Yohani 1:18 - ULufingwi uLupwa

¹⁸ Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Tesitamenti Umupwa 1965

¹⁸ Numʼatamuwenyi muminsʼuMulungu nalumo, uMulungu uMwana woka mwene imozi, wʼali pashifuva sha Yise, wuyo wʼatuvuzizye.

Yohani 1:18 ပူးပေါင်းရင်းမြစ်များ

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

uLuuka 10:22

Havhili ahati, “UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.”

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 12:41

UYisaayi áyanzile izyo, mwe pe ávhuvhwenyi uvhushindamu uvhwa Yeesu, pe ahayanga inongwa zyakwe.

Yohani 13:23

Páamile umusundikwa wumo mu vhasundikwa vhaakwe we uYeesu ámukunzite nkaani. Uweene átendiime papiipi nu Yeesu, lwe ali kulya.

Yohani 14:9

UYeesu ahamwamula ahati, “We Fiilipo, natendama niimwe ahavhaliilizyo ahatali honti iha, niishi ushiili utamanyile? Umuntu wonti we ambwenyi ine, amuvhwenyi nu Taata. Ishi pe shooni she ukuti, ‘Utulanje uTaata’?

Yohani 17:26

Mbamanyisiizye izina lyaho, havhili kwe njendeelele kuvhomba vhwevhulo, inga vhakundane inza vwe unkunzite ine, havhili niine imbe muhati zyavho.”

Yohani 17:6

UYeesu ahajendeelela kulaavha ahati, “We Taata, navhamanyisya izina lyaho avhantu vhonti vhe waampiiye pa nsi ipa. Ivho vhaamile vhaaho, wampa vhenevho, havhili vhalandasite izwi lyaho.

Yohani 3:11

Nalyoli nkukuvhuuzya kuuti, iswe tuzimanyile zye tukuyanga, havhili tukuhomeshezya ziila zye tuzivhwenyi, ileelo imwe mutakwitiha zye tukuvhavhuuzya.

Yohani 6:46

Ataliipo umuntu we amuvhwenyi uTaata uMulungu, nkandi ine neeka ne muvhwenyi, mwe pe mfumile ku kwakwe.”

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

Kolosi 1:15

Mwa Mwana, uMulungu akuloleha apazelu vwe ali, pooka nu kuuti tutangamulola uMulungu wuuyo. UMwana ali na maha ku vipelwa vwonti.

1 Timoti 1:17

UMulungu wu Mwene uwa shiima, ataliifwa naalumo. Ataliipo umuntu we angamulola uMulungu, havhili ataliipo uMulungu uwunji naawumo. Uweene weeka vhweleele we ahondeeye kuposheela umushinzi, havhili ashindikwaje shiima shiima! Amina.

1 Timoti 6:16

Uweene weeka we atakufwa, akutendama mu vhuzelu vhwe naawumo atangavhupalamila. Ataliipo umuntu we ahamulola, havhili ataliipo we ahondeeye kumulola. Uweene wa mushinzi na maha aga shiima! Amina!

1 Yohani 4:12

Ataliipo umuntu wonti we amuvhwenyi uMulungu lumo. Ileelo inga tukukundana, uMulungu akulandila ku vhuliilani niiswe, havhili ishikunzi shaakwe shikulunjiha muli iswe.

1 Yohani 4:20

Inga umuntu akuyanga kuuti amukunzite uMulungu, uku akumuviitilwa uwamwavho, ali ni ilenga. Tukumanya kuuti ali ni ilenga, mwe pe umuntu we atakumukunda uwamwavho we akumulola, atangamukunda uMulungu we atakumulola.

1 Yohani 4:9

UMulungu wuuyo átulolesiizye ishikunzi shaakwe kwi idala ilya kumusonteelezya uMwana waakwe imozi, mu nsi umu, inga tuvhwaje uvhulanzi kutuushila ku kwakwe.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.