Yakobu 3:10 - ULufingwi uLupwa

¹⁰ Mwi ilomu mukufuma intiimo ni ntipo. Mwe vhamwitu, zitakwanzilwa kuuti zivhanje vhwevhulo!

Tesitamenti Umupwa 1965

¹⁰ Izya lutimo nizya ntipo zikufuma mwilomu lyoka lilyo. Zitahondeye, mwe vamwitu, ukuva vovulo.

Yakobu 3:10 ပူးပေါင်းရင်းမြစ်များ

VaLoma 12:14

Muvhalavhilaje uvhuloote kwa Mulungu avhantu vhe vhakuvhayimvwa, mutavhalavhilaje kuuti vhatipwaje.

1 VaKolinti 3:3

Nkuyanga vhwevhulo, mwe pe poosye ishi mukulongolwa nu vhuntu uvhwa vhutalamalandu. Pahati yiinyu muli nu mwone ni ivho. Vhuli, izyo zitakulolesya kuuti muli she mukulongolwa nu vhuntu uvhwa vhutalamalandu nu kulandila inza avhantu avha mu nsi umu?

1 Timoti 5:13

Pooka ni zyo, vhanganda kujendanga mu nyumba zya vhantu kuzya vhuhata. Te ziniizyo zyeka haa, nkandi nu kukwakwasya nu kuyanga zye zitahondeeye na zye te nyinza.

Yakobu 1:16

Mwe vhamwitu vhankundwa, mutahopelwaje.

Yakobu 1:19

Mwe vhamwitu vhankundwa, mutejelezyaje ahinza! Umuntu wonti atavhanje wa kuyanga naluvhiilo, nkandi avhanje wa kutejeelezya suuti! Havhili atavhanje we akuviitwa naluvhiilo.

Yakobu 3:1

Mwe vhamwitu, kuli imwe kutahaavhe avhasambiilizi avhinji avha izwi ilya Mulungu, mwe pe mumanyile kuuti isiku ilya kulongwa, uMulungu alitulonga iswe swe vhasambiilizi nkaani kuluusya avhanji.

Yakobu 3:11

Vhuli, ishiduda shooka shingaafumwa aminzi amanonu na minzi aga ivheeya pooka?

Yakobu 3:9

Ku lumili tukumutiima uTaata, uMWENE wiitu. Havhili ku lumili tukuvhatipa avhantu, vhe uMulungu ahavhapela ku shiholanyo shaakwe.

1 Peteli 3:9

Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.