Yakobu 2:9 - ULufingwi uLupwa

⁹ Ileelo inga mukusavhulanya avhantu, pe mukuvhomba uvhutalamalandu, ni ndajizyo zikuvhalonga kuuti imwe mwe vhapuvi.

Tesitamenti Umupwa 1965

⁹ Nkandʼinga mukusevʼumuntu muvwinza vwa kuminso pe mukutalʼamalandu, pʼuluhomelezyo lukuvamenʼimwe ukuti mulululisile.

Yakobu 2:9 ပူးပေါင်းရင်းမြစ်များ

Yohani 16:8

Lwe uMutuuli uyo ayinza, alivhalolesyaga avhantu avha mu nsi kuuti vhatalamalandu, nu kuuti ine ne mugolosu, havhili nu kuuti uMulungu aliyinza kuvhalonga.

Yohani 8:46

“Ishi pahati yiinyu wu naanu we angahomeshezya kuuti ine ne mutalamalandu? Inga nkuvhavhuuzya izya nalyoli, pe shooni she mutakuniitiha?

Yohani 8:9

Lwe vhiivwa izyo, vhahanda kwepa wooka wooka, kufuma avhasongo kufishila avhajaaha. Pisinda, uYeesu ahasyala weeka nu mwantanda ula we áyimiliiye pilongolela lyakwe.

iMbombo izya Vhatumwa 10:34

Pe uPeeteli ahavhavhuuzya ahati, “Ishi pe naamanya kuuti, nalyoli uMulungu atakusavhulanya!

VaLoma 3:20

Yeenya, ataliipo umuntu we alivhaazilwa kuuti mugolosu pilongolela ilya Mulungu kwi idala ilya kulandata indajizyo vwe zikuyanga. Imbombo iya ndajizyo kwe kulolesya kuuti avhantu vhonti vhatalamalandu.

1 VaKolinti 14:24

Ileelo inga avhiitisi vhonti vhakukuvhwa, ahavhaliilizyo hanaaho ayinza umuntu we atamanyile, poosye we te mwitisi, zyonti zye vhakukuvhwa zikumulolesya umuntu uyo kuuti mutalamalandu, na zye azyivwa zikumulonga mu mwoyo waakwe.

VaGalati 2:19

Yeenya, nkazilandataga indajizyo izya Moose, ileelo ahavhaliilizyo iha, uvhulanzi vhwane uvhwa mu ndajizyo vhusizile, inga uvhulanzi vhwane vhuvhe mwa Mulungu.

1 Yohani 3:4

Wonti we akuvhomba uvhutalamalandu, akuvhomba uvhusambusu kwa Mulungu, mwe pe kuvhomba uvhutalamalandu, kwe kuvhomba uvhusambusu.

uYuuda 1:15

kuvhalonga avhantu vhonti, nu kuvhasunda vhonti vhe vhatakumushindiha uMulungu. Akuvhasunda kuzya mbombo zyavho zyonti izya vhupuvi na mazwi amagomu gonti ge avhatalamalandu ivho vhamuyanzile uweene.”