintu.

Yohani 10:7

Pe uYeesu ahayanga havhili ahati, “Nalyoli nkuvhavhuuzya kuuti, ine indi inza umulyango uwo, we ingʼonzi zikwinjiilila mwi ivhiji.

Yohani 13:16

Nalyoli nkuvhavhuuzya kuuti, umuzya te mupiti kuluusya umwene waakwe, havhili we akutumwa te mupiti kuluusya we akumutuma.

Yohani 13:38

UYeesu ahamwamula ahati, “We Peeteli, vhuli, nalyoli kwe uyifumwe kufwa ku zyane? Nalyoli nkukuvhuuzya kuuti, lwe inkanda yishiili kuvhilishila, kuuti uvhe wankaana lutatu, kuuti utamanyile.”

Yohani 14:12

Nalyoli nkuvhavhuuzya kuuti, umuntu wonti we akuniitiha, kuuti avhombaje imbombo zye niine nkuvhomba. Havhili kwe avhombaje ni mpiti kuluusya zye nkuvhomba, mwe pe nkusogola kwa Taata.

Yohani 16:20

Nalyoli nkuvhavhuuzya kuuti, imwe kwe mukuute nu kuloosya, ileelo avhantu avha mu nsi umu kwe vhaseshele. Kwe muswimiililwe ahavhaliilizyo hansi, ileelo uvhuswimiilizu vhwinyu kwe vhugalunkane kuvha luseshelo.

Yohani 16:23

Havhili lwe ahavhaliilizyo iho haafiha, te muhandaavhe naashimo. Nalyoli nkuvhavhuuzya kuuti, zyonti zye mukumulaavha uTaata uMulungu kwi izina lyane, aliivhapa.

Yohani 21:18

Nalyoli nkukuvhuuzya kuuti, lwe we mujaaha, uhayizwalizyaga amenda weeka nu kusogola kwonti kwe ukwanza. Ileelo lwe wagoosipa, uligolosyaga inyoovhe zyaho, nu muntu uwunji we alikuzwalizyaga, nu kukutwala kwe utakwanza.”

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

Yohani 3:5

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu inga atapafwilwe kwi idala ilya minzi ni lya Mupepo uwa Mulungu.

Yohani 5:19

UYeesu ahavhavhuuzya avhalongozi ivho ahati, “Nalyoli nkuvhavhuuzya kuuti, ine ne Mwana waakwe, ntangavhomba naalimo ku maha gaane. Nkuvhomba zyeziila zye nkumulola uTaata waane akuvhomba, mwe pe zye uTaata akuvhomba zye niine ne Mwana waakwe nkuvhomba.

Yohani 5:27

Havhili, ampiiye amaha aga kuvhalonga avhantu, mwe pe ne Mwana wa Aadamu.

Yohani 6:26

UYeesu ahavhaamula ahati, “Nalyoli nkuvhavhuuzya kuuti, te kuuti mukundondola, mwe pe mwaavhwenyi ivilolesyo vwe naavhomvile, nkandi, mwe pe naavhapiiye amakaati, mwalya nu kwikuta.

Yohani 6:32

Pe uYeesu ahavhavhuuzya ahati, “Nalyoli nkuvhavhuuzya kuuti, te wu Moose we ávhapiiye avhataata vhiinyu ishaakulya kufuma ku mwanya, nkandi wu Taata waane we poosye ishi akuuvhapa imwe ishaakulya isha nalyoli kufuma ku mwanya.

Yohani 6:47

“Nalyoli nkuvhavhuuzya kuuti, umuntu we akuniitiha ine, ali nu vhulanzi uvhwa shiima.

Yohani 6:53

Ileelo uYeesu ahavhavhuuzya ahati, “Nalyoli nkuvhavhuuzya kuuti, inga mutaalya umuvhili waane, nu kumwela amavhanda gaane ine ne Mwana wa Aadamu, te muvhe nu vhulanzi.

Yohani 8:34

UYeesu ahavhaamula ahati, “Nalyoli nkuvhavhuuzya kuuti, umuntu wonti we akujendeelela kuvhomba uvhutalamalandu, akuvha muzya uwa vhutalamalandu.

Yohani 8:51

Nalyoli kuvhavhuuzya kuuti, umuntu wonti we akuzilandata zye nkusambiilizya, te ahaafwe naalumo.”

Yohani 8:58

UYeesu ahavhaamula ahati, “Nalyoli nkuvhavhuuzya kuuti, lwe uAabulahamu ashiili kupaapwa, ine indiipo.”

iMbombo izya Vhatumwa 10:11

Mu njozi iyo, ahalola ku mwanya kwigusile, havhili ishintu she sháali ngati ligolole ipiti lye lilemwilwe imbazu zyonti zine, shikwiha pansi.

iMbombo izya Vhatumwa 7:56

Pe ahayanga ahati, “Yeenyi, naalola ku mwanya kwigusile, uMwana wa Aadamu ayimiliiye ku luvhazu ulwa kundiilo ulwa Mulungu pa vhushindamu uvhupiti nkaani!”

2 VaTesaloniki 1:7

nu kuuvhapa ulutuuzyo imwe mwe mukuyimvilwa pooka niiswe. Alivhomba izyo lwe uMwene uYeesu akugaluha kufuma ku mwanya nu mwilo uwa mwoto, pooka na vhahavhizya vhaakwe avha maha.

2 VaTesaloniki 1:9

Isunde lyavho liliivha vhunanjisu uvhwa shiima nu kuvhavhiiha ukutali nu Mwene nu vhushindamu vhwakwe uvhupiti.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

VaHebuli 1:14

Pe ishi, avhahavhizya shintu vhuli? Avhahavhizya mpepo vhweleele zye zikumuvhombela uMulungu. Uweene akuzisonteelezya kuvhavhombela vhaala vhe vhaliipokwa.

uYuuda 1:14

UEenoki, utaata uwa 7 kufuma pa Aadamu, áfumwizye uvhukuvhwi ku zyavho. Átili, “Yeenyi, uMWENE uMulungu akwinza na vhahavhizya vhaakwe avhafinjile amashumi na mashumi,

Ishitushizya 19:11

Pisinda, nkalola ku mwanya kwigusile, ukwo nkalola imfwalaasi inzelu, na we akuyilimbila vhahatinji, “UMutungamu” nu “Wa Nalyoli.” Uyo akulongaga nu kulwa ku vhugolosu.

Ishitushizya 4:1

Lwe zyatuuha izyo, nkalola umulyango wigusile ku mwanya ni izwi liila itanzi lye nályivuuye inza izwi ilya isaji lihayanga niine, lihati, “Zuvha kwope uku, niine kwe nkulolesye zye kuuti zifumile mu havhaliilizyo he hakwinza.”