Yohani 1:21 - ULufingwi uLupwa

²¹ Vhahamuvhuziilizya havhili vhahati, “Ishi pe we naanu? Vhuli, we mukuvhwi uEeliya?” Uweene ahavhaamula ahati, “Ine te ne Eeliya.” Avheene vhahamuvhuziilizya havhili vhahati, “Vhuli, we we mukuvhwi uwamwavho we tukumuguliilila kufuma kwa Mulungu?” UYoohani ahavhaamula ahati, “Te neene.”

Tesitamenti Umupwa 1965

²¹ Havili vahamuvuzilizya vahati: Uli vuli lelo? We Eliya? Uwenʼahati: Nte nene. Amwe we mukuvwi iwe? Uwenʼahamula ahati: Ndali.

Yohani 1:21 ပူးပေါင်းရင်းမြစ်များ

Matayi 11:14

Ishi inga mukwitiha uvhukuvhwi vhwavho, uYoohani we wu Eeliya, ula we avhakuvhwi vháyanzile kuuti aliyinza.

Matayi 16:14

Avheene vhahamwamula vhahati, “Vhamo vhakuti we Yoohani uMwozyi, avhamwavho vhakuti we mukuvhwi uEeliya. Havhili avhamwavho vhakuti we mukuvhwi uYelemiya na vhamwavho vhakuti we wooka mu vhakuvhwi.”

Matayi 21:11

Ivhungaana ilyo lihati, “Uno wu Yeesu, umukuvhwi kufuma mu nkaaya iya Naazaleeti, mu shigavho isha nsi isha Galilaaya.”

uLuuka 1:17

Havhili alimulongolela uMwene, aliivha na maha nu mwoyo uwa kumulandata uMulungu inza umukuvhwi uEeliya vwe áamile. Alivhakundanya avhapaafi na vhaana vhaavho, havhili alivhagalulanya vhe vhatakumushindiha uMulungu, kuvha ni nsiivho ingolosu. Alivhomba zyonti izyo, inga avhasengaanye avhantu kumuposheela uMwene uYeesu.”

Yohani 1:22

Vhahamuvhuziilizya vhahati, “Ishi tuvhuuzye, iwe we naanu? Tuvhuuzye, inga tusogole tuvhavhuuzye vhe vhatusonteleziizye. Iwe ukuyitaha kuuti we naanu?”

Yohani 1:25

vhahamuvhuziilizya vhahati, “Inga iwe te we Chilisiti, havhili te we mukuvhwi uEeliya, havhili te we mukuvhwi uwunji we tukumuguliilila kufuma kwa Mulungu, ishi ugaazile kwoshi amaha aga kwozya avhantu?”

Yohani 6:14

Lwe avhantu vhaala vhaalola ishilolesyo she uYeesu ávhomvile, vhahati, “Nalyoli umuntu uno mukuvhwi wa Mulungu, we twásuvhiiye kuuti akwinza mu nsi umu.”

Yohani 7:40

Avhantu vhamo mwi ivhungaana liila lwe vhiivwa amazwi igo, vhahanda kuyanga kuuti, “Nalyoli umuntu uno we mukuvhwi we tukumuguliilila kufuma kwa Mulungu.”