Yohani 1:19 - ULufingwi uLupwa

¹⁹ Isiku limo, avhalongozi avha Vhayuuda vhávhasonteleziizye avhapuuti na Vhalaawi kufuma mu Yelusaleemu kumuvhuziilizya uYoohani uMwozyi kuuti uweene wu naanu. Uweene ahahomeshezya,

Tesitamenti Umupwa 1965

¹⁹ UwenʼuYohani ahahomeshezya zinizi lwʼavaYuda vavatumile kukwakwe navashiputo navana-Leṿi ukumuvuzilizya ukuti: We nanʼiwe?

Yohani 1:19 ပူးပေါင်းရင်းမြစ်များ

Yohani 1:7

UYoohani áyinzile kuvhahomeshezya avhantu izya vhuzelu uvhwo, inga kutuushila ku kwakwe avhantu vhonti vhavhwitishe.

Yohani 10:24

Pe aVhayuuda vhamo vhahamuzyunguula uYeesu, vhahamuvhuziilizya vhahati, “Vhuli, kwe ututamwe mu mooyo giitu kufishila lii? Inga nalyoli iwe we Chilisiti, tuvhuuzye apazelu.”

Yohani 10:31

Pe aVhayuuda vhamo lwe vhiivwa izyo, vhahanda kusevha amavhwe havhili, inga vhamuhome nu kumugoga uYeesu.

Yohani 11:19

AVhayuuda avhinji vhínzile mu Besaniya kuvhasuvhaalizya avha Maalita nu Maliiya kuzya vhufwe uvhwa munine waavho uLaazalo.

Yohani 2:18

Pe avhalongozi avha Vhayuuda lwe vhaalola zye uYeesu avhomba, vhahamuvhuziilizya vhahati, “Kwe uvhombe shilolesyo vhuli isha kulolesya kuuti iwe uli na maha aga kuvhomba izi?”

Yohani 2:20

Pe avheene vhahamwamula vhahati, “INyumba ino yázengwilwe ku maaha 46, pe iwe ungazenga vhuli ku nsiku zitatu?”

Yohani 5:10

Pe avhalongozi avha Vhayuuda vhahamuvhuuzya umuntu uyo we uYeesu ámuponiizye vhahati, “Ileelo lisiku ilya Sabaato. Indajizyo izya Moose zitakwitishila umuntu kuvhuusya izagala.”

Yohani 5:15

Umuntu uyo aheepa paala, ahagaluha kuvhavhuuzya avhalongozi avha Vhayuuda kuuti, izina ilya muntu we aamuponiizye wu Yeesu.

Yohani 5:16

Pe avhalongozi avha Vhayuuda vhahanda kumuyimvwa uYeesu, mwe pe ahavhaponiaga avhantu isiku ilya Sabaato.

Yohani 5:18

Kufumiilana niizyo, avhalongozi avha Vhayuuda vhahanda kulondola idala ilya kumugoga uYeesu. Vhahanzaga kumugoga, te kuuti, mwe pe atahashindihaga isiku ilya Sabaato vhweleele, nkandi, mwe pe ahayangaga ahatinji, uMulungu wu Yise waakwe. Kwi idala ilyo, álolesile akuyivhiiha kuuti ali inza uMulungu.

Yohani 6:41

Pe aVhayuuda vhahanda kukwinkwina, mwe pe uYeesu átili, “Ine ne shaakulya she uMulungu ashileesite kufuma ku mwanya.”

Yohani 6:52

Pe aVhayuuda vhahanda kudalinkana vhuuvho vheeka, nu kuvhuzilizanya kuuti, “Umuntu uno angaatupa umuvhili waakwe inza vhuli kuuti tulye?”

Yohani 7:1

Lwe izyo zyatuuha, uYeesu ahanda kuzyunguula mu shigavho isha nsi isha Galilaaya. Atahanzaga kuzyunguula mu shigavho isha nsi isha Yudeeya, mwe pe avhalongozi avha Vhayuuda vhahanzaga kumugoga.

Yohani 7:11

Lwe avhalongozi avha Vhayuuda vhali pa shikulukuulu, vhahanda kumulondola uYeesu. Vhahavhavhuziilizya avhantu kuuti, “Vhuli, ali kwoshi umuntu ula?”

Yohani 7:15

Pe avhalongozi avha Vhayuuda vhahasukumila nu kwanda kuvhuzilizanya kuuti, “Vhuli, umuntu uno angaamanya vhuli zyonti izyo ishisita kusambiilila?”

Yohani 8:22

Pe avheene vhahanda kuvhuzilizanya kuuti, “Shooni she akuyanga akuti, tutangamulandata kwe akusogola? Vhuli, akusogola kuyigoga?”

Yohani 8:48

AVhayuuda vhaala vhahamuvhuziilizya uYeesu vhahati, “Vhuli, tutakuyanga uvhwanalyoli lwe tukuti iwe we Musamaliya nu kuuti uli ni mpepo inkandamanu?”

Yohani 8:52

Pe aVhayuuda vhaala vhahamuvhuuzya uYeesu vhahati, “Ishi twamanya kuuti iwe uli ni mpepo inkandamanu! UAabulahamu na vhakuvhwi vhahafwa, ileelo iwe ukuti, ‘Umuntu wonti we akulandata zye nkusambiilizya, te ahaafwe naalumo.’

Yohani 8:57

Pe aVhayuuda vhaala vhahamuvhuziilizya uYeesu vhahati, “Iwe ushiili kufisya poosye amaaha 50, pe wámuvhwenyi inza vhuli uAabulahamu?”

iMbombo izya Vhatumwa 13:25

UYoohani lwe akumaliilizya imbombo yaakwe, ahavhavhuzyaga avhantu kuuti, ‘Mukusiivha kuuti ine ne naanu? Ine te ne we wula we mukumuguliilila! Ileelo uweene akwinza, inga ine natuuha we ntahondeeye poosye kuvha ne muvhomvi waakwe, uwa kuzevwa nu kusatula inkusa izya vilyatu vwakwe.’”

iMbombo izya Vhatumwa 19:4

UPaavhuli ahavhavhuuzya ahati, “UYoohani ahavhozyaga avhantu kulolesya kuuti vhatonsite uvhutalamalandu vhwavho. Uweene ahavhavhuzyaga kuuti vhamwitishe ula we kwe ayinze inga uweene atuuha, we wu Yeesu.”

1 Yohani 1:5

Intumi ye twáyivuuye kwa Yeesu, ye tukuvhakumusizya imwe, kuuti uMulungu mwinza inza uvhuzelu, atali ni shiisi naashimo muhati yaakwe.