Yakobu 1:25 - ULufingwi uLupwa

²⁵ Ileelo umuntu we akwenyeelezya nu kuzisivhiilila ahinza indajizyo indunjisu zye zili na maha aga kuvhasatula avhantu, akusugaana nuuyo. Inga akujendeelela kuvhomba vhwevhulo, ishisita kuluvwa ziila zye ayivuuye, alilootwa ku zyonti zye akuvhomba.

Tesitamenti Umupwa 1965

²⁵ Nkandʼuno wengʼakwenyelezya nkani uluhomelezyo ululunjisu ulupelavutavushe, wʼakulinda mumwo, wʼatakuyipelʼukuva wa kwiṿwa wʼakuluṿwa ndali, wʼakuyipelʼukuva muvombambombo, wʼimbombo yakwe yikumupʼuvusangalusu.

Yakobu 1:25 ပူးပေါင်းရင်းမြစ်များ

uLuuka 11:28

Ileelo uweene uYeesu ahati, “Vhalosiitwe nkaani vhe vhakwivwa nu kulishindiha izwi ilya Mulungu!”

Yohani 13:17

Inga mwazimanya izyo, pe uMulungu alivhaloota inga mukulandata ishiholanyo isho.”

Yohani 8:36

Ishi inga ine ne Mwana wa Mulungu navhavhiiha kuvha mwe vhasatushe ku vhutalamalandu vhwinyu, te muvhe mwe vhazya havhili, nkandi nalyoli kwe muvhe mwe vhasatushe.

iMbombo izya Vhatumwa 13:43

Lwe avhantu vhasogola kuhaaya, aVhayuuda avhinji, pooka na vhantu vhe te Vhayuuda ileelo vhínjiiye mu shipuuto isha Vhuyuuda, vhahavhalandata avha Paavhuli nu Balinaaba. Avhatumwa vhavhili ivho vhahayangaga navho kuvhagomwa amooyo, kuuti vhajendelelaje kusuuvhila uvhwila uvhwa Mulungu.

iMbombo izya Vhatumwa 2:42

Avhatumwa avha Yeesu vhahasambilizyaga izwi ilya Mulungu ku vhaala vhe vhámwitisile. Vhonti vháamile nu vhuliilani, vhahamensulanaga ikaati nu kulya pooka, nu kumulaavha uMulungu pooka.

iMbombo izya Vhatumwa 26:22

Ileelo, mwe pe uMulungu anavwizye kufishila isiku ilya ileelo ili, nimiliiye pilongolela ilya vhapiti na vhansi, kufumwa uvhwahoome. Gataliipo amazwi aganji ge nkuyanga, nkandi gegaala ge avhakuvhwi nu Moose vháyanzile, kuuti galifumila.

VaLoma 11:22

Yeenya, uMulungu vwe ali uvhutonsu havhili vwe ali uvhuhali. Uweene muhali ku vhaala vhe vhatakumushindiha, ileelo kuli iwe, mutonsu inga ukujendeelela kumushindiha. Ileelo poosye niiwe inga waaleha kuvhomba vhwevhulo, uliidibwa.

VaLoma 2:13

Vhalilongwa, mwe pe uMulungu atakumuvhaazya umuntu kuuti mugolosu kufumiilana nu kwivwa indajizyo izya Moose vhweleele, akumuvhaazya umuntu kuuti mugolosu, mwe pe akuvhomba zye indajizyo zikuyanga.

VaLoma 7:12

Kuli izyo, nalyoli indajizyo izya Mulungu mfinjile, ngolosu havhili nyinza.

VaLoma 8:15

Yeenya, uMupepo uwa Mulungu atakutupela kuvha twe vhazya vhe vhakumwogopa uMulungu, nkandi tukuvha twe vhaana vhaakwe nu kumwita uweene kuuti, “Taata wiitu.”

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

2 VaKolinti 13:5

Ishi muyilingaje mweneemwe, inga mumanye kuuti muli nu lwitiho. Vhuli, mutamanyile kuuti uYeesu Chilisiti ali muhati zyinyu? Inga mutamanyile, ipo lwe muposiitwe.

VaGalati 2:4

poosye inga vháliipo avhiitisi avhanji avha ilenga vhe vhahanzaga kuuti atahiililwe. Avhantu ivho vháyinjiziizye ku vhushevu kuvhupenza uvhusatushe vhwitu vhwe tupeliilwe nu Chilisiti uYeesu, inga vhatuvhiishe mu vhuzya uvhwa kulandata indajizyo izya Vhayuuda.

VaGalati 5:1

UChilisiti atusatuuye, inga tuvhe twe vhasatushe. Ishi musimpe ku maha, mutahiitishe kuvha mwe vhazya avha ndajizyo havhili.

VaGalati 6:2

Mwavwanaje mu ntamwo zyinyu. Kuvhomba vhwevhulo, kwe kulunjisya ululajizyo ulwa Chilisiti.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

1 Timoti 2:15

Ileelo avhantanda vhalivhwaga uvhuposhi kwi idala lya kupaapa kwavho, inga vhakujendeelela kuvha nu lwitiho ni shikunzi, nu lujendo nu mwoyo umuzelu nu kuyikonzya.

1 Timoti 4:16

Uyenyaaje vwe ukulandila na mazwi ge ukusambiilizya. Inga ukuvhomba izyo, pe kwe uyiposhe nu kuvhapoha vhe vhakukutejeelezya.

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

Yakobu 2:12

Kuli izyo, muyangaje nu kuvhomba uku mukumbuhaje kuuti uMulungu alivhalonga imwe ku ndajizyo zye zili na maha aga kuvhasatula avhantu.

1 Peteli 2:16

Imwe mwe vhasatushe, ileelo mutavhuvhombelaje uvhusatushe uvhwo kuvhomba imbiivhi, nkandi mulandilaje inza vwe avhavhomvi avha Mulungu vhakwanzilwa kulandila.

1 Yohani 2:24

Ishi, amazwi gaala ge mwágivuuye kufuma ku vhwandilo uvhwa lwitiho lwinyu, mujendeelele kugalema mu mooyo giinyu. Inga mukujendeelela kuvhomba isho, pe niimwe kwe mujendeelele kuvha nu vhuliilani nu Mwana nu Taata uMulungu.

Ishitushizya 14:13

Pe nkiivwa izwi kufuma ku mwanya, lihati, “Simba! Vhalosiitwe avhantu vhaala vhe kwandila isaala izi vhakufwa she vhamwitisile uMwene uYeesu.” Woope uMupepo uMufinjile akuti, “Mwe muumwo! Vhalituuzya amayimba gaavho, mwe pe imbombo zyavho inyinza zilimanyiha.”

Ishitushizya 22:14

Vhalosiitwe ivho vhe vhakuhanda amenda gaavho, inga vhitishilwe kwinjila mu nkaaya kutuushila mu malyango gaakwe, nu kulya amantonongwa aga makwi ge gakufumwa uvhulanzi.