Yakobu 5:9 - ULufingwi uLupwa

⁹ Mwe vhamwitu, mutakwinanaje, inga mutahinze mulongwe, mwe pe uMulonzi apalamiiye kwinza.

Tesitamenti Umupwa 1965

⁹ Mutangʼwingʼwinzilanaje, mwe vamwitu, ukuti mutalongwaje. Yenyi, umulonzi ayimiliye kushilyango.

Yakobu 5:9 ပူးပေါင်းရင်းမြစ်များ

Matayi 24:33

Vhwevhulo, niimwe lwe mukuzilola izyo zikuvhombeha, pe muhamanyaje kuuti ne Mwana wa Aadamu mpalamiiye nkaani kwinza.

Maliko 13:29

Vhwevhulo, niimwe lwe mukuzilola izyo zikuvhombeha, pe muhamanyaje kuuti ne Mwana wa Aadamu mpalamiiye nkaani kwinza.

Maliko 6:19

Woope uHeloodiya ahamwuvhililaga uYoohani, ahanzaga kumugoga, ileelo ahapotwaga kumwaga,

1 VaKolinti 10:11

Ishi zyonti izyo zye zyávhaazile avheene, zyásimviilwe, inga shivhe shiholanyo isha kutusoha iswe twe tukulandila ahavhaliilizyo iha aha kumpeleela.

1 VaKolinti 4:5

Ishi mutavhalongaje avhantu she ahavhaliilizyo aha vhulonzi hashiili kufiha, muguliilile kufishila isiku lye uMwene uYeesu aliyinza. Uweene we alizivhiiha apazelu zyonti zye zizyihiime mu shiisi, nu kuzilolesya zye zili mu mooyo aga vhantu. Ahavhaliilizyo iho, uMulungu alivhatiima vhonti vhe vhakwanzilwa kutiimwa.

2 VaKolinti 9:7

Avhantu vhonti vhafumwaje inza vwe vhakwanza mu mooyo gaavho, vhatafumwaje ku vhuswimiilizu, poosye kwi idala ilya kuvhavijiilizya, mwe pe uMulungu akumukunda umuntu we akufumwa ku mwoyo wonti.

VaGalati 5:14

Indajizyo zyonti izya Moose zili mu lulajizyo lwoka lwe lukuti, “Umukundaje umupalamani waaho inza vwe ukuyikunda weneewe.”

VaGalati 5:26

Tutanzilizanyaaje, poosye kulolelana umwone, mwe pe tukuyitumvwa vhweleele.

Yakobu 4:11

Mwe vhamwitu, mutayanjilanaje imbiivhi. Umuntu we akumuyanga havhiivhi uwamwavho, poosye kumulonga, akuziyanjila havhiivhi indajizyo izya Mulungu nu kuzisuufwa. Lwe ukuzisuufwa indajizyo, utakuzishindiha, nkandi ukuzihaana.

Yakobu 4:12

UMulungu weeka vhweleele we akuvhiiha indajizyo, havhili uweene we Mulonzi. Wuuyo weeka we ali na maha aga kupoha nu kulovwa. Ishi, iwe we naanu we ukwanza kumulonga umupalamani waaho?

Yakobu 5:10

Mwe vhamwitu, yenyeelezyi avhakuvhwi vwe vhahajimbililaga mu mayimba, lwe vhakuyanga kwi izina ilya MWENE uMulungu. Ishi vhavhe shiholanyo kuli imwe.

Yakobu 5:7

Mwe vhamwitu, mujimbililaje kufishila ahavhaliilizyo he uMwene uYeesu aliyinza. Yeenyi uvhujimbiilizu uvhwa mulimi. Uweene akuguliilila umugunda wumezye nu kugomwa iviyavho ahinza. Iviyavho ivwo vili ni ilonka ku kwakwe. Ye nongwa akujimbiilila imvula iya mu ndundo ni ya shisiku.

1 Peteli 4:5

Ileelo vhaliyiyanjila vhuuvho pilongolela ilya Mulungu, we ayisengiinye kuvhalonga avhantu vhonti avhalanzi na vhafwe.

1 Peteli 4:9

Lwe mukuvuulana, mutetelanaje ishisita ulukwinkwino.

Ishitushizya 3:20

Yeenya, ine nimiliiye ku mulyango nkwiguzya! Umuntu we ayiivwa izwi lyane nu kwigula umulyango, ndiyinjila ku kwakwe, niine ndiilya pooka nawo, woope pooka niine.