Yakobu 2:14 - ULufingwi uLupwa

¹⁴ Mwe vhamwitu, umuntu angalyaga lilonka vhuli, inga akuti ali nu lwitiho, ileelo atakuvhomba imbombo inyinza? Nalyoli ulwitiho lwakwe lutangamupoha!

Tesitamenti Umupwa 1965

¹⁴ Mwe vamwitu, amwe pe zikuvosya shonu ingʼumuntu akuti ali nulwitiho, nkandi lutakuloleha mumbombo zyakwe? Amwe ulwitiho lunulu lungamupoha?

Yakobu 2:14 ပူးပေါင်းရင်းမြစ်များ

Matayi 5:20

Nalyoli nkuvhavhuuzya kuuti, inga uvhugolosu vhwinyu vhutakushila uvhwa vhasambiilizi avha ndajizyo izya Moose nu vhwa Vhafalisaayi, te muhinjile naalumo mu vhumwene uvhwa Mulungu.”

uLuuka 3:11

UYoohani ahavhaamula ahati, “We ali na menda gavhili aamupe umwenda wooka we atali nawo, woope we ali ni shaakulya aamupe we atali nasho.”

uLuuka 6:49

Ileelo umuntu we akutejeelezya amazwi gaane, ishisita kugalema, ali inza umuntu we ázenzile inyumba yaakwe pa lusenga ishisita ulwalo. Aminzi aga ijenje lwe gakwinza ku maha, gahayibunshila inyumba iyo, yoope yihagwa pansi nu kubongonkana yonti.”

iMbombo izya Vhatumwa 15:9

UMulungu atásavhuliinye inga hansi, ku kwitu na ku kwavho, ahazelufwa amooyo gaavho kwi idala ilya kumwitiha uYeesu.

iMbombo izya Vhatumwa 8:13

USiimoni woope ahamwitiha uYeesu, ahoozelwa, ahanda kumulandata uFiilipo kwonti. Ahasukumilaga lwe akulola ivilolesyo na mafindango amapiti ge uFiilipo ahavhombaga.

iMbombo izya Vhatumwa 8:21

Iwe utali pooka niiswe mu mbombo ino, mwe pe umwoyo waaho muvhiivhi pilongolela ilya Mulungu.

VaLoma 2:25

Ishi izya kutahiililwa, kutahiililwa kuli ni ilonka kuli iwe inga ukulandata vwe indajizyo zikuyanga. Inga washilanya indajizyo, kutahiililwa kwaho kutakuvha ni ilonka naalimo, havhili ukuvha inza umuntu we atatahiliilwe.

1 VaKolinti 15:2

Inga mukulilema izwi lye nálumbiliiye kuli imwe, mukuvhwaga uvhuposhi. Ileelo inga mutakulilema, ulwitiho lwinyu lutaliivha ni ilonka naalimo.

1 VaKolinti 16:22

Umuntu wonti we atakumukunda uMwene uYeesu, atipwaje. Malanaasa, kwe kuuti we Mwene uyinze!

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

1 Timoti 1:5

Naafumwa indajizyo izyo, inga avhantu vhavhe ni shikunzi. Ishikunzi isho shili mu vhantu vhe amooyo gaavho mazelu, havhili minza, na vhe vhali nu lwitiho lwe lutali ni shifumbo.

1 Timoti 4:8

“Inga umuntu akuyiluvhizya umuvhili waakwe nkaani kuuti wuvhe na maha, akuvha ni ilonka linsi vhweleele. Ileelo inga akuvha nu lujendo ulwinza pilongolela ilya Mulungu, akulyaga ilonka mu zyonti, mu vhulanzi uvhwa pa nsi ipa nu vhwa havhaliilizyo he hakwinza.”

uTiiti 1:16

Vhakupemula kuuti vhamumanyile uMulungu, ileelo vhakumuhaana mu lujendo lwavho. Vhakumuviisya, havhili vhasambusu, vhatahondeeye poosye na ku mbombo inyinza zyonti.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

VaHebuli 11:17

Mwe pe uAabulahamu ámwitisile uMulungu, ámufumwizye umwana waakwe uYisaaka kuvha mpuutile lwe uMulungu amulinga. UAabulahamu we áposheleeye ulufingwi kufuma kwa Mulungu, ileelo áyitisile kumufumwa umwana waakwe imozi

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

Yakobu 1:16

Mwe vhamwitu vhankundwa, mutahopelwaje.

Yakobu 2:16

Havhili wumo muli imwe akumuvhuuzya akuti, “Sogolaaga ku vhutehamu, uyootaje umwoto nu kwikuta.” Nalyoli inga atakuumupa vwe asovheliilwe ivwo, zitahondeeye inga hansi!

Yakobu 2:18

Ileelo umuntu wumo angati, “Avhantu vhamo vhali nu lwitiho, avhamwavho vhali ni mbombo inyinza.” Uyo ingamwamula kuuti, “Undolesye vwe ungavha nu lwitiho ishisita kuvha ni mbombo inyinza. Ine ku mbombo inyinza, nkukulolesya vwe ulwitiho lwane luli.”

Yakobu 2:26

Kwe kuuti inza vwe umuvhili ishisita umwuyu wukuvha wufuuye, lwope ulwitiho ishisita imbombo inyinza lukuvha lufuuye.

2 Peteli 1:5

Kuli izyo, mukanyilaje nkaani mu lwitiho lwinyu kuvhomba inyinza. Mutavhombaje vhwe vhwinza vhweka vhweleele, mulondolaje nkaani nu vhumanyi uvhwa lukasamo ulwa Mulungu.