Yakobu 2:18 - ULufingwi uLupwa

¹⁸ Ileelo umuntu wumo angati, “Avhantu vhamo vhali nu lwitiho, avhamwavho vhali ni mbombo inyinza.” Uyo ingamwamula kuuti, “Undolesye vwe ungavha nu lwitiho ishisita kuvha ni mbombo inyinza. Ine ku mbombo inyinza, nkukulolesya vwe ulwitiho lwane luli.”

Tesitamenti Umupwa 1965

¹⁸ Manyi wumo angati: Iwe uli nulwitiho, ine nyene ndi nimbombo. Undanjʼulwitiho lwaho shisitambombo, nine kwe nkulanje ulwitiho lwane lwe lukuloleha mumbombo zyane.

Yakobu 2:18 ပူးပေါင်းရင်းမြစ်များ

VaLoma 14:23

Ileelo we ali na maganigani ni shaakulya shimo, havhili akulya shenesho, akuvhomba uvhutalamalandu, mwe pe atakuvhomba kulandatana nu lwitiho lwakwe kwa Chilisiti. Nkuyanga vhwevhulo, mwe pe ishintu shonti she ukuvhomba inga shitakufuma mu lwitiho lwaho kwa Chilisiti, vhutalamalandu.

VaLoma 3:28

Ishi, tukulola kuuti uMulungu akumuvhaazya umuntu kuuti mugolosu kwi idala ilya kumwitiha uYeesu, te kwi idala ilya kulandata indajizyo izya Moose.

VaLoma 4:6

Umwene uDaavhudi áyanzile inongwa izya vhuloote uvhwa muntu we uMulungu akumuvhaazya kuuti mugolosu ishisita kwenya imbombo zyakwe, átili,

VaLoma 8:1

Pe ishi, kwandila ahavhaliilizyo iha uMulungu te aavhape isunde vhaala vhe vhasopenkiine nu Chilisiti uYeesu.

VaLoma 9:19

Wumo angambuziilizya angati, “Inga zili vhwevhulo, pe shooni she uMulungu akutulonga? Wu naanu we angaludinda ulukasamo ulwa Mulungu?”

1 VaKolinti 13:2

Havhili poosye inga indi ni shikunjilwa isha vhukuvhwi nu kumanyinsanya zyonti zye zili kukwilu nu vhumanyi vhwonti, poosye inga indi nu lwitiho ulupiti ulwa kusaamwa amagamba, ileelo inga ntali ni shikunzi, ntakuvha ni ilonka naalimo.

2 VaKolinti 5:17

Kuli izyo, umuntu wonti we akumwitiha uChilisiti, akuvha shipelwa ishipwa, izya hali zikutuuha, uvhuntu vhwakwe vhukuvha vhupwa!

2 VaKolinti 7:1

Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

1 Timoti 1:5

Naafumwa indajizyo izyo, inga avhantu vhavhe ni shikunzi. Ishikunzi isho shili mu vhantu vhe amooyo gaavho mazelu, havhili minza, na vhe vhali nu lwitiho lwe lutali ni shifumbo.

uTiiti 2:7

Niiwe weneewe uvhombaje ahinza mu zyonti, ufishile kuvha we shiholanyo ishinza kuli ivho. Ahavhaliilizyo he ukuvhasambiilizya avhantu, uvhasambilizyaje mu vhwanalyoli, ishisita isuufwo.

VaHebuli 11:31

Mwe pe uLaahabu we áamile wu malaaya ámwitisile uMulungu, áponile kumugoga inza avhanji vhe vháhaanile kumwitiha uMulungu. Uweene áponile kumugoga, mwe pe ávhaposheleeye ahinza avhahapenza aVhaisilayeeli.

VaHebuli 11:33

Mwe pe avhantu ivho vhámwitisile uMulungu, vhahapootaga uvhulugu vhwe vhahalwanga na vhamwene avha mu nsi izinji. Vhahakonzyaga ku vhugolosu nu kuposheela ziila zye uMulungu áfinzile kuuvhapa. Havhili vhamo vháamile na maha aga kudindila amalomu aga nsama, inga zitahavhavwalazye.

VaHebuli 11:6

Ataliipo umuntu we angamuhondezya uMulungu ishisita ulwitiho. Umuntu wonti we akwanza kumupuuta uMulungu, akwanzilwa kwitiha kuuti uMulungu aliipo nu kuuti aliivhapa ivipeelwa vhaala vhe vhakulondola kumumanya.

Yakobu 2:14

Mwe vhamwitu, umuntu angalyaga lilonka vhuli, inga akuti ali nu lwitiho, ileelo atakuvhomba imbombo inyinza? Nalyoli ulwitiho lwakwe lutangamupoha!

Yakobu 3:13

Ishi kuli limwe, inga kuli umuntu we ali nu vhushindamu uvhwa njeele, avhulolesye vhwenevhwo ku lujendo lwakwe ulwinza. Havhili avhombaje imbombo ku vhutonsu vhwe vhukufumiilana nu vhushindamu uvhwa njeele.