Yakobu 5:5 - ULufingwi uLupwa

⁵ Mu vhulanzi vhwinyu mwe vhantu vhe vhakuyihondezya nu kuvhomba izya mpapilo zyinyu. Ishi mupalamiiye kulongwa. Muli inza ivisugwa vwe vwinile, inga vivhoolwe.

Tesitamenti Umupwa 1965

⁵ Muhaluvʼiṿintu munsʼumu, muhapapamila ṿwonti. Amoyo ginyu muhagalela fwe ngati pe pisiku lya kulyʼinyama.

Yakobu 5:5 ပူးပေါင်းရင်းမြစ်များ

uLuuka 16:19

“Kwáli udumbwe wumo, we ahazwalaga amenda aminza aga nsavho impiti aga muhoola uwa mafwomfwo. Insiku zyonti, ahalyanga ishaakulya isha nsavho impiti.

uLuuka 16:25

“Ileelo uAabulahamu ahamwamula ahati, ‘Mwana waane, ukumbushe kuuti ahavhaliilizyo he wáamile we mupuuma, wáamile ni vintu ivwinza vwe uhavisuvhilaga, ileelo uLaazalo áamile mu mayimba. Ishi, uweene akusuvhalizilwa ipa, iwe ukuyimba.

VaLoma 13:13

Tuvhe nu lujendo ulwinza inza vwe yikwanzilwa ku vhantu vhe vhakulandila mu vhuzelu. Tutahaavhe twe vhapafu, poosye twe vhashimwela, poosye twe vhavhembu, poosye twe vhamalaaya, poosye twe vha ivho poosye twe vha mwone.

1 Timoti 5:6

Ileelo umuziishe we akunyonywa izya mu nsi, uweene akuvha afuuye, poosye she mupuuma.

2 Timoti 3:4

Vhaliivha vhantu vhe vhakwaniilila avhamwavho, nu kuvha na mabaado nu kuyitumvwa. Havhili vhaliivha vhantu vhe vhakusungwa nkaani izya kuhondezya amooyo gaavho, kuluusya kumukunda uMulungu.

2 Peteli 2:13

Avhantu ivho vhaliyimvilwa kuzya mayimba ge vhahavhavhombelaga avhanji. Avheene vhakuseshela kuvhomba izya vhupafu apazelu. Havhili lwe muli pooka navho pa mulyo uwa shikunzi, vhakuvhapezya insoni imwe, kuzya mbombo zyavho imbiivhi zye zili inza amabada mu mwenda umuzelu.

uYuuda 1:12

Avhantu ivha vhakunanganya lwe vhakulya pooka niimwe pa mulyo uwa shikunzi, vhakulya vheeka ishisita insoni. Havhili vhali inza amavhingo ge gatali ni mvula, ge inkungu yikugapempenusya. Vhali inza amakwi ge gatali na mantonongwa ahavhaliilizyo aha mvuno, ge gafuuye nziila nu kwilulwa.

Ishitushizya 18:7

Mumuyimvwe nu kumuvhavwa kufumiilana nu kuyitumvwa kwakwe, kufumiilana ni mpapilo zyakwe. Akuyitumvwa mu mwoyo waakwe kuuti, ‘Ine nkutendama pa shitengo shaane nu kukonzya fwe ne samwene. Ine te ne muziishe, havhili ntaliswimiililwa naalumo!’