Yohani 1:4 - ULufingwi uLupwa

⁴ UIzwi uyo áali vhwandilo uvhwa vhulanzi. Vhwope uvhulanzi uvhwo vhwáli vhuzelu vhwa vhantu.

Tesitamenti Umupwa 1965

⁴ Vwope nuvulanzi vuhava mumwakwe lilyo. Uvwenʼuvulanzi vuhava luhozyo lwa vantu.

Yohani 1:4 ပူးပေါင်းရင်းမြစ်များ

Matayi 4:16

Avhantu vhaala vhe vhakutendama mu shiisi, vhavhulola uvhuzelu uvhupiti. Vhoope vhe vhakutendama mu shiisi isha vhufwe, uvhuzelu vhwavhahozezya.”

uLuuka 2:32

Uno kuuti avhe vhuzelu uvhwa kukulolesya iwe ku vhe te Vhaisilayeeli, havhili kuuti aleetaje uvhushindamu ku vhantu vhaaho aVhaisilayeeli.”

Yohani 11:25

UYeesu ahamwamula uMaalita ahati, “Ine ne nkuzyusya, havhili ne nkupa uvhulanzi. Umuntu wonti we akuniitiha ine, poosye inga aafwa, aliivha mulanzi.

Yohani 12:35

UYeesu ahavhavhuuzya ahati, “Uvhuzelu vhukuvha pooka niimwe ahavhaliilizyo hansi vhweleele. Mujendeelele kujenda mu vhuzelu uvhwo lwe vhuliipo, inga ishiisi shitahinze shivhapoote, mwe pe umuntu we akujenda mu shiisi, atakumanya kwe akusogola.

Yohani 12:46

Ine ninzile mu nsi umu, inga mbe ne vhuzelu ku vhantu, inga umuntu wonti we akuniitiha ine atatendamaje mu shiisi.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 3:19

Uvhu vhwe vhulonzi, uvhuzelu vhwinzile mu nsi umu, ileelo avhantu vhasungwilwe kuvha mu shiisi kuluusya kuvha mu vhuzelu, mwe pe imbombo zyavho mbiivhi.

Yohani 5:21

Inza vwe uTaata waane akuvhazyusya avhantu, nu kuuvhapa uvhulanzi uvhwa shiima, niine nkuuvhapa uvhulanzi avhantu vhe nkwanza kuuvhapa.

Yohani 5:26

Inza vwe uTaata waane ali na maha aga kuumupa umuntu uvhulanzi uvhwa shiima, niine ne Mwana waakwe ampiiye amaha aga kuuvhapa avhantu uvhulanzi uvhwa shiima.

Yohani 8:12

Pe uYeesu ahajendeelela kuyanga havhili ni mpuga yiila ahati, “Ine ne vhuzelu ku vhantu vhonti. Umuntu wonti we akundandata ine, te ahajende mu shiisi naalumo, ileelo aliivha nu vhuzelu vhwe vhulimulongolaga mu vhulanzi uvhwa shiima.”

Yohani 9:5

Lwe indi mu nsi umu, ine ne vhuzelu ku vhantu vhonti.”

iMbombo izya Vhatumwa 26:23

Vhonti ivho vháyanzile kuuti uChilisiti aliyimba, havhili aliivha mutanzi kuzyuha, inga amanyisye inongwa izya vhuzelu uvhwa vhuposhi ku Vhayuuda, na ku vhantu vhe te Vhayuuda.”

1 VaKolinti 15:45

Mu Vhusimbe uVhufinjile yisimviilwe kuuti, “Umuntu uwa kwanda uAadamu, ápeziilwe, ahavha mulanzi.” Ileelo uAadamu uwa vhusililishilo uChilisiti, wu Mupepo we akuuvhapa avhantu uvhulanzi.

VaEfeso 5:14

Inga uvhuzelu vhukushilamila ishintu she shili mu shiisi, shitakusyala sheshiila, shoope shikuvha nu vhuzelu. Izi zye zikuvhavhiiha avhasimvi avha nyimbo kuyanga kuuti, “Damuula iwe, we uli inza we akaasite utulo! Uzyushe iwe, we uli inza umuntu we afuuye. Pe woope uChilisiti kwe akuhozye.”

Kolosi 3:4

Uvhulanzi vhwinyu vhukufumiilana nu Chilisiti. Ahavhaliilizyo he uweene aliloleha, he niimwe muliloleha pooka nawo na mavhili aga vhushindamu.

1 Yohani 1:1

Tukuvhakumusizya inongwa izya ula we wu Izwi ilya Vhulanzi, we áliipo kufuma ku vhwandilo. Iswe twámwivuuye nu kumulola na minso giitu sweneeswe, tuhamwenyaaga nu kumupalamansya ni nyoovhe zyitu.

1 Yohani 1:2

Uwa vhulanzi uyo álolesile, niiswe tuhamulola. Ishi tukuvhahomeshezya nu kuvhakumusizya inongwa izya uyo we akuutupa uvhulanzi uvhwa shiima shiima, we áamile kwa Taata uMulungu, havhili ahaloleha kuli iswe.

1 Yohani 5:11

Uvhwahoome uvhwo vhwe vhuno: UMulungu atupiiye uvhulanzi uvhwa shiima shiima, uvhulanzi uvhwo tukuvhwaga kwa Mwana waakwe.

Ishitushizya 22:1

Pe uhavhizya ahandanga ijenje ilya minzi ge gakufumwa uvhulanzi, amazelu ngati lilooli, gahafumaga ku shitengo isha vhumwene isha Mulungu na Hagonzi aha MWENE uMulungu.

Ishitushizya 22:16

“Ine ne Yeesu, imusonteleziizye uhavhizya waane kuvhahomeshezya imwe inongwa izi kuzya vivhanza. Ine ne lizi, havhili ne wa mu mpaapo izya mwene uDaavhudi, uluzota luula lwe lukulama nkaani inzanshi.”