Yohani 1:14 - ULufingwi uLupwa

¹⁴ UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Tesitamenti Umupwa 1965

¹⁴ Havilʼizwi lihayipelʼukuva muvili, ahadila mumwitʼumu tuhenya nuvupiti vwakwe, uvupiti fwe vwa Mwana wʼali woka mwenʼimozi mwa Yise, we nuvwila nuvwanalyoli vwizuye mumwakwe.

Yohani 1:14 ပူးပေါင်းရင်းမြစ်များ

Matayi 1:16

UYaakobu ahamupaapa uYoosefu, umulume wa Maliiya. UMaliiya we ámupaafile uYeesu we wu Chilisiti.

uLuuka 2:11

Ileelo mu nkaaya iya Betelehemu mwe uDaavhudi ápafwilwe, apafwilwe uMuposhi ku zyinyu. Uyo we wu Chilisiti, uMwene.

uLuuka 2:7

Ahapaapa umwana umwanaavuli uhatoote, ahamuzwalizya amenda aga mwana umucheeche. Ahamukaasya mwi isuuvha ilya kuliila ingʼombe, mwe pe patáliipo apa kukaata avheene, inyumba izya vhajeni zyízuuye avhantu.

uLuuka 9:32

Ahavhaliilizyo iho uPeeteli na vhamwavho vhásupiliiye. Ileelo lwe vhakudaamula, vhahalola uvhushindamu uvhwa Yeesu, havhili vhahavhalola avhanaavuli vhavhili vhimiliiye pooka nawo.

Yohani 1:1

Ku vhwandilo lwe ivintu vwonti vishiili kupelwa, kwáli uIzwi, uIzwi uyo áali pooka nu Mulungu, havhili uIzwi uyo áali wu Mulungu.

Yohani 11:40

UYeesu ahamwamula uMaalita ahati, “Ine nkuvhuziizye kuuti inga ukwitiha, kwe uvhulole uvhushindamu uvhwa Mulungu vwe vhuli.”

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 14:9

UYeesu ahamwamula ahati, “We Fiilipo, natendama niimwe ahavhaliilizyo ahatali honti iha, niishi ushiili utamanyile? Umuntu wonti we ambwenyi ine, amuvhwenyi nu Taata. Ishi pe shooni she ukuti, ‘Utulanje uTaata’?

Yohani 17:22

Uvhushindamu vhwe umpiiye, niine mbapiiye avhasundikwa vhaane, inga vhavhe ishintu shooka inza vwe niine niiwe tuli ishintu shooka.

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

Yohani 2:11

UYeesu ávhomvile ishilolesyo ishi mu nkaaya iya Kaana, mu shigavho isha nsi isha Galilaaya. Ishilolesyo isho she sháamile sha kwanda kuvhomba, kulolesya uvhushindamu vhwakwe ku vhantu. Kufumiilana niilyo, avhasundikwa vhaakwe vhahamwitiha.

Yohani 3:16

UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

Yohani 3:18

“UMulungu atakumulonga umuntu we anitisile ne Mwana waakwe, ileelo umuntu we atanitisile alonziilwe, mwe pe atanitisile ne Mwana waakwe imozi.

Yohani 6:51

Ine ne shaakulya she shifumile ku mwanya, she shikuuvhapa avhantu uvhulanzi. Umuntu wonti we akulya ishaakulya ishi akuvha nu vhulanzi uvhwa shiima. Ishaakulya ishi muvhili waane we kwe mbufumwe ku vhantu vhonti, inga vhavhe nu vhulanzi uvhwa shiima.”

Yohani 8:32

Havhili kwe muvhumanye uvhwanalyoli. Kwi idala ilya vhwanalyoli uvhwo, uMulungu kwe avhavhiishe kuvha mwe vhasatushe.”

iMbombo izya Vhatumwa 13:33

avhomvile kuli iswe swe vhazukulu vhaavho. Avhomvile zyenezyo kwi idala ilya kumusaavhula uYeesu, inza vwe yisimviilwe mu Zabuuli iya vhuvhili kuuti, ‘Iwe we Mwana waane, ileelo ili navha ne Taata waaho.’

VaLoma 8:3

Indajizyo izya Moose zitáamile na maha aga kutuvhiiha kuvha swe vhasatushe, mwe pe uvhuntu vhwitu uvhwa vhutalamalandu vhwáposiitwe kuzilandata. Ileelo shiila she indajizyo zyáposiitwe kushivhomba, uMulungu áshivhomvile. Ámutumiliziizye uMwana waakwe wuuyo avhe nu muvhili inza amavhili giitu, ileelo ishisita uvhutalamalandu. Kutuushila umuvhili uwo uMulungu ávhupiiye isunde uvhutalamalandu. Kwi idala ilyo, ahapela aamala amaha aga vhutalamalandu,

VaLoma 9:5

AVhaisilayeeli ivho vhe vhazukulu vha Aabulahamu nu Yisaaka nu Yaakobu. Fwe muntu, woope uChilisiti Mwisilayeeli, havhili wu Mulungu uMupiti uwa vwonti. Ashindikwaje shiima! Amina.

1 VaKolinti 15:47

Umuntu uwa kwanda, uAadamu áfumile mu nsi, ápeziilwe kufuma mu ntope. Umuntu uwa vhuvhili, uChilisiti áfumile ku mwanya.

2 VaKolinti 12:9

Ileelo uweene ahambuuzya ahati, “Uvhwila vhwane vhukukwiliiye, mwe pe mu vhuyeyevhazu mwe amaha gaane gakuloleha.” Kuli izyo, kwe nkutiimaje ku luseshelo ulupiti kuzya vhuyeyevhazu vhwane, inga amaha aga Chilisiti gavhe pooka niine.

VaGalati 4:4

Ileelo ahavhaliilizyo he hávhisiilwe lwe haafiha, uMulungu ahamusonteelezya uMwana waakwe mu nsi, ahavha muntu inza iswe, ahanda kulongolwa ni ndajizyo.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

Kolosi 1:19

UMulungu wuuyo ásungwilwe kuuti uvhulunjisu vhwakwe vhwonti vhuvhe mwa Mwana.

Kolosi 2:3

Muhati iya Chilisiti mwe zizyisiilwe inkoma zyonti izya vhushindamu uvhwa njeele nu vhumanyi.

Kolosi 2:9

Mutahiitishe umuntu kuvhahopenkanya, mwe pe uvhulunjisu uvhwa Mulungu vhuli mu muvhili uwa Chilisiti.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 1:5

Yeenya, ataliipo uhavhizya nuumo we uMulungu ámuvhuziizye inza vwe ámuvhuziizye uMwana átili, “Iwe we Mwana waane, ileelo ili navha ne Taata waaho.” Havhili ataliipo uhavhizya nuumo we uMulungu ámuvhuziizye inza vwe áyanzile átili, “Kwe mbe ne Taata waakwe, woope kwe avhe Mwana waane.”

VaHebuli 10:5

Ye nongwa lwe uChilisiti ayinza mu nsi umu, ámuvhuziizye uMulungu átili, “Iwe utakwanza impuutile izya vihanu, poosye impuutile izyamwavho izinji, ileelo umuvhili waane uvhusengiinye.

VaHebuli 2:11

UYeesu pooka na vhaala vhe akuvhazelufwa uvhutalamalandu vhwavho, uTaata waavho ali wooka. Kuli izyo, uYeesu atakulola insoni kuvhiita kuuti vhajenzi vhaakwe.

VaHebuli 5:5

Vhwevhulo, woope uChilisiti atáyilondoleeye wuuyo uvhushindamu uvhwa kuvha mupuuti umupiti, nkandi uMulungu we ámusavhuuye. Yeenya, uMulungu ámuvhuziizye átili, “Iwe we Mwana waane, ileelo ili navha ne Taata waaho.”

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.

1 Yohani 4:9

UMulungu wuuyo átulolesiizye ishikunzi shaakwe kwi idala ilya kumusonteelezya uMwana waakwe imozi, mu nsi umu, inga tuvhwaje uvhulanzi kutuushila ku kwakwe.

2 Yohani 1:7

Nkuyanga vhwevhulo, mwe pe vhe vhakuhopenkanya avhinji vhafumiiye mu nsi. Avheene vhakuyanga vhakuti uYeesu Chilisiti áyinzile pa nsi ipa, atáamile nu muvhili inza avhantu avhanji. Umuntu we akuyanga vhwevhulo, akuhopenkanya, havhili mulugu wa Chilisiti.

Ishitushizya 19:13

Ázwaye umwenda we vhátontesile mu mavhanda. Izina lyakwe uyo wu “Izwi ilya Mulungu.”

Ishitushizya 21:3

Pe nkiivwa izwi ipiti kufuma ku shitengo isha vhumwene lihati, “Yeenya uvhuyo uvhwa Mulungu pooka na vhantu! Alitendama pooka navho, vhoope vhaliivha vhantu vhaakwe, woope aliivha wu Mulungu waavho.