Yakobu 5:15 - ULufingwi uLupwa

¹⁵ Kulaavha ku lwitiho, kukumupoha umuvhinu uyo, woope uMwene akumuvhuusya. Inga avhomvile uvhutalamalandu, akuswilwa.

Tesitamenti Umupwa 1965

¹⁵ Ilelʼuluputo lwe lufumile mulwitiho lwe lulimupoha umuvinu uno, pʼuMwene alimuvusya, havili namalandu gengʼatazile galiswilwa.

Yakobu 5:15 ပူးပေါင်းရင်းမြစ်များ

Matayi 17:20

Uweene ahavhaamula ahati, “Mwaaposiitwe, mwe pe ulwitiho lwinyu lunsi. Nalyoli nkuvhavhuuzya kuuti, inga mwaamile nu lwitiho ulunsi inza imbeyu iya haladaali ye nyinsi kuluusya imbeyu zyonti, mungalivhuuzya igamba ili kuuti, ‘Kumpuuha ipa, usogole paala,’ lyope lingakumpuha. Naashimo she shilivhapoota imwe.

Yohani 5:14

Isiku lyeliila lwe ahavhaliilizyo hatuuha hansi, uYeesu ahamwaga umuntu uyo pa Nyumba iMfinjile, ahamusoha ahati, “Tejeelezya, ishi waapona. Utahajendeelele kuvhomba uvhutalamalandu havhili, mwe pe inga ukujendeelela kuvhomba uvhutalamalandu, uliyimba nkaani kuluusya vwe wayimbaga ku vhwandilo.”

Yohani 6:39

Ulukasamo ulwa Taata waane we ansonteleziizye, lwa kuuti ntahamuteezye inga wooka mu vhaala vhe ampiiye, havhili lwa kuuti nkinze imbazyusye vhonti vhavhe vhapuuma isiku ilya vhusililishilo.

1 VaKolinti 1:21

Yeenya, kulandatana na vwe vhuli uvhushindamu uvhwa njeele uvhwa Mulungu, avhantu avha mu nsi umu vhatangamumanya uMulungu ku vhushindamu vhwavho uvhwa njeele. Ileelo uMulungu asungwilwe kuvhapoha vhe vhakumwitiha uYeesu we iswe tukukumusya intumi yaakwe. Avhantu vhe vhatakumwitiha uYeesu vhakulola intumi iyo ya vhwalangani.

2 VaKolinti 4:14

Tukuyanga izyo, mwe pe tumanyile kuuti uMulungu we ámuzyusiizye uMwene uYeesu, alituzyusya niiswe. Uweene alituvhiiha pooka niimwe, inga tuhatendame nu Yeesu.

Yakobu 1:6

Ileelo akwanzilwa alaavhe ku lwitiho ishisita amaganigani kuuti kwe aposheele. Nkuyanga vhwevhulo, mwe pe umuntu we ali na maganigani, akuvha fwe livhilingwa ilya sumbi, lye likunyatulwa ni nkungu nu kusumbilwa uku nuukwo.

Yakobu 5:13

Umuntu wonti kuli imwe, inga akuyimba, akwanzilwa amulaavhaje uMulungu. Inga kuli umuntu wonti we ali nu luseshelo, akwanzilwa kwimba inyimbo izya kumutiima uMulungu.

Yakobu 5:16

Kuli izyo, mupemulilanaje uvhutalamalandu vhwinyu nu kulavhilana, inga uMwene avhaponiaje. Kulaavha ukwa muntu umugolosu kuli na maha, havhili kukuvhomba imbombo.

Yakobu 5:20

Mumanye ahinza kuuti umuntu wonti we akumugalusya umutalamalandu kufuma kwi idala ilya vhunanjisu, akumupoha uvhulanzi vhwakwe kufuma mu vhufwe. Havhili akumuvhiiha umutalamalandu uyo kuuti aswilwe uvhutalamalandu vhwakwe uvhwinji.