Yohani 1:15 - ULufingwi uLupwa

¹⁵ UYoohani ahavhahomeshezya avhantu inongwa izya muntu uyo, ahayanga kwi izwi ipiti, ahati, “Uno we nkavhavhuzyaga kuuti, ‘Aliyinza umuntu wumo mwisinda lyane, we mupiti kunduusya ine, mwe pe uweene áliipo lwe ine nshiili kupaapwa.’”

Tesitamenti Umupwa 1965

¹⁵ UwenʼuYohani ahamuhomeshezya ahavilishila ahati: We wuyo we namutahaga we natinji: Wuyo wʼakundandata mwisinda we mutanzi kukwane, shʼuwenʼalipo lwe nchili ine.

Yohani 1:15 ပူးပေါင်းရင်းမြစ်များ

Matayi 3:11

“Nalyoli ine nkuvhoozya na minzi kulolesya kuuti mwatonta uvhutalamalandu vhwinyu. Ileelo akwinza mwisinda lyane we ali na maha kunduusya ine, we ine ntahondeeye poosye kuvha ne muvhomvi uwa kuvhuusya ivilyatu vwake. Uyo we kwe avhoozye nu Mupepo uMufinjile nu mwoto.

Maliko 1:7

Ahakumusyaga ahatinji, “We akwinza mwisinda lyane ali na maha kunduusya ine, ine ntahondeeye poosye kuvha ne muvhomvi waakwe uwa kuzevwa nu kusatula inkusa izya vilyatu vwakwe.

uLuuka 3:16

Pe uYoohani ahavhavhuuzya vhonti ahati, “Nalyoli ine nkuvhoozya na minzi, ileelo akwinza we ali na maha kunduusya ine, we ine ntahondeeye poosye kuvha ne muvhomvi uwa kusatula inkusa izya vilyatu vwakwe. Uyo we alivhoozya nu Mupepo uMufinjile nu mwoto.

Yohani 1:27

Uyo we akwinza mwisinda lyane, havhili ine ntahondeeye poosye kuvha ne muvhomvi waakwe uwa kuzevwa nu kusatula inkusa izya vilyatu vwakwe.”

Yohani 17:5

Ishi we Taata, ulolesye uvhushindamu vhwane, inga avhantu vhavhulole uvhushindamu vhwe náali navhwo lwe náali pooka niiwe lwe insi yishiili kupelwa.”

Yohani 8:58

UYeesu ahavhaamula ahati, “Nalyoli nkuvhavhuuzya kuuti, lwe uAabulahamu ashiili kupaapwa, ine indiipo.”

Kolosi 1:17

Uweene áliipo ahavhaliilizyo he vwonti vwáshiili kupelwa, havhili we akuvivhiiha ivipelwa vwonti pa vhuzilo vhwe vhukwanzilwa.

VaHebuli 13:8

UYeesu Chilisiti atakwanduha. Uweene ali inza vwe áali ku vhwandilo, ahavhaliilizyo iha na shiima.

Ishitushizya 1:11

Izwi ilyo lihambuuzya lihati, “Izi zyonti zye ukuzilola, uzisimbe mwi ikalaata. Lwe wazisimba, ulitwale ikalaata mu vivhanza 7 ivwa mu nkaaya izya Hefeeso ni Siimina ni Pegaamo ni Tiyatiila ni Saadi ni Filadelufiya ni Lawodikiya.”

Ishitushizya 2:8

“Uhavhizya uwa shivhanza isha ku Siimina, musimbile uti: Iga mazwi kufuma kwa Yeesu, ula we Vhwandilo nu Vhusililishilo, we áfuuye havhili ahazyuha: