Yakobu 2:21 - ULufingwi uLupwa

²¹ Utaata wiitu uAabulahamu ámufumwizye umwana waakwe uYisaaka kuuti avhe mpuutile iya kufwa pa shifinjilo. Ku mbombo iyo, uMulungu ahamuvhaazya kuuti mugolosu.

Tesitamenti Umupwa 1965

²¹ Amwʼuwenʼutata witu uAbulahamu atatasilwʼuvugolosu mwe mumbombo yakwe iya kutwalʼumwana wakwʼuYisikaka pashifinjilo?

Yakobu 2:21 ပူးပေါင်းရင်းမြစ်များ

Matayi 12:37

Yeenya, ku mazwi gaaho ulivhaazilwa kuuti we mugolosu, havhili ku mazwi gaaho ulilongwa kuuti we munanzi.”

Matayi 3:9

Muleshe kusiivha kuuti, ‘Tuponile, mwe pe utaata wiitu wu Aabulahamu.’ Nalyoli nkuvhavhuuzya kuuti, uMulungu ahondeeye kugalulanya amavhwe iga kuvha vhaana vha Aabulahamu!

uLuuka 1:73

Áfinzile nu taata wiitu uAabulahamu,

uLuuka 16:24

Ahamwita ahati, ‘We taata Aabulahamu, umfwile uvhwila! Nkuyimba nkaani mu mwoto uno! Nkukulaavha umusonteelezye uLaazalo, atumpishe ahafingwi mu minzi, ayinze anzwilizye pa lumili lwane, inga luhatale.’

uLuuka 16:30

“Udumbwe uyo havhili ahati, ‘Ndaali, taata Aabulahamu! Ileelo inga umuntu aafuma ku vhafwe, asogola ku kwavho, pe kwe vhatonte imbiivhi zyavho.’

Yohani 8:39

Avheene vhahamwamula uYeesu vhahati, “Iswe utaata wiitu wu Aabulahamu.” UYeesu ahavhaamula ahati, “Inga nalyoli mwe vhaana vha Aabulahamu, nkandi mukuvhomba zye uAabulahamu ahavhombaga.

Yohani 8:53

Vhuli, iwe ukuyivhiiha kuuti we mupiti kuluusya utaata wiitu uAabulahamu? Uweene ahafwa. Avhakuvhwi vhoope vhahafwa. Vhuli, iwe ukuyivhiiha kuuti we naanu?”

iMbombo izya Vhatumwa 7:2

USiteefani ahaamula ahati, “Mwe vhamwitu na mwe vhataata vhaane, tejeelezyi! UMulungu uwa Vhushindamu ámulolesheeye utaata wiitu uAabulahamu, lwe áali mu nsi iya Vhamesopotaamiya, lwe ashiili kusaamila mu nkaaya iya Haalani.

VaLoma 3:20

Yeenya, ataliipo umuntu we alivhaazilwa kuuti mugolosu pilongolela ilya Mulungu kwi idala ilya kulandata indajizyo vwe zikuyanga. Imbombo iya ndajizyo kwe kulolesya kuuti avhantu vhonti vhatalamalandu.

VaLoma 4:1

Pe ishi, kulandatana ni nongwa izya kuvhaazilwa uvhugolosu, iswe swe Vhayuuda tuyanje ishooni izya Aabulahamu, utaata wiitu kuzya muvhili?

VaLoma 4:12

Avhantu vhe vhatahiliilwe vhoope, uAabulahamu wu taata waavho mu lwitiho. Yeenya, atakuvha wu taata waavho, mwe pe vhatahiliilwe, nkandi, mwe pe vhakumwitiha uMulungu inza vwe uweene uAabulahamu áali lwe ashiili kutahiililwa.

VaLoma 4:16

Ili lye likuvhiiha kuuti ulufingwi ulwa Mulungu lusuuvhile kumwitiha uweene nu vhwila vhwakwe. Kwi idala ilyo, ziila zye uMulungu áfinzile ku vhantu vhonti avha mu luho ulwa Aabulahamu, zivhe zya nalyoli. Kwe kuuti, yitakuvha ku Vhayuuda vhe vhakuzilandata indajizyo vheeka, nkandi poosye na ku vhaala vhe vhakumwitiha uMulungu inza uAabulahamu. Iswe swenti utaata wiitu mu lwitiho wu Aabulahamu.

VaHebuli 11:17

Mwe pe uAabulahamu ámwitisile uMulungu, ámufumwizye umwana waakwe uYisaaka kuvha mpuutile lwe uMulungu amulinga. UAabulahamu we áposheleeye ulufingwi kufuma kwa Mulungu, ileelo áyitisile kumufumwa umwana waakwe imozi

Yakobu 2:18

Ileelo umuntu wumo angati, “Avhantu vhamo vhali nu lwitiho, avhamwavho vhali ni mbombo inyinza.” Uyo ingamwamula kuuti, “Undolesye vwe ungavha nu lwitiho ishisita kuvha ni mbombo inyinza. Ine ku mbombo inyinza, nkukulolesya vwe ulwitiho lwane luli.”

Yakobu 2:24

Kuli izyo, mwalola kuuti te kwe ku lwitiho lweka vhweleele kuuti umuntu akuvhaazilwa kuuti mugolosu, nkandi umuntu akuvhaazilwa kuuti mugolosu inga ali nu lwitiho pooka ni mbombo inyinza.