Yakobu 5:16 - ULufingwi uLupwa

¹⁶ Kuli izyo, mupemulilanaje uvhutalamalandu vhwinyu nu kulavhilana, inga uMwene avhaponiaje. Kulaavha ukwa muntu umugolosu kuli na maha, havhili kukuvhomba imbombo.

Tesitamenti Umupwa 1965

¹⁶ Simupempulilanʼamalandu ginyu, muputilane, pe mukuzuzuvuha. Shʼuluputo lwa muntʼumugolosu ingʼatujishiye, pe luli namaha nkani aga kuvomba zimo.

Yakobu 5:16 ပူးပေါင်းရင်းမြစ်များ

Matayi 21:22

Inga muli nu lwitiho, vwonti vwe mukulaavha lwe mukupuuta, muliposheela.”

Matayi 3:6

Vhahapemulaga uvhutalamalandu vhwavho, woope ahavhozyaga mwi ijenje uYoolodaani.

Maliko 1:5

Avhantu kufuma mu nkaaya iya Yelusaleemu na mu shigavho isha nsi shonti isha Yudeeya vhahasogolaga kwa Yoohani kumutejeelezya. Vhahapemulaga uvhutalamalandu vhwavho, woope ahavhozyaga mwi ijenje uYoolodaani.

uLuuka 9:6

Pe avhasundikwa ivho vhahasogola mu ntala amavhiila mu mavhiila, umwo vhahalumbililaga Izwi iLyinza nu kuvhaponia avhavhinu kwonti kwe vhahasogolaga.

Yohani 9:31

Tumanyile kuuti uMulungu atakutejeelezya impuuto izya vhatalamalandu, ileelo akumutejeelezya umuntu wonti we akumushindiha nu kuvhomba kulandatana nu lukasamo lwakwe.

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 19:18

Avhantu avhinji vhe vhámwitisile uYeesu vhahatonta apazelu imbiivhi zyavho zye vhahavhombaga.

iMbombo izya Vhatumwa 8:24

USiimoni ahamwamula ahati, “Imwe mundaavhile kwa Mwene, inga zitahanaaje naazimo muli izyo zye mwayanga!”

VaLoma 3:10

Izyo zikuvhalilana nu Vhusimbe uVhufinjile vhwe vhukuti, “Ataliipo umuntu we mugolosu inga wooka.

VaLoma 5:19

Yeenya, inza vwe umuntu wooka áhaanile kumushindiha uMulungu, ahavhapelela avhantu avhinji kuvha vhatalamalandu, vhwevhulo umuntu wooka we ámushindisile uMulungu, alivhapelela avhantu avhinji kuvha vhagolosu.

Kolosi 1:9

Kuli izyo, kufuma ahavhaliilizyo he twívuuye inongwa zyinyu, tukuvhalavhilaga insiku zyonti. Tukulaavha kuuti uMulungu aavhape uvhumanyi vhwonti ku ziila zye uweene akwanza, nu vhushindamu uvhwa njeele nu vhumanyi kufuma kwa Mupepo uMufinjile.

1 VaTesaloniki 5:17

havhili mulaavhaje amanda gonti.

1 VaTesaloniki 5:23

UMulungu wuuyo we akuutupa uvhutehamu, avhazelufwe imwe ku zyonti. Kwe kuuti ayenyelezyaje amooyo giinyu nu vhulanzi vhwinyu na mavhili giinyu, inga muvhe ishisita kukwinkwinwa kufishila lwe akwinza uMwene wiitu uYeesu Chilisiti.

1 VaTesaloniki 5:25

Vhamwitu, niiswe mutulavhilaje kwa Mulungu.

VaHebuli 11:4

Mwe pe uAabeli ámwitisile uMulungu, ámufumwiziizye uMulungu impuutile inyinza kuluusya umukulu waakwe uKaayini. Kuzya kwitiha kwakwe, uMulungu ámuvhaziizye uAabeli kuuti muntu umugolosu. UMulungu áposheleeye impuutile yaakwe, pooka nu kuuti uAabeli ahafwa, ulwitiho lwakwe lukujendeelela kuvha shiholanyo ishinza isha iswe kushilandata poosye ileelo.

VaHebuli 11:7

Mwe pe uNoowa ámwitisile uMulungu, ámushindisile uMulungu lwe amusoha ku zye zyáshiili kufumila. Pe ahagomba imbogooso, inga uMulungu amuposhe uweene pooka na vhantu avha mu nyumba yaakwe. Kwi idala ilyo, ávhalonzile avhantu avha mu nsi vhe vhatámwitisile uMulungu. Kuli izyo, uMulungu ahamuvhaazya uNoowa kuuti muntu umugolosu pilongolela lyakwe.

VaHebuli 12:13

Mujendaje mu madala amagolosu, inga vhe vhali ni vinama vwe vilemaaye vhatahavwalale, nkandi vhapone.

VaHebuli 13:18

Mujendeelele kutulaavhila. Tuli nu vhwanalyoli kuuti amooyo giitu gatakutulonga naashimo, mwe pe tuli nu mute kuvhomba izya nalyoli ku vhantu vhonti.

1 Peteli 2:24

UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.

1 Yohani 3:22

Havhili tukuposheela kufuma ku kwakwe shonti she tukumulaavha, mwe pe tukuzishindiha indajizyo zyakwe nu kuvhomba zye zikumuhondezya.