Yakobu 3:15 - ULufingwi uLupwa

¹⁵ Uvhushindamu uvhwa njeele inza uvhwo, vhutakufuma ku mwanya, nsiivho zya mu nsi munuumu, havhili zya mu muvhili, vhukufuma kwa Seetano.

Tesitamenti Umupwa 1965

¹⁵ Shʼinjelʼizyo zitafumile kumwanya ndali, zye zya pansi, zya muntu, zya mpepʼimbivi.

Yakobu 3:15 ပူးပေါင်းရင်းမြစ်များ

uLuuka 16:8

“Pe udumbwe ula ahamutiima umwimiilizi we te mutungamu uyo, vwe ávhomvile ku njeele. Navhavhuuzya ishiholanyo ishi, mwe pe avhantu avha mu nsi umu, vhakuvhomba imbombo zyavho na vhamwavho ku njeele kuluusya vhe vhamwitisile uMulungu.

Yohani 3:17

Yeenya, uMulungu atánsonteleziizye ne Mwana waakwe kuvhalonga avhantu avha mu nsi umu, nkandi kuvhapoha.

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

iMbombo izya Vhatumwa 13:10

ahamuvhuuzya ahati, “Iwe we mwana wa Mukwalanzi, we mulugu uwa zyonti izya nalyoli pilongolela ilya Mulungu! Uyizuuye uvhushevu uvhwa kuhopenkanya avhanji nu vhuvhiivhi vhwonti. Shooni she utakuleha kupuvwa amadala amagolosu aga MWENE uMulungu?

VaLoma 1:22

Avheene vhahayitumvwaga kuuti vhali nu vhushindamu uvhwa njeele, fwandi vhapukupuuku.

1 VaKolinti 1:27

Ileelo uMulungu ávhasavhuuye avhantu vhe mu nsi vhakuloleha vhalangani, inga avhasuupizye vhe vhakuloleha vhali nu vhushindamu uvhwa njeele. Havhili uMulungu ávhasavhuuye avhantu vhe mu nsi vhakuloleha vhayeyevhazu, inga avhasuupizye vhe vhakuloleha vhali na maha.

1 VaKolinti 2:14

Ileelo umuntu we atali nu Mupepo uwa Mulungu, atangaposheela zye zikufuma kwa Mupepo uwa Mulungu. Umuntu uyo ku kwakwe izyo zya vhwalangani, havhili atangazimanya, mwe pe umuntu akuzimanya izyo ku lwavwo ulwa Mupepo uwa Mulungu weeka.

1 VaKolinti 3:19

Yeenya, uvhushindamu uvhwa njeele uvhwa mu nsi umu, vhwalangani pilongolela ilya Mulungu. Izyo zili inza vwe yisimviilwe mu Vhusimbe uVhufinjile kuuti, “UMulungu akuvhalema vhe vhali nu vhushindamu uvhwa njeele mu vhushevu vhwavho.”

1 VaKolinti 3:3

Nkuyanga vhwevhulo, mwe pe poosye ishi mukulongolwa nu vhuntu uvhwa vhutalamalandu. Pahati yiinyu muli nu mwone ni ivho. Vhuli, izyo zitakulolesya kuuti muli she mukulongolwa nu vhuntu uvhwa vhutalamalandu nu kulandila inza avhantu avha mu nsi umu?

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

Filipi 3:19

Vhalisilila kulovha. Avhalugu ivho, impapilo zyavho we wu mulungu waavho. Vhakuyitumvwa ku nongwa zye zingavhasuupizya, havhili vhakusiivha izya mu nsi umu.

2 VaTesaloniki 2:9

UMusambusu uyo, aliyinza na maha gonti aga Seetano nu kuvhomba ivilolesyo ni zya kusukumizya izya ilenga.

1 Timoti 4:1

UMupepo uMufinjile akutuvhuuzya ishisita kuzyiha kuuti amanda iga aga kumpeleela, avhantu vhamo kwe vhagaleshe amazwi aga lwitiho. Vhalizitejelezyaga impepo imbiivhi zye zikuhopela, nu kuzilandata insambiilizyo zyavho.

Yakobu 1:17

Ivintu vwonti ivwinza ni vipeelwa vwonti ivwinza vikufuma ku mwanya kwa Taata uMulungu, uMupezi uwa vintu vwonti ivwa kumwanya vwe vili nu vhuzelu. Vwe vili nu vhuzelu ivwo vitakuhozya ahavhaliilizyo honti, ahavhaliilizyo hamo vikuzima. Ileelo uweene uMulungu atakwanduha, havhili atakugalunkana inza ishinzyunguuli vwe shikugalunkana.

Yakobu 1:5

Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

uYuuda 1:19

Avhantu ivho vhe vhakuvhalumanya imwe, havhili vhantu vha mu nsi ino vhweleele, vhe vhatali nu Mupepo uwa Mulungu.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 2:24

Ileelo muli imwe ku Tiyatiila ukwo, kuli vhamo vhe vhatakuzilandata insambiilizyo izya Yezebeeli. Havhili vhatakusambiilila insambiilizyo izyo zye avhanji vhakuti insambiilizyo inkondezu nkaani, ileelo zya Mukwalanzi. Avhantu ivho nkuvhavhuuzya kuuti, te nkavhatwishe umuligo umumwamu havhili,

Ishitushizya 9:11

Vháamile nu mwene, we wu havhizya uwa kwi ilivha ilya ku vhuzimu, izina lyakwe ku Shihebuuli wu Abadooni na ku Shiyunaani wu Apoliyooni, kwe kuuti We Akulovwa.