Yakobu 4:4 - ULufingwi uLupwa

⁴ Imwe muholiine na vhavhembu, mwe pe mutali nu mushinzi kwa Mulungu! Mutamanyile kuuti we akusungwa izya mu nsi, akuvha mulugu uwa Mulungu? Ishi, wonti we akusungwa izya mu nsi, ayipezile kuvha mulugu uwa Mulungu.

Tesitamenti Umupwa 1965

⁴ Mwe vavembʼimwe, amwe mutamanyile ukuti uvumanyani ninsʼino vwe vulugu kwa Mulungu? Wengʼakwanzʼuvumanyani ninsʼino, wʼakuyipelʼukuva mulugu wa Mulungu.

Yakobu 4:4 ပူးပေါင်းရင်းမြစ်များ

Matayi 12:39

UYeesu ahavhaamula ahati, “Avhantu avha havhaliilizyo iha vhavhiivhi, havhili vhavhembu! Vhakwanza ishilolesyo, ileelo te mbalolesye ishilolesyo naashimo, nkandi sheshiila isha mukuvhwi uYoona.

Matayi 16:4

Avhantu avha havhaliilizyo iha vhavhiivhi havhili vhavhembu. Vhakwanza ishilolesyo, ileelo te mbalolesye ishilolesyo naashimo, nkandi sheshiila isha Yoona.” Pe uYeesu ahavhaleha paala, aheepa.

Matayi 6:24

“Ataliipo we angavhavhombela avhamwene vhavhili ku havhaliilizyo hooka. Yeenya, lwe akumukunda umwene wooka, akuvha akumuviitilwa uwamwavho, havhili lwe akuyifumwa nkaani kumuvhombela umwene wooka akuvha akumusuufwa uwamwavho. Inga ivwuma vikuvhakonzya, mutangamuvhombela uMulungu.”

uLuuka 19:27

Pooka niizyo vhaleeti avhalugu vhaane vhaala vhe vhatanzaga kuuti mbakonzye, muvhagoje pilongolela lyane!’”

Yohani 15:19

Inga mwaamile mwe vhantu avha mu nsi umu, nkandi vhavhakunzite inza vwe vhavhakunzite avhantu vhaakwe. Ileelo imwe te mwe vha mu nsi umu, mwe pe mbasavhuuye kufuma mu nsi umu, ye nongwa avhantu avha mu nsi umu vhakuvhaviitilwa.

Yohani 17:14

Mbavhuziizye izwi lyaho, ileelo avhantu avha mu nsi vhavhavitiliilwe, mwe pe te vha mu nsi umu, inza vwe niine te ne wa mu nsi umu.

Yohani 7:7

Nkuyanga vhwevhulo, mwe pe avhantu avha mu nsi umu vhatangavhaviitilwa imwe, nkandi vhakumviitilwa ine, mwe pe nkuvhavhuuzya kuuti, zye vhakuvhomba mbiivhi.

VaLoma 5:10

Mwe pe inga uMulungu átukundiinye iswe nu weene kwi idala ilya vhufwe uvhwa Mwana waakwe, she twápezile twe vhalugu vhaakwe, pe nalyoli alitupoha ku vhuhalazu vhwakwe, kwi idala ilya vhulanzi uvhwa Mwana waakwe.

VaLoma 8:7

Yeenya, avhantu vhe vhakulongolwa nu vhuntu uvhwa vhutalamalandu vhakuyipela kuvha vhalugu vha Mulungu, mwe pe vhatakuzilandata indajizyo izya Mulungu inga hansi, havhili vhatangazilandata.

1 VaKolinti 1:20

Ishi vhali kwoshi avhashindamu avha njeele? Vhali kwoshi avhasambiilizi avha ndajizyo izya Moose? Vhali kwoshi vhe vhali nu vhumanyi uvhwa kuyanga ahinza ahavhaliilizyo iha? UMulungu alolesiizye apazelu kuuti uvhushindamu uvhwa njeele uvhwa mu nsi umu, vhwalangani.

1 VaKolinti 1:21

Yeenya, kulandatana na vwe vhuli uvhushindamu uvhwa njeele uvhwa Mulungu, avhantu avha mu nsi umu vhatangamumanya uMulungu ku vhushindamu vhwavho uvhwa njeele. Ileelo uMulungu asungwilwe kuvhapoha vhe vhakumwitiha uYeesu we iswe tukukumusya intumi yaakwe. Avhantu vhe vhatakumwitiha uYeesu vhakulola intumi iyo ya vhwalangani.

VaGalati 1:10

Ishi vhuli, mukusiivha kuuti nkwanza kukundwa na vhantu? Ndaali, nkwanza kukundwa nu Mulungu weeka vhweleele! Inga nanzaga kukundwa na vhantu, ine nkandi te ne muzya wa Chilisiti.

Yakobu 1:27

Imbombo zye zikumuhondezya uMulungu uTaata zye zino: kuvhaavwa avhantaagwa na vhaziishe mu mayimba gaavho nu kuyidinda kuuti izya mu nsi zitahakuhandamanie.