Yakobu 5:13 - ULufingwi uLupwa

¹³ Umuntu wonti kuli imwe, inga akuyimba, akwanzilwa amulaavhaje uMulungu. Inga kuli umuntu wonti we ali nu luseshelo, akwanzilwa kwimba inyimbo izya kumutiima uMulungu.

Tesitamenti Umupwa 1965

¹³ Amwʼalipo uwamwinyu wumo wʼakuyimba zimo? Wʼaputaje. Amwʼalipo wumo wʼasankine? Wʼayimbajʼinyimbo zya lutimo.

Yakobu 5:13 ပူးပေါင်းရင်းမြစ်များ

Matayi 26:30

Pe vhahateela ulwimbo ulwa kumutiima uMulungu. Lwe vhaamala, vhaheepa paala, vhahasogola kwi igamba ilya Mazayituuni.

uLuuka 22:44

Ileelo uYeesu ahonjezya kulaavha, mwe pe áamile nu vhuvhaavi nkaani. Lwe akulaavha, amatwinsi ge gáali inza amavhanda ge gahazwilaga pansi.

uLuuka 23:42

Pe ahati, “We Yeesu! Nkulaavha lwe ukwinjila mu vhumwene vhwaho, uhankumbuhaje!”

1 VaKolinti 14:15

Ishi nkwanzilwa kuvhomba ishooni? Kwe ndaavhaje mu njango injeni mwa Mupepo uMufinjile, havhili kwe ndaavhaje na ku njeele zyane. Havhili kwe nimbaje ku njango injeni mwa Mupepo uMufinjile, havhili kwe nimbaje na ku njeele zyane.

1 VaKolinti 14:26

Ishi vhamwitu tuti vhuli? Lwe muvhungiine kupuuta, inga wumo ali nu lwimbo nu wamwavho ali ni nsambiilizyo, wumo akwanza kuyanga zye uMulungu amulolesiizye nu wamwavho akuyanga injango injeni nu wamwavho akutantula injango injeni, izi zyonti zivhombehaje mu nsiivho izya kushizenga ishivhanza.

VaEfeso 5:19

Pe musuvhalizanyaaje ku zabuuli ni nyimbo izya kumutiima uMulungu ni nyimbo zye zikufuma kwa Mupepo uMufinjile. Havhili mumwimbilaje uMwene uYeesu ku mwoyo wonti.

VaHebuli 5:7

Lwe uYeesu ali mu nsi umu, ahamulaavhaga uMulungu nu kukuuta nkaani na mansozi, mwe pe ámanyile kuuti uMulungu ali na maha aga kumupoha ku vhufwe. Woope uMulungu ahiitiha impuuto zyakwe, mwe pe uYeesu ahamushindihaga.

Yakobu 5:10

Mwe vhamwitu, yenyeelezyi avhakuvhwi vwe vhahajimbililaga mu mayimba, lwe vhakuyanga kwi izina ilya MWENE uMulungu. Ishi vhavhe shiholanyo kuli imwe.

Ishitushizya 14:3

Vhahimbaga ulwimbo ulupwa pilongolela ilya shitengo isha vhumwene na pilongolela ilya vipelwa vine na pilongolela ilya vhasongo. Ileelo naawumo we ávhweziizye kusambiilila ulwimbo luula, nkandi vhaala 144,000, vhe vhápokwilwe mu nsi.

Ishitushizya 7:10

Vhahayanga kwi izwi ipiti, vhahati, “Uvhuposhi vhukufuma kwa Mulungu wiitu, uweene we akutendama pa shitengo shaakwe isha vhumwene, na ku Hagonzi aha MWENE uMulungu.”