Yakobu 3:17 - ULufingwi uLupwa

¹⁷ Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

Tesitamenti Umupwa 1965

¹⁷ Izyene nyenʼinjele zya kumwanya zitalisile ukuva nzelu, havili nkundavwihalo, intelefu, zikuteshela ingʼumuntu akukuvuzya zimo, zyizuye ulupepelezyo ninsanga zyontʼinyinza, zite namaganigani, zite namafuji.

Yakobu 3:17 ပူးပေါင်းရင်းမြစ်များ

Matayi 23:28

Niimwe vhweleele, kunzi mukuloleha pilongolela lya vhantu mwe vhagolosu kwa Mulungu, ileelo muhati mu mooyo giinyu mwizuuye ishifumbo nu vhusambusu.

Matayi 5:8

Vhalosiitwe vhe vhali nu mwoyo umwinza, mwe pe vhalimulola uMulungu.

Matayi 5:9

Vhalosiitwe vhe vhakuvhakundanya avhamwavho, mwe pe uMulungu alivhiita kuuti vhaana vhaakwe.

uLuuka 21:15

Nkuvhavhuuzya isho, mwe pe ine ndiivhapa amazwi aga kuyanga nu vhushindamu uvhwa njeele, vhwe avhalugu vhiinyu vhatangatumvanya navhwo, poosye kuvhudinda.

uLuuka 6:36

Muvhe nu vhwila inza uTaata wiitu uMulungu vwe ali nu vhwila.”

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:47

Lwe uYeesu amulola uNasaniyeeli akwinza ku kwakwe, ahayanga inongwa zyakwe ahati, “Yeenya, umuntu uyo we akwinza, Mwisilayeeli uwa nalyoli we atapezile alume ilenga naalumo.”

iMbombo izya Vhatumwa 11:24

UBalinaaba áamile muntu umwinza, áyizuuye uMupepo uMufinjile, havhili áamile nu lwitiho nkaani. Pe avhantu avha Mwene vhahonjela kuvha vhinji nkaani.

iMbombo izya Vhatumwa 9:36

Mu nkaaya iyamwavho ye vhahatinji iYaafa áliipo umwantanda wumo, umulandati uwa Yeesu, izina lyakwe vhahatinji uTaabita. (Mu njango iya Shiyunaani, wu Dolikaasi.) UDolikaasi ahavhavwaga avhapiina nu kuvhomba imbombo izinji inyinza.

VaLoma 12:18

Muvhombaje zyonti zye mungavhomba zye zikuvhavhiiha kuvha nu vhutehamu na vhantu vhonti.

VaLoma 12:9

Muvhakundaje avhamwinyu ishisita ishifumbo. Muzivitilwaje imbiivhi, muyikungulaje kuvhomba inyinza.

VaLoma 15:14

Mwe vhamwitu, ine neneene, nalyoli imanyile kuuti imwe mwizuuye uvhwinza nu kumanya zye zikwanzilwa kuvhomba, havhili mungasambilizanya.

1 VaKolinti 12:8

UMupepo uyo akuumupa umuntu wumo ishikunjilwa isha kuyanga amazwi aga vhushindamu uvhwa njeele, uwamwavho akuumupa amazwi aga vhumanyi inza vwe akasiime wuuyo.

2 VaKolinti 10:1

Ishi, ine ne Paavhuli ne nkuloleha ne mutonsu lwe indi pooka niimwe, ileelo nkuloleha ne muhali lwe indi ukutali niimwe, nkuvhalambiilizya ku vhwahayiisye na ku vhutonsu uvhwa Chilisiti,

2 VaKolinti 6:6

Havhili tukulolesya kuuti twe vhavhomvi avha Mulungu ku mooyo giitu amazelu na ku vhumanyi na ku vhujimbiilizu na ku vhutesi na kwi idala ilya kulongolwa nu Mupepo uMufinjile na ku shikunzi she shitali ni shifumbo.

2 VaKolinti 7:11

Yeenya, uvhuswimiilizu vhwe vhukwinza ku lukasamo ulwa Mulungu, vhuvhaleteeye imwe ilonka ipiti. Vhuvhavhiisile kuvha nu mute nkaani kuvhomba ingolosu, nu kuyiyanjila kuuti zye mukuvhomba zya nalyoli, nu kuziviitilwa imbiivhi, nu kumunyila uMulungu, nu kusamba kundola, nu kulola kuuti we ananzile aposheleeye amalipilo gaakwe. Muli izyo zyonti mukulolesya kuuti mutali nu vhunanzi kuli ili.

2 VaKolinti 9:10

UMulungu we akuumupa umuntu imbeyu iya kuvhwala ni ikaati ilya kulya, kwe aavhape imbeyu iya kuvhwala nu kuvhonjezezya. Kwe kuuti kwe aavhape nu kuvhonjezezya umwoyo uwa vhutesi.

VaEfeso 5:9

Nkuyanga vhwevhulo, mwe pe avhantu vhe vhali mu vhuzelu vhakuvhomba inyinza ni ngolosu ni zya nalyoli ahavhaliilizyo honti.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

1 VaTesaloniki 2:7

Twámile twe vhatonsu kuli imwe, inza umwantanda lwe akusunga avhaana vhaakwe.

1 Timoti 5:21

Nkukulajizya pilongolela ilya Mulungu na pilongolela ilya Chilisiti uYeesu na vhahavhizya vhaakwe avhasaavhulwa, kuuti uzilandataje izyo ishisita kusavhulanya avhantu.

2 Timoti 2:24

Umuvhomvi uwa Mwene uYeesu atakwanzilwa kuvha muntu wa ivho, nkandi kuvha mutonsu ku vhantu vhonti. Havhili akwanzilwa amanye kusambiilizya izwi ilya Mulungu nu kuvha mujimbiilizu.

uTiiti 1:15

Ivho vhakusambiilizya kuuti viliipo ivintu vwe vihandamanu. Ileelo ku vhantu vhe amooyo gaavho mazelu, ivintu vwonti vizelu. Ku vhantu vhe vhahandamanu havhili vhe vhatakumwitiha uYeesu Chilisiti, ivintu vwonti ku kwavho vihandamanu. Ivho injeele zyavho na mooyo gaavho mahandamanu.

uTiiti 3:2

Patahaavhe avhantu vhe vhakuligana, poosye avha ivho, nkandi vhajimbililaje nu kulolesya uvhutonsu ku vhantu vhonti.

VaHebuli 12:11

Ataliipo umuntu we akuseshela lwe akusundwa, vhonti vhakuswimiililwa. Ileelo vhaala vhe kusundwa kwavho kuvhavhiisile kuuti vhaluvhaalile kuvha nu lujendo ulwinza, vhakuvhomba ingolosu pilongolela ilya Mulungu nu kuvha nu vhutehamu.

VaHebuli 12:14

Mwe vhamwitu, mukanyilaje kulandila ku vhutehamu na vhantu vhonti. Havhili mukanyilaje kuvha mwe vhafinjile mu vhulanzi vhwinyu, mwe pe ataliipo umuntu we angamulola uMWENE uMulungu ishisita kuvha mufinjile.

Yakobu 1:17

Ivintu vwonti ivwinza ni vipeelwa vwonti ivwinza vikufuma ku mwanya kwa Taata uMulungu, uMupezi uwa vintu vwonti ivwa kumwanya vwe vili nu vhuzelu. Vwe vili nu vhuzelu ivwo vitakuhozya ahavhaliilizyo honti, ahavhaliilizyo hamo vikuzima. Ileelo uweene uMulungu atakwanduha, havhili atakugalunkana inza ishinzyunguuli vwe shikugalunkana.

Yakobu 1:5

Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.

Yakobu 2:13

UMulungu te ahaavhe nu vhwila, lwe akumulonga umuntu we atali nu vhwila. Inga umuntu ali nu vhwila ku vhanji, woope uMulungu alimufwila uvhwila pi isiku ilya vhulonzi!

Yakobu 2:4

vhuli, te lwe mwavhomba izya vhunyala? Vhuli, te lwe mwafumwa uvhulonzi, kufumiilana ni nsiivho zyinyu imbiivhi?

Yakobu 3:15

Uvhushindamu uvhwa njeele inza uvhwo, vhutakufuma ku mwanya, nsiivho zya mu nsi munuumu, havhili zya mu muvhili, vhukufuma kwa Seetano.

Yakobu 4:8

Mumupalamilaje uMulungu, woope kwe avhapalamilaje. Muleshe kuvhomba imbiivhi, imwe mwe vhatalamalandu! Havhili mugazelufwaje amooyo giinyu, imwe mwe vha nsiivho pavhili!

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 2:1

Pe ishi, muleshe uvhuvhiivhi vhwonti ni ilenga ni shifumbo nu mwone ni ndigo zyonti.

1 Peteli 2:18

Imwe mwe vhavhomvi avha mu nyumba, muvhashindihaje nu kuvhanyila nkaani avhapiti vhiinyu. Mutavhombaje vhwevhulo ku vhapiti vhe vhe vhinza havhili vhatonsu, nkandi poosye na ku vhapiti vhe vhahali.

1 Yohani 3:18

Mwe vhaana vhaane, tutayangaje pe pi ilomu vhweleele, kuuti tuvhakunzite avhamwitu, nkandi nalyoli tuvhakundaje kwi idala ilya kuvhavhombela inyinza.

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.