Yakobu 1:5 - ULufingwi uLupwa

⁵ Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.

Tesitamenti Umupwa 1965

⁵ Uno wengʼasovelilwʼinjele, wʼalavaje kwa Mulungu wʼakuvapa vonti iṿwinji shisitakuvasusya, pʼalimupa.

Yakobu 1:5 ပူးပေါင်းရင်းမြစ်များ

Matayi 11:20

Pe uYeesu ahanda kuvhapilila avhantu avha mu nkaaya zye ávhomvile amafindango aminji, mwe pe avhantu ivho vhatápindusile.

Maliko 16:14

Isiku ilyamwavho uYeesu ahavhaloleshela vhaala 11, lwe vhakulya ishaakulya. Ahavhapilila, mwe pe amooyo gaavho gáamile magomu, havhili, mwe pe vháhaanile kuvhiitiha vhe vhámuvhwenyi lwe azyuha.

Yohani 14:13

Inga mukulaavha ishintu shonti kwi izina lyane, niine kwe mbombaje inza vwe mukulaavha. Kwi idala ilyo, nkulolesya uvhushindamu uvhwa Taata vwe vhuli.

Yohani 15:7

Inga mwavha muhati yaane na mazwi gaane gavha muhati zyinyu, pe mulaavhaje kwa Taata shonti she mukwanza, woope aliivhapa.

Yohani 4:10

UYeesu ahamwamula ahati, “Inga waamanyile she uMulungu akwanza kuukupa, havhili kuuti wu naanu we akukulaavha aminzi aga kumwela, waamile undaavhaje, niine naamile inkupanje aminzi ge gakuuvhapa avhantu uvhulanzi.”

2 VaKolinti 2:16

Ku vhe vhakupokwa umununsi uwo mwinza, wukuuvhapa uvhulanzi. Ileelo ku vhe vhakuteega umununsi uwo muvhiivhi, wukuvhapelela uvhufwe. Ishi wu naanu we ahondeeye kuvhomba imbombo iyo?

Yakobu 1:17

Ivintu vwonti ivwinza ni vipeelwa vwonti ivwinza vikufuma ku mwanya kwa Taata uMulungu, uMupezi uwa vintu vwonti ivwa kumwanya vwe vili nu vhuzelu. Vwe vili nu vhuzelu ivwo vitakuhozya ahavhaliilizyo honti, ahavhaliilizyo hamo vikuzima. Ileelo uweene uMulungu atakwanduha, havhili atakugalunkana inza ishinzyunguuli vwe shikugalunkana.

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

Yakobu 5:16

Kuli izyo, mupemulilanaje uvhutalamalandu vhwinyu nu kulavhilana, inga uMwene avhaponiaje. Kulaavha ukwa muntu umugolosu kuli na maha, havhili kukuvhomba imbombo.

1 Yohani 3:22

Havhili tukuposheela kufuma ku kwakwe shonti she tukumulaavha, mwe pe tukuzishindiha indajizyo zyakwe nu kuvhomba zye zikumuhondezya.