Yakobu 2:25 - ULufingwi uLupwa

²⁵ Vhwevhulo, woope uLaahabu ula umuvhembu, ávhaziliilwe kuuti mugolosu ku mbombo inyinza ye ávhomvile, mwe pe ávhaposheleeye avhahapenza vhaala nu kuvhavhuuzya kuuti vhatuushe idala ilinji, inga vhatahaalemwe.

Tesitamenti Umupwa 1965

²⁵ Wope nuLahabu vovulo, amwʼatatasilwʼuvugolosu mwe mumbombo? Shʼavaposheleyʼavaṿulizi nukuvalangʼidala ilinji ilya kusogola.

Yakobu 2:25 ပူးပေါင်းရင်းမြစ်များ

Matayi 1:5

uSalimooni ahamupaapa uBoohasi kwa Laahabu, uBoohasi ahamupaapa uOobedi kwa Luti, uOobedi ahamupaapa uYeese,

Matayi 21:31

Vhuli, muli ivho vhavhili, wu naanu we ávhomvile inza vwe uyise ahanzaga?” Vhahamwamula vhahati, “We wula umutanzi.” Pe uYeesu ahavhavhuuzya ahati, “Nalyoli nkuvhavhuuzya kuuti, avhasonchezya musonko na vhamalaaya vhalivhalongolela kwinjila mu vhumwene uvhwa Mulungu.

iMbombo izya Vhatumwa 17:7

UYaasoni we avhaposheleeye ku kwakwe. Vhonti vhakusuufwa indajizyo zye uKayisaali azivhiisile, vhakuti, aliipo umwene uwunji we vhakuti uYeesu.”

VaHebuli 11:31

Mwe pe uLaahabu we áamile wu malaaya ámwitisile uMulungu, áponile kumugoga inza avhanji vhe vháhaanile kumwitiha uMulungu. Uweene áponile kumugoga, mwe pe ávhaposheleeye ahinza avhahapenza aVhaisilayeeli.

Yakobu 2:18

Ileelo umuntu wumo angati, “Avhantu vhamo vhali nu lwitiho, avhamwavho vhali ni mbombo inyinza.” Uyo ingamwamula kuuti, “Undolesye vwe ungavha nu lwitiho ishisita kuvha ni mbombo inyinza. Ine ku mbombo inyinza, nkukulolesya vwe ulwitiho lwane luli.”

Yakobu 2:22

Waalola vwe ulwitiho lwakwe lwálandatiine pooka ni mbombo yaakwe, kufishila pe luhalunjiha kwi idala ilya mbombo yaakwe?

Yakobu 2:24

Kuli izyo, mwalola kuuti te kwe ku lwitiho lweka vhweleele kuuti umuntu akuvhaazilwa kuuti mugolosu, nkandi umuntu akuvhaazilwa kuuti mugolosu inga ali nu lwitiho pooka ni mbombo inyinza.