Yakobu 2:5 - ULufingwi uLupwa

⁵ Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

Tesitamenti Umupwa 1965

⁵ Tejelezyaji mwe vamwitu vankundwa. AmwʼuMulungu atavaseṿilʼavapina va munsʼumu ukuti vavanje ve vadumbwe mulwitiho navapwanavupwano vwa vumwene vwʼafinzile kuli vuvo venga vamukunzite?

Yakobu 2:5 ပူးပေါင်းရင်းမြစ်များ

Matayi 11:5

Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Matayi 5:3

“Vhalosiitwe vhe vhapiina mu mooyo, mwe pe uvhumwene uvhwa Mulungu vhwavho.

Maliko 7:14

UYeesu ahalyita havhili ivhungaana ilya vhantu, ahalivhuuzya ahati, “Mwenti mutejeelezye nu kumanyinsanya zye nkuvhavhuuzya.

uLuuka 12:21

“Isho vwe yiliivha, kwa muntu wonti we akuvhungaaniha ivintu ivwinji, ishisita kuvhomba zye zikumuhondezya uMulungu.”

uLuuka 12:32

“Mutogopaje, imwe mwe muli impuga inyinsi, mwe pe uTaata wiitu uwa ku mwanya asungwilwe kuuvhapa uvhumwene vhwakwe.

uLuuka 16:22

“Pisinda, umupiina uLaazalo ahafwa. Avhahavhizya vhahamunyatula, vhahamuvhiiha papiipi nu Aabulahamu ku mwanya. Udumbwe ula, woope ahafwa, vhahamusyila.

uLuuka 16:25

“Ileelo uAabulahamu ahamwamula ahati, ‘Mwana waane, ukumbushe kuuti ahavhaliilizyo he wáamile we mupuuma, wáamile ni vintu ivwinza vwe uhavisuvhilaga, ileelo uLaazalo áamile mu mayimba. Ishi, uweene akusuvhalizilwa ipa, iwe ukuyimba.

uLuuka 22:29

Ishi, niine nkuuvhapa amaha aga kukonzya mu vhumwene vhwane, inza vwe uTaata waane ámpiiye amaha aga kukonzya.

uLuuka 6:20

UYeesu ahavheenya avhasundikwa vhaakwe, ahavhavhuuzya ahati, “Mulosiitwe imwe mwe vhapiina, mwe pe uvhumwene uvhwa Mulungu vhwinyu.

Yohani 7:48

Vhuli, aliipo umupiti wumo, poosye uMufalisaayi we amwitisile uYeesu?

iMbombo izya Vhatumwa 7:2

USiteefani ahaamula ahati, “Mwe vhamwitu na mwe vhataata vhaane, tejeelezyi! UMulungu uwa Vhushindamu ámulolesheeye utaata wiitu uAabulahamu, lwe áali mu nsi iya Vhamesopotaamiya, lwe ashiili kusaamila mu nkaaya iya Haalani.

VaLoma 8:17

Ishi, inga swe vhaana vha Mulungu, pe nalyoli swe vhapwana avha Mulungu, swe vhapwana pooka nu Chilisiti. Nalyoli inga tukwitiha kuyimba inza uChilisiti, pe tuliposheela uvhushindamu pooka nawo.

1 VaKolinti 2:9

Izyo zili inza vwe yisimviilwe mu Vhusimbe uVhufinjile kuuti, “Zye uMulungu avhasenganiziinye vhe vhakumukunda, ataliipo umuntu we azivhwenyi lumo, poosye kuzyivwa, havhili ataliipo umuntu we azivhiisile lumo mu mwoyo waakwe.”

2 VaKolinti 4:15

Ishi amayimba gonti iga gakutwaga ku zyinyu, inga uMulungu avhafwile uvhwila nkaani avhantu avhinji, inga vhamusalifwaje nkaani uMulungu. Kulandatana niizyo, uMulungu akujendeelela kushindikwa.

2 VaKolinti 6:10

Havhili tukuloleha ngati tuswimiliilwe, ileelo ahavhaliilizyo honti tuli nu luseshelo, tukuloleha twe vhapiina, ileelo tuvhapiiye avhinji uvhudumbwe, tukuloleha tuli nyoovhe zyeka, ileelo tuli ni vintu vwonti.

2 VaKolinti 8:9

Yeenya, mumanyile vwe uMwene wiitu uYeesu Chilisiti ávhafwiliiye uvhwila. Poosye she wu dumbwe uwa vintu vwonti, áyivhiisile kuvha mupiina ku zyinyu, inga mu vhupiina vhwakwe, imwe muvhe mwe vhadumbwe.

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

1 VaTesaloniki 2:12

kuuti mulandataje zye uMulungu akwanza. UMulungu we akuvhiita kuuti, mwinjile mu vhumwene na mu vhushindamu vhwakwe.

2 VaTesaloniki 1:5

Izyo zyonti zikulolesya kuuti, uvhulonzi uvhwa Mulungu vhugolosu. Ku vhulonzi uvhwo, imwe mulihondela kwinjila mu vhumwene vhwakwe vhwe imwe mukuyimbila.

1 Timoti 6:18

Havhili, uvhavhuzyaje kuuti vhavhombaje inyinza, inga vhavhe vhe vhadumbwe ku nyinza. Vhavhanje nu vhwila uvhwa kuvhaavwa avhanji ni vwuma vwavho ku mwoyo uwa luseshelo.

2 Timoti 4:18

Kwe ajendeelele kumpoha mu mbiivhi zyonti zye kwe mbombelwe, inga amfisye ku mwanya ku vhumwene vhwakwe ku vhutehamu. Ashindikwaje shiima shiima! Amina.

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

VaHebuli 11:26

UMoose ávhwenyi kuuti kuyimvilwa kuzya Chilisiti lilonka nkaani kuluusya uvhwinza nu vhudumbwe uvhwa mu nsi iya Miisili. Ávhomvile vhwevhulo, mwe pe ahasuvhilaga ishipeelwa she uMulungu aliimupa insiku izya kwilongolela.

Yakobu 1:12

Alosiitwe umuntu we akujimbiilila mu ndingo, mwe pe inga ayitishilwa, uMulungu aliimupa ishipambwi she vhulanzi uvhwa shiima vhwe áfinzile ku vhaala vhe vhakumukunda.

Yakobu 1:16

Mwe vhamwitu vhankundwa, mutahopelwaje.

Yakobu 1:19

Mwe vhamwitu vhankundwa, mutejelezyaje ahinza! Umuntu wonti atavhanje wa kuyanga naluvhiilo, nkandi avhanje wa kutejeelezya suuti! Havhili atavhanje we akuviitwa naluvhiilo.

Yakobu 1:9

Uwamwitu wonti we mupiina akwanzilwa kuuti aseshelaje, mwe pe uMulungu amuzuvwa.

1 Peteli 1:4

inga tuposheele uvhupwano vhwe uMulungu avhasenguliiye avhantu vhaakwe ku mwanya. Uvhupwano uvhwo vhutakunanjiha, poosye kuvhola, poosye kufwoha.

2 Peteli 1:11

Kuli izyo, uMulungu alivhaposheela ahinza, inga mwinjile mu vhumwene uvhwa shiima uvhwa Mwene wiitu, uMuposhi uYeesu Chilisiti.

Ishitushizya 2:9

Ngamanyile amayimba gaaho nu vhupiina vhwaho, ileelo nalyoli we dumbwe. Mbumanyile nu musaamu waavho vhe vhakuyitaha kuuti Vhayuuda, fwandi haa, ileelo vha mwi isinagoogi ilya Seetano.

Ishitushizya 21:7

Ula we alipoota indingo, aliposheela isho, niine ndiivha ne Mulungu waakwe, woope aliivha mwana waane.

Ishitushizya 3:18

Nkukusoha kuuti, ukale ku kwane isahaabu ye vhazelufwizye mu mwoto, inga uvhe we dumbwe. Havhili hinza ukale ivizwalo ivizelu, uzwalaje nu kuzyiha ishitali shaaho, inga utahaalole insoni. Ukale umulembo uwa kudwina mu minso gaaho, inga ulolaje ahinza.