Yohani 1:44 - ULufingwi uLupwa

⁴⁴ UFiilipo ahatendamaga mu nkaaya iya Betisaayida, inkaaya ye vhoope avha Andeleeya nu Peeteli vhahatendamaga.

Tesitamenti Umupwa 1965

⁴⁴ UwenʼuFilipu nyene afumile mu-Betisayida inkaya yakwe uAndeleya niya Peteli.

Yohani 1:44 ပူးပေါင်းရင်းမြစ်များ

Matayi 10:3

Avhamwavho wu Fiilipo nu Batolomaayo nu Toomasi nu Mataayi umusonchezya musonko nu Yaakobu umwana uwa Alufaayo nu Tadaayo nu

Matayi 11:21

Ahayanga ahati, “Mwasheela imwe mwe vhantu avha mu nkaaya iya Kolaziini ni ya Betisaayida! Yeenya, amafindango ge mbomvile kuli imwe, inga apele gavhombehaje mwe mu nkaaya iya Tiilo ni ya Siidoni, avhantu avha mu nkaaya izyo, nkandi vházwaye amagunila nu kuyipaha ilota kulolesya kutonta uvhutalamalandu vhwavho.

Maliko 3:18

wu Andeleeya nu Fiilipo nu Batolomaayo nu Mataayi nu Toomasi nu Yaakobu uwa Alufaayo nu Tadaayo nu Siimoni we ahayikungulaga kulwila insi yaakwe,

Maliko 6:45

UYeesu ahavhalajizya avhasundikwa vhaakwe kuuti vhinjile mwi ivhooti, vhalongolele kusogola kwi isyila ilya sumbi uwa Galilaaya, mu nkaaya iya Betisaayida, lwe uweene akulilaga ivhungaana ilya vhantu.

Maliko 8:22

UYeesu na vhasundikwa vhaakwe vhahafiha mu nkaaya iya Betisaayida. Avhantu vhamo vhahamuleetela untonko, vhahamulambiilizya kuuti amuleme inga amuponie.

uLuuka 10:13

Ahayanga ahati, “Mwasheela imwe mwe vhantu avha mu nkaaya iya Kolaziini ni ya Betisaayida! Yeenya, amafindango ge mbomvile kuli imwe, inga apele gavhombehaje mwe mu nkaaya iya Tiilo ni ya Siidoni, avhantu avha mu nkaaya izyo, nkandi vházwaye amagunila nu kuyipaha ilota kulolesya kutonta uvhutalamalandu vhwavho.

uLuuka 6:14

Avhatumwa 12 ivho vhe vhano: uSiimoni (we uYeesu ámupiiye izina ilya Peeteli) nu Andeleeya umunine waakwe nu Yaakobu nu Yoohani nu Fiilipo nu Batolomaayo.

uLuuka 9:10

Avhatumwa vhaala vhahagaluha kwa Yeesu, vhahamuvhuuzya zyonti zye vhávhomvile. Pe ahavhanyatula vhahasogola mu nkaaya ye vhahatinji iBetisaayida, inga vhavhe vheeka kukwilu.

Yohani 1:43

Indaavhi yaakwe, uYeesu ahaamula kusogola mu shigavho isha nsi isha Galilaaya. Lwe aafiha, ahamwaga uFiilipo, ahamuvhuuzya ahati, “We Fiilipo, undandate, uvhe we musundikwa.”

Yohani 1:45

UFiilipo ahamulola uNasaniyeeli, ahamuvhuuzya ahati, “Twamulola umuntu ula we uMoose ásimvile inongwa zyakwe mwi ikalaata ilya ndajizyo na we avhakuvhwi vhásimvile inongwa zyakwe. Umuntu uyo izina lyakwe wu Yeesu umwana wa Yoosefu we akufuma mu nkaaya iya Naazaleeti.”

Yohani 1:46

Ileelo uNasaniyeeli ahamuvhuziilizya uFiilipo ahati, “Vhuli, shintu vhuli ishinza she shingaafuma mu nkaaya inyinsi iya Naazaleeti?” UFiilipo ahamwamula ahati, “Nzaaga uyilolele weneewe.”

Yohani 1:48

UNasaniyeeli ahamuvhuziilizya uYeesu ahati, “Waamanya vhuli ine?” UYeesu ahamwamula ahati, “Poosye lwe uFiilipo ashiili kwinza kukwita, ine mpezile nkuvhwenyi lwe utendiime pansi pi ituvhu.”

Yohani 12:21

Avhantu ivho vhahasogola kwa Fiilipo uwa mu nkaaya iya Betisaayida mu shigavho isha nsi isha Galilaaya, vhahamulaavha vhahati, “We mwene, tukulaavha tuyanje nu Yeesu.”

Yohani 12:22

UFiilipo ahasogola kumuvhuuzya uAndeleeya, pe vhonti uFiilipo nu Andeleeya vhahasogola kumuvhuuzya uYeesu.

Yohani 6:5

Lwe uYeesu ali pi igamba, aheenya, ahalola ivhungaana ilya vhantu likwinza ku kwakwe. Pe ahamuvhuziilizya uFiilipo ahati, “Vhuli, tungaakala kwoshi ishaakulya isha kuvhaliisya avhantu vhonti ivha?”

Yohani 6:7

UFiilipo ahamwamula ahati, “Poosye inga tungati tukale ishaakulya, inga avhantu vhonti vhalye shinsi, poosye isha dinaali 200, shitangavhakwila avhantu ivha.”

iMbombo izya Vhatumwa 1:13

Lwe vhinjila mu nkaaya, vhahazuvha mu shumba isha pamwanya mu nyumba injelenkanu, vhahinjila mu shumba isho, mwe vhahatendamaga. Ivho vháamile vhe vha Peeteli nu Yoohani nu Yaakobu nu Andeleeya nu Fiilipo nu Toomasi nu Batolomaayo nu Mataayi. Avhamwavho vháamile vhe vha Yaakobu umwana wa Alufaayo nu Siimoni we ahayikungulaga kulwila insi yaakwe nu Yuuda umwana wa Yaakobu.