Yakobu 4:8 - ULufingwi uLupwa

⁸ Mumupalamilaje uMulungu, woope kwe avhapalamilaje. Muleshe kuvhomba imbiivhi, imwe mwe vhatalamalandu! Havhili mugazelufwaje amooyo giinyu, imwe mwe vha nsiivho pavhili!

Tesitamenti Umupwa 1965

⁸ Mupalamile kwa Mulungu, pe wope akupalamila kulʼimwe. Musukusule munyove, mwe vatalamalandu, muzelufwʼamoyo ginyu mwe va moyo amagulugulu.

Yakobu 4:8 ပူးပေါင်းရင်းမြစ်များ

Matayi 12:33

“Muvhwalaje ikwi ilyinza, goope amantonongwa gaakwe gakuvha minza. Muvhwalaje ikwi ivhiivhi, goope amantonongwa gaakwe gakuvha mavhiivhi. Ikwi likumanyiha vwe lili kufumiilana na mantonongwa gaakwe.

Matayi 15:2

“Shooni she avhasundikwa vhaaho vhakushilanya amaata aga vhataata vhiitu? Vhakulya ishaakulya ishisita kugeeza mu nyoovhe zyavho!”

Matayi 27:24

Lwe uPilaato aalola kuuti atangagalulanya insiivho izya vhantu ivho nu kuuti vhatalisile ivho, ahanyatula aminzi nu kugeeza mu nyoovhe zyakwe pilongolela lyavho kulolesya kuuti atali nu vhunanzi naavhumo. Pe ahavhavhuuzya ahati, “Ine ntali nu vhunanzi naavhumo ku vhufwe uvhwa muntu uno umugolosu. Izi zili mu nyoovhe zyinyu mweneemwe!”

iMbombo izya Vhatumwa 15:9

UMulungu atásavhuliinye inga hansi, ku kwitu na ku kwavho, ahazelufwa amooyo gaavho kwi idala ilya kumwitiha uYeesu.

2 VaKolinti 7:1

Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

1 Timoti 2:8

Ishi, ponti pe muvhungiine kupuuta, nkwanza avhanaavuli vhavhusyaje inyoovhe zyavho zye zizelufile kumulaavha uMulungu ku mwoyo umwinza ishisita umulaha na madali.

VaHebuli 10:22

Kuli izyo, tusogolaje pilongolela ilya Mulungu na mooyo aminza ge nalyoli gakumwitiha, mwe pe uMulungu atuzelufwizye amooyo giitu amavhiivhi kwi idala ilya mavhanda aga Yeesu nu kugazelufwa amavhili giitu na minzi amazelu.

VaHebuli 7:19

Mwe pe ululajizyo ulwo lutáshivhiisile ishintu naashimo kuvha shilunjisu, tupeliilwe ulusuuvhilo ulwamwavho lwe lwinza nkaani, lwe lukutuvhiiha kuvha papiipi nu Mulungu.

Yakobu 1:8

mwe pe ali ni nsiivho pavhili, atali naapamo pe ayimiliiye.

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 3:21

Aminzi igo sháamile shiholanyo isha lwozyo ulwa havhaliilizyo iha, ulwa kuvhapoha imwe kwi idala ilya kuzyuha uYeesu Chilisiti. Kwozelwa te kwe kugeeza, inga uyeefwe intavu mu muvhili, nkandi lufingwi kwa Mulungu lwe lukuvhombeha ku mwoyo umwinza.

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.