Yohani 1:45 - ULufingwi uLupwa

⁴⁵ UFiilipo ahamulola uNasaniyeeli, ahamuvhuuzya ahati, “Twamulola umuntu ula we uMoose ásimvile inongwa zyakwe mwi ikalaata ilya ndajizyo na we avhakuvhwi vhásimvile inongwa zyakwe. Umuntu uyo izina lyakwe wu Yeesu umwana wa Yoosefu we akufuma mu nkaaya iya Naazaleeti.”

Tesitamenti Umupwa 1965

⁴⁵ UwenʼuFilipu ahahomana nuNatanayeli, ahamuvuzya ahati: Tumwazile wuyo, wʼuMose amusimṿile munkomelezyo namuvakuvwi, uYesu umwana-Yosefu uwa mu-Nazaleti.

Yohani 1:45 ပူးပေါင်းရင်းမြစ်များ

Matayi 10:3

Avhamwavho wu Fiilipo nu Batolomaayo nu Toomasi nu Mataayi umusonchezya musonko nu Yaakobu umwana uwa Alufaayo nu Tadaayo nu

Matayi 13:55

Uno te mwana wa selemaala? Unyina te wu Maliiya? Havhili avhanine vhaakwe te vhe vha Yaakobu nu Yoosefu nu Siimoni nu Yuuda?

Matayi 2:23

Ahafiha nu kutendama mu nkaaya iya Naazaleeti, inga izwi lilunjishe lye avhakuvhwi vháyanzile kuuti, “Vhalimwita vhaliiti, Munaazaleeti.”

Matayi 21:11

Ivhungaana ilyo lihati, “Uno wu Yeesu, umukuvhwi kufuma mu nkaaya iya Naazaleeti, mu shigavho isha nsi isha Galilaaya.”

Maliko 14:67

Ahamulola uPeeteli lwe akwota umwoto, ahamuzyamila, ahati, “Niiwe waamile pooka nu Yeesu uMunaazaleeti.”

Maliko 6:3

Uno te wu selemaala, umwana wa Maliiya? Havhili avhanine vhaakwe te vhe vha Yaakobu nu Yoose nu Yuuda nu Siimoni? Vhuli, avhanine avhalindu vhataliipo pa mwitu panaapa?” Vhahaviitwa nkaani nu kuhaana kumwitiha.

uLuuka 18:37

Vhahamuvhuuzya vhahati, “UYeesu uwa ku Naazaleeti akutuuha.”

uLuuka 2:4

UYoosefu woope aheepa mu nkaaya iya Naazaleeti ye yáamile mu shigavho isha nsi isha Galilaaya. Ahasogola kusimbisya mu nkaaya iya Betelehemu ye yáamile mu shigavho isha nsi isha Yudeeya. Mu Betelehemu mwe umwene uDaavhudi ápafwilwe, uYoosefu ásogooye ukwo, mwe pe áamile wa mu luho ulwa Daavhudi.

uLuuka 2:48

Avhapaafi vhaakwe lwe vhamulola, vhahasukumila nkaani. Pe umaayi waakwe ahamuvhuziilizya ahati, “Mwana waane, shooni she watuvhomba vhwevhulo? Yeenya, ine nu taata waaho tweleela nkaani kukulondola.”

uLuuka 24:27

Pe ahavhavhuuzya inongwa zyonti izya mu Vhusimbe uVhufinjile zye zyásimviilwe ku zyakwe. Ahayanga izyo kwandila amakalaata aga Moose na makalaata gonti aga vhakuvhwi.

uLuuka 24:44

Pe ahavhavhuuzya ahati, “Izi, zye naavhavhuziizye ahavhaliilizyo he naamile pooka niimwe, kuuti inongwa zye zisimviilwe mu ndajizyo izya Moose, na makalaata aga vhakuvhwi, na mwi ikalaata ilya Zabuuli zye zikuyanga izyane, zyonti zikwanzilwa zivhombeshe.”

uLuuka 3:23

UYeesu lwe akwanda imbombo yaakwe, áamile na maaha 30 ishi. Avhantu vhahasiivhaga kuuti áamile mwana wa Yoosefu. UYoosefu áamile mwana wa Eeli,

uLuuka 4:22

Vhonti vhahamutiima nkaani, vhahasukumila ku mazwi aga vhuloote ge áyanzile, vhahati, “Uno te mwana wa Yoosefu?”

Yohani 1:44

UFiilipo ahatendamaga mu nkaaya iya Betisaayida, inkaaya ye vhoope avha Andeleeya nu Peeteli vhahatendamaga.

Yohani 12:21

Avhantu ivho vhahasogola kwa Fiilipo uwa mu nkaaya iya Betisaayida mu shigavho isha nsi isha Galilaaya, vhahamulaavha vhahati, “We mwene, tukulaavha tuyanje nu Yeesu.”

Yohani 14:8

Pe uFiilipo ahamuvhuuzya uYeesu ahati, “We Mwene, tukukulaavha utulanje uTaata. Inga watulanga, lwe waamala zyonti.”

Yohani 18:5

Vhahamwamula vhahati, “Tukumulondola uYeesu uMunaazaleeti.” Pe uweene ahavhaamula ahati, “Neene ne mukundondola.” Ahavhaliilizyo iho, uYuuda we ámwaniliiye uYeesu, áyimiliiye pooka navho.

Yohani 18:7

UYeesu ahavhavhuziilizya havhili ahati, “Vhuli, mukumulondola unaanu?” Vhahamwamula vhahati, “Tukumulondola uYeesu uMunaazaleeti.”

Yohani 19:19

UPilaato ahalajizya kuuti uvhusimbe vhusimbwe nu kuvhuvhiiha pamwanya pa shihovhenkanyo isha Yeesu, vhwe vhukuti, “UYEESU UMUNAAZALEETI, UMWENE UWA VHAYUUDA.”

Yohani 21:2

uSiimoni uPeeteli nu Toomasi we vhahamwitaga vhahatinji Ipasa nu Nasaniyeeli we áfumile mu nkaaya iya Kaana iya ku Galilaaya, na vhaana vhavhili avha Zebedaayi na vhasundikwa avhamwavho vhavhili vháali vhonti pooka.

Yohani 6:42

Vhahavhuzilizanya vhuuvho vheeka vhahati, “Vhuli, umuntu uno te wu Yeesu, umwana wa Yoosefu we tuvhamanyile na vhapaafi vhaakwe vhonti? Ishi angayanga inza vhuli kuuti, afumile ku mwanya?”

Yohani 6:5

Lwe uYeesu ali pi igamba, aheenya, ahalola ivhungaana ilya vhantu likwinza ku kwakwe. Pe ahamuvhuziilizya uFiilipo ahati, “Vhuli, tungaakala kwoshi ishaakulya isha kuvhaliisya avhantu vhonti ivha?”

Yohani 6:7

UFiilipo ahamwamula ahati, “Poosye inga tungati tukale ishaakulya, inga avhantu vhonti vhalye shinsi, poosye isha dinaali 200, shitangavhakwila avhantu ivha.”

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 2:22

UPeeteli ahajendeelela kuyanga kuuti, “Mwe vhanaavuli vha mu Isilayeeli, tejeelezyi amazwi iga! UMulungu avhalolesiizye imwe kuuti akuvhomba imbombo kutuushila kwa Yeesu uwa ku Naazaleeti. Mweneemwe mumanyile ahinza kuuti kwa Yeesu wunuuyo kwe avhomvile amafindango ni zya kusukumizya ni vilolesyo kuli imwe.

iMbombo izya Vhatumwa 22:8

Nkavhuziilizya nkati, ‘We naanu iwe Mwene?’ Lyope lihanaamula lihati, ‘Ine ne Yeesu uwa ku Naazaleeti, ne iwe ukunjimvwa.’

iMbombo izya Vhatumwa 26:9

“Poosye ine neneene nkalolaga kuuti nkwanzilwa kuvhomba lyonti kumudinda uYeesu uwa ku Naazaleeti.

iMbombo izya Vhatumwa 3:6

Ileelo uPeeteli ahamuvhuuzya ahati, “Ine ntali ni mpiiya, ileelo lye ingavhomba, kwe nkuvhombele. Ku maha aga izina ilya Yeesu Chilisiti uwa ku Naazaleeti, yimiliila ujendaje!”