Yakobu 2:12 - ULufingwi uLupwa

¹² Kuli izyo, muyangaje nu kuvhomba uku mukumbuhaje kuuti uMulungu alivhalonga imwe ku ndajizyo zye zili na maha aga kuvhasatula avhantu.

Tesitamenti Umupwa 1965

¹² Muyangaje havili muvombaje fwe ngati vantu ve vakujendʼukulongwa munkomelezyo zya vutavushe.

Yakobu 2:12 ပူးပေါင်းရင်းမြစ်များ

uLuuka 4:18

“UMupepo uwa MWENE uMulungu ali pooka niine, mwe pe uMulungu ansavhuuye kuvhalumbiilila avhapiina Izwi iLyinza. Ansonteleziizye kuvhakumusizya vhe vhakunziilwe, inongwa izya kusatulwa kwavho, na vhantonko kuuti vhatalishe kulola havhili. Ansonteleziizye kuvhapoha vhe vhakuyimvilwa,

Yohani 8:32

Havhili kwe muvhumanye uvhwanalyoli. Kwi idala ilya vhwanalyoli uvhwo, uMulungu kwe avhavhiishe kuvha mwe vhasatushe.”

VaGalati 6:2

Mwavwanaje mu ntamwo zyinyu. Kuvhomba vhwevhulo, kwe kulunjisya ululajizyo ulwa Chilisiti.

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

Yakobu 1:25

Ileelo umuntu we akwenyeelezya nu kuzisivhiilila ahinza indajizyo indunjisu zye zili na maha aga kuvhasatula avhantu, akusugaana nuuyo. Inga akujendeelela kuvhomba vhwevhulo, ishisita kuluvwa ziila zye ayivuuye, alilootwa ku zyonti zye akuvhomba.

Yakobu 2:8

Mu Vhusimbe uVhufinjile, indajizyo izya MWENE wiitu uMulungu zikuyanga zikuti, “Umukundaje umupalamani waaho inza vwe ukuyikunda weneewe.” Inga mukuvhomba vhwevhulo, pe lwe mukuvhomba ahinza.