Yakobu 5:19 - ULufingwi uLupwa

¹⁹ Mwe vhamwitu, tuti uwamwinyu wumo alesile uvhwanalyoli, pisinda uwunji amugalusya havhili.

Tesitamenti Umupwa 1965

¹⁹ Mwe vamwitu, ingʼuwamwinyu wumo apagusile kuvwanalyoli, ilelo pe woka akumugalusya,

Yakobu 5:19 ပူးပေါင်းရင်းမြစ်များ

Matayi 18:15

“Inga uwamwinyu akuvhombela uvhutalamalandu, usogole umusoshe lwe muli mweka vhavhili. Inga akutejeelezya, pe ukuvha wamwaga havhili uwamwinyu.

uLuuka 22:32

Ileelo ine, nkulavhiiye kwa Mulungu, inga utahinze uleshe ulwitiho lwaho kuli ine. Niiwe lwe wangalushila ine, uvhagomwe na vhamwinyu.”

VaGalati 6:1

Vhamwitu, inga umuntu aagwa mu vhutalamalandu, imwe mwe mukulongolwa nu Mupepo mumusohaje ku vhutonsu vhwe vhukufuma kwa Mupepo, inga aleshe uvhutalamalandu vhwakwe. Havhili muvhanje minso, inga niimwe mutahinze mulingwe kululandata ulujendo lwakwe.

1 Timoti 6:10

Yeenya, kusungwa impiiya, vhwe vhwandilo uvhwa mbiivhi zyonti. Vhaliipo avhantu vhamo vhe vhazisungwilwe nkaani impiiya, zivhapeleeye kuuti vhaluleshe ulwitiho lwavho, vhavwalaziizye amooyo gaavho ku vhuswimiilizu nkaani.

1 Timoti 6:21

Vhaliipo avhantu vhamo vhe vhakuyitumvwa kuuti vhasambiilile, ileelo vhalulesile ulwitiho ulwa nalyoli. UMulungu avhafwilaje uvhwila imwe mwenti.

2 Timoti 2:18

Ivho vhapuvile nkaani, vhavhulesile uvhwanalyoli. Vhakusambiilizya kuuti kuzyuha ukwa vhafwe kuhatuuha. Kuli izyo, vhakunanganya ulwitiho ulwa vhanji.

VaHebuli 5:2

Uweene angavhafwila uvhwila avhamwavho vhe vhatakumanya na vhe vhakupuvha, mwe pe woope muyeyevhazu.

Yakobu 1:16

Mwe vhamwitu vhankundwa, mutahopelwaje.

Yakobu 1:19

Mwe vhamwitu vhankundwa, mutejelezyaje ahinza! Umuntu wonti atavhanje wa kuyanga naluvhiilo, nkandi avhanje wa kutejeelezya suuti! Havhili atavhanje we akuviitwa naluvhiilo.

Yakobu 3:14

Ileelo inga amooyo giinyu gizuuye umwone nu lupapilo, pe mutayitiimaje, havhili mutayangaje ilenga ku zya nalyoli.

Yakobu 5:20

Mumanye ahinza kuuti umuntu wonti we akumugalusya umutalamalandu kufuma kwi idala ilya vhunanjisu, akumupoha uvhulanzi vhwakwe kufuma mu vhufwe. Havhili akumuvhiiha umutalamalandu uyo kuuti aswilwe uvhutalamalandu vhwakwe uvhwinji.

2 Peteli 3:17

Ishi ileelo imwe vhankundwa, mwe pe mwazimanya inongwa izya vhasambiilizi avha ilenga, muvhanje minso kuuti vhatahinze vhavhahopenkanye kwi idala ilya kuvhalumila ilenga. Inga mukuvhatejeelezya, munginze mugwe nu kululeha ulwitiho lwinyu ulwa nalyoli.

uYuuda 1:11

Vhasheela! Mwe pe vhakulandata idala ilya Kaayini ilya vhutalamalandu, havhili kuzya vhulonsi vhakutala umulandu uwa Baalamu ishisita kuyidinda. Vhoope vhakusambuha inza uKoola, nu kulovha inza uweene.