Yohani 1:17 - ULufingwi uLupwa

¹⁷ Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Tesitamenti Umupwa 1965

¹⁷ Shʼizyenʼinkomelezyo uMulungu atutumiye nuMose, uvwenʼuvwila nuvwanalyoli vwʼatupeleyʼuYesu Chilisiti.

Yohani 1:17 ပူးပေါင်းရင်းမြစ်များ

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

Yohani 5:45

Mutasiivhaje kuuti ine kwe mbalonje kwa Taata waane, nkandi uMoose we kwe avhalonje, mwe pe we mukumusuuvhila.

Yohani 7:19

UYeesu ahajendeelela kuyanga kuuti, “Mumanyile kuuti uMoose ávhapiiye avhataata vhiinyu indajizyo zyakwe, inga muzilandate. Ileelo ataliipo umuntu pahati yiinyu we akulandata indajizyo izyo. Pe shooni she mukwanza kungoga?”

Yohani 8:32

Havhili kwe muvhumanye uvhwanalyoli. Kwi idala ilya vhwanalyoli uvhwo, uMulungu kwe avhavhiishe kuvha mwe vhasatushe.”

Yohani 9:29

Tumanyile kuuti uMulungu áyanzile nu Moose, ileelo umuntu uyo tutamanyile kwe afumile.”

iMbombo izya Vhatumwa 28:23

Pe vhahitinkana nu Paavhuli isiku ilya kuvhungaana mu nyumba ye ahatendamaga. Isiku ilyo lwe lyafiha, aVhayuuda vhahavhungaana ku vhwinji kuluusya isiku ilya pisinda. UPaavhuli ahavhapanjila inongwa inyinji kufuma inzanshi kufishila hamazuuvha. Ahavhalumbililaga inongwa izya vhumwene uvhwa Mulungu. Ahavhasinjilizyaga kuuti vhoope vhamwitishe uYeesu, ahavhombaga vhwevhulo kwi idala ilya kuvhalolesya amazwi ge gakupanga inongwa zyakwe mu ndajizyo izya Moose, na mu makalaata aga vhakuvhwi.

iMbombo izya Vhatumwa 7:38

Uweene we áamile mu mpuga iya vhataata vhiitu, lwe vhávhungiine mu luugwa muula. Ukwo uhavhizya ahayangaga nawo mwi igamba uSinaayi, woope ahaposheela amazwi aga vhulanzi, inga aatupe iswe.

VaLoma 6:14

Yeenya, uvhutalamalandu vhutaliivha na maha kuli imwe, mwe pe indajizyo zitakuvhakonzya, nkandi uvhwila uvhwa Mulungu.

2 VaKolinti 1:20

Zyonti zye uMulungu áfinzile kuuti aliitupa kwi idala ilya Chilisiti zya nalyoli, mwe pe iswe kutuushila kwa Chilisiti tukuti, “Amina,” kwe kuuti zya nalyoli, kuzya kumushindiha uMulungu.

VaGalati 3:17

Zye nkwanza kuyanga zye zino: UMulungu ávhiisile ulufingwi lwakwe amaaha 430, lwe indajizyo izya Moose zishiili kuvha. Kuli izyo, indajizyo izyo zitangeefwa ulufingwi ulwo kuuti lutahaavhe na maha.

VaHebuli 9:22

Kulandatana ni ndajizyo izya Moose, amavhanda ge gakuvizelufwa ivintu vwonti. Havhili ishisita amavhanda, uMulungu atakuswila avhantu uvhutalamalandu vhwavho.