Yakobu 5:10 - ULufingwi uLupwa

¹⁰ Mwe vhamwitu, yenyeelezyi avhakuvhwi vwe vhahajimbililaga mu mayimba, lwe vhakuyanga kwi izina ilya MWENE uMulungu. Ishi vhavhe shiholanyo kuli imwe.

Tesitamenti Umupwa 1965

¹⁰ Mwe vamwitu, musendelaje ishiholanyo kuvakuvwi ve vahayanga mwizina lya Mwene, inza she vahajimbililagʼimbivi shisitakusilikitwa.

Yakobu 5:10 ပူးပေါင်းရင်းမြစ်များ

uLuuka 13:34

“Mwe vhantu vha mu Yelusaleemu imwe! Mukuvhagoga avhakuvhwi, nu kuvhahoma na mavhwe avhavhomvi vhe uMulungu avhasonteleziizye kuli imwe. Lulinga nanzaga kuvhavhungaaniha inza inkuku vwe yikwuvhatila utwana twakwe, ileelo mutanzaga?

uLuuka 6:23

Lwe zikuvhombeha izyo, museshelaje nu kudovhela, mwe pe uMulungu aliivhapa ishipeelwa ishipiti ku mwanya. Havhili vhwevhulo, vhoope avhataata vhaavho vwe vhahavhayimvwaga avhakuvhwi.

iMbombo izya Vhatumwa 3:21

UYeesu akwanzilwa kusyala ku mwanya, kufishila ahavhaliilizyo he uMulungu alivigalulanya ivintu vwonti kuvha vipwa, inza vwe uweene áyanzile kufuma hali, kutuushila ku vhakuvhwi vhaakwe avhafinjile.

iMbombo izya Vhatumwa 7:52

Kuli umukuvhwi we avhataata vhiinyu vhatámuyimvwizye? Yeenyi, vhahavhagoga avhakuvhwi, poosye vhe vhahakuvhwaga uvhukuvhwi kuzya kwinza ukwa Chilisiti, we mugolosu! Uyo, imwe muhamutwala ku vhalugu, muhamugoga!

VaHebuli 13:7

Muvhakumbuhaje avhalongozi vhaala vhe vhahavhasambilizyaga izwi ilya Mulungu. Mulusivhililaje ulujendo lwavho ulwinza, lwe vháali nalwo mu vhulanzi vhwavho nu kululandata ulwitiho lwavho.

Yakobu 4:11

Mwe vhamwitu, mutayanjilanaje imbiivhi. Umuntu we akumuyanga havhiivhi uwamwavho, poosye kumulonga, akuziyanjila havhiivhi indajizyo izya Mulungu nu kuzisuufwa. Lwe ukuzisuufwa indajizyo, utakuzishindiha, nkandi ukuzihaana.

Yakobu 5:13

Umuntu wonti kuli imwe, inga akuyimba, akwanzilwa amulaavhaje uMulungu. Inga kuli umuntu wonti we ali nu luseshelo, akwanzilwa kwimba inyimbo izya kumutiima uMulungu.

Yakobu 5:7

Mwe vhamwitu, mujimbililaje kufishila ahavhaliilizyo he uMwene uYeesu aliyinza. Yeenyi uvhujimbiilizu uvhwa mulimi. Uweene akuguliilila umugunda wumezye nu kugomwa iviyavho ahinza. Iviyavho ivwo vili ni ilonka ku kwakwe. Ye nongwa akujimbiilila imvula iya mu ndundo ni ya shisiku.

Yakobu 5:9

Mwe vhamwitu, mutakwinanaje, inga mutahinze mulongwe, mwe pe uMulonzi apalamiiye kwinza.