Yohani 1:49 - ULufingwi uLupwa

⁴⁹ Pe uNasaniyeeli ahamwamula ahati, “We Musambiilizi, ishi naamanya kuuti iwe we Mwana wa Mulungu! Iwe we Mwene uwa nsi iya Isilayeeli!”

Tesitamenti Umupwa 1965

⁴⁹ Pʼahamwamula uNatanayeli ahati: Labi, we Mwana wa Mulungu wenewe, we Mwene wenewe wa vana-Yisilayili.

Yohani 1:49 ပူးပေါင်းရင်းမြစ်များ

Matayi 14:33

Pe avhasundikwa vhe vháali mwi ivhooti, vhahamusugamilila uYeesu vhahati, “Nalyoli iwe we Mwana wa Mulungu!”

Matayi 2:2

Vhahavhuziilizya vhahati, “Ali kwoshi we apafwilwe, uMwene uwa Vhayuuda? Tukuvhuziilizya isho, mwe pe tuluvhwenyi uluzota kufuma kuvhutukulo lwe lukulolesya kuuti apafwilwe. Ye nongwa twinzile kumusugamilila.”

Matayi 21:5

“Muvhavhuuzye avhantu avha mu nkaaya iya Sayuuni kuuti, ‘Yeenya, uMwene wiinyu akwinza kuli imwe. Uweene mutonsu, alimbiiye pa ndogomi, indogomi inyaana.’”

Matayi 23:7

Havhili, vhakusungwa avhantu vhavhalamuhaje ku mushinzi lwe vhali mu madala nu kuuti vhavhiitaje vhatinji, ‘We musambiilizi.’

Matayi 23:8

“Ileelo imwe mutitihaje lwe vhakuvhiita kuuti, ‘We musambiilizi!’ Nkuyanga vhwevhulo, mwe pe muli nu Musambiilizi wooka vhweleele, niimwe mwenti mwe vhasundikwa vhaakwe.

Matayi 27:11

Pe uYeesu ahimiilila pilongolela ilya mupiti uMuluumi. Umupiti uyo ahamuvhuziilizya ahati, “Vhuli, iwe we Mwene uwa Vhayuuda?” UYeesu ahamwamula ahati, “Iwe we wayanga.”

Matayi 27:42

“Aavhaposile avhanji, ileelo atangayipoha wuuyo! Inga wu Mwene uwa Vhaisilayeeli, ayiishe pa shihovhenkanyo, pe niiswe kwe tumwitishe.

Matayi 4:3

Pe uMukwalanzi ahinza kumulinga, ahamuvhuuzya ahati, “Inga we Mwana wa Mulungu, gavhuuzye amavhwe iga gagalunkane gavhe makaati.”

Maliko 15:32

Inga uweene wu Chilisiti, havhili wu Mwene uwa Vhaisilayeeli, ayiishe pa shihovhenkanyo, niiswe tumulole, pe kwe tumwitishe.” Vhoope vhe vháhomeliilwe pooka nawo vhahamuliga.

uLuuka 1:35

Uhavhizya ahamwamula ahati, “UMupepo uMufinjile kuuti akwishile, na maha aga Mulungu uMupiti uwa ku Mwanya kuuti gakugwinshile inza ahanzundila. Pe umwana we ulipaapa aliivha mufinjile, havhili avhantu vhalitinji Mwana wa Mulungu.

uLuuka 19:38

vhahatinji, “Alosiitwe uMwene we akwinza kwi izina ilya MWENE uMulungu! Ishi kuvhe uvhutehamu nu vhushindamu ku mwanya.”

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 1:34

Pe uYoohani ahati, “Niine nazilola, havhili nkuhomeshezya kuuti uno Mwana wa Mulungu.”

Yohani 1:38

Pe uYeesu ahagalunkana mwisinda, ahavhalola avhasundikwa ivho vhakumulandata. UYeesu ahavhavhuziilizya ahati, “Vhuli, mukulondola ishooni?” Vhoope vhahamwamula vhahati, “We Laabi (izina ili kwe kuuti Musambiilizi), ukutendama kwoshi?”

Yohani 1:50

UYeesu ahamwamula nu kumuvhuziilizya kuuti, “Vhuli, ukwitiha, mwe pe nakuvhuuzya kuuti, nkuvhwenyi lwe utendiime pansi pi ituvhu? Kwe uzilole izinji impiti nkaani izya kusukumizya kuluusya izi!”

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

Yohani 4:31

Lwe avhantu vhaala vhashiili kufiha, avhasundikwa vhaakwe vhahamulaavha vhahati, “We Musambiilizi, nzaaga ulye ishaakulya.”