Yakobu 3:6 - ULufingwi uLupwa

⁶ Ulumili lwope luli inza umwoto. Ulwene lwizuuye imbiivhi inyinji izya mu nsi kuluusya ivipelwa vwonti ivwa muvhili. Lukumuhandamania umuntu umuvhili waakwe wonti nu kuholeelezya umwoto mu vhulanzi vhwakwe vhwonti. Ulumili lwope lukuholeela nu mwoto uwa shiima shiima uwa mwi ipalaazya.

Tesitamenti Umupwa 1965

⁶ Lwope nulumili mwoto, insi ya vugombanu. Mutuntu twa mumuvili witu ulumili lukuyilolesya ukuti lukuhandamanyʼumuvili wonti, havili mulujendo lwonti lwa pamwanyʼipa lukuholelezyʼumwoto, lwope lukuyoholelʼumwoto kumwoto wa mugehena.

Yakobu 3:6 ပူးပေါင်းရင်းမြစ်များ

Matayi 12:24

Ileelo lwe aVhafalisaayi vhiivwa izyo, vhahayanga vhahati, “Umuntu uno akushimbizya impepo inkandamanu ku maha aga Belizabuuli, umupiti uwa mpepo inkandamanu!”

Matayi 5:22

Ileelo ine nkuvhavhuuzya kuuti, umuntu wonti we akumuviitilwa uwamwavho, akwanzilwa kupeelwa isunde. Havhili, wonti we akumuliga uwamwavho kuuti we mupukupuuku, akwanzilwa kulongwa pa lukuvhato. Woope we akumutipa uwamwavho, akwanzilwa kusumbilwa mwi ipalaazya ilya mwoto uwa shiima!

Maliko 7:15

She shikumwinjila umuntu, te she shikumuhombezya, nkandi vwe vikumufuma, vwe vikumuhombezya umuntu.

uLuuka 16:24

Ahamwita ahati, ‘We taata Aabulahamu, umfwile uvhwila! Nkuyimba nkaani mu mwoto uno! Nkukulaavha umusonteelezye uLaazalo, atumpishe ahafingwi mu minzi, ayinze anzwilizye pa lumili lwane, inga luhatale.’

iMbombo izya Vhatumwa 20:30

Havhili muli imwe vhalifumila avhantu vhe vhaliyangaga inongwa izya ilenga, inga vhavhateezye avhalandati, kuuti vhavhalandataje avheene.

iMbombo izya Vhatumwa 5:3

Ileelo uPeeteli ahamuvhuuzya ahati, “Ananiya! Shooni she waaleha uSeetano ayinjila mu mwoyo waaho? Wafishila kumulumila ilenga uMupepo uMufinjile, wazyiha impiiya zimo zye uposheleeye mu mugunda waaho.

iMbombo izya Vhatumwa 6:13

Vhahavhaleeta avhahoome avha ilenga pa lukuvhato ulwo, pe avhahoome ivho vhahati, “Umuntu uno, atakuleha kuyanga amazwi aga kuliga iNyumba iMfinjile ni ndajizyo izya Moose!

uTiiti 1:11

mwe pe vhakuvhapuvwa avhantu mu nyumba inyinji, lwe vhakusambiilizya zye zitakwanzilwa. Vhakuvhomba izyo, inga vhazyaje impiiya!

Yakobu 2:7

Vhuli, te vhe vhanaavho vhe vhakulisaamula izina ilyinza ilya Yeesu lye muhapeelwa?

Yakobu 3:7

Avhantu vhakuvikonzya ivihanu ivwa nkolo zyonti, inyunyi, na vwe vikukwesuha ni vihanu ivwa mwa sumbi.

2 Peteli 3:3

Yikwanzilwa mumanye suuti kuuti insiku izya vhusililishilo vhaliyinza avhantu avha isuufwo, vhe vhalivhasufwaga imwe nu kuzilandata impapilo zyavho.

3 Yohani 1:10

Kuli izyo, lwe ninza ukwo, ndizivumbula apazelu zyonti zye akuvhomba, kwe kuuti izya ilenga zye akutuyanjila. Te ziniizyo zyeka vhweleele, ileelo akuhaana nu kuvhaposheela avhamwitu vhe vhakuvhavuula ukwo. Havhili akuvhadinda nu kuvhashimbizya mu shivhanza avhanji vhe vhakwanza kuvhaposheela.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 13:14

Shihavhahopenkanya vhaala vhe vhakutendama pa nsi, ku vilolesyo viila vwe shápeliilwe kuvivhomba pa luvhambo ulwa shihanu shiila ishitanzi. Shihavhalajizya kuuti vhashigombele ishiholanyo isha shihanu isho, she sháali nu vhuvwalale uvhwa ipanga ileelo shihavha shipuuma.

Ishitushizya 18:23

Uvhuzelu uvhwa nyaale te vhuhaloleshe havhili kuli iwe, poosye amazwi aga we akwimala na we akwimalwa, te gahivwishe naalumo kuli iwe, mwe pe avhavhomvi vhaaho avha kutaanania vháamile vhapiti mu nsi zyonti. Havhili ku vhulozi vhwaho insi zyonti zyápuvile!

Ishitushizya 19:20

Ileelo we átendiime pa mfwalaasi ahashigoma ishihanu isho pooka nu mukuvhwi waakwe uwa ilenga, we ahavhombaga ivilolesyo pa luvhambo lwakwe. Ku vilolesyo vwakwe ivwo, ávhahopenkiinye vhaala vhe vháamile ni vimanyilo ivwa shihanu isho, na vhe vhahashipuutaga ishiholanyo shaakwe. Ishihanu isho pooka nu mukuvhwi uyo vhahasumbwa vhonti vhavhili, she vhapuuma mwa sumbi we akwaha umwoto uwa mbaluuti.