Yakobu 1:22 - ULufingwi uLupwa

²² Mukuyihopela kuuti mukulilandata izwi ilya Mulungu, ileelo mukulitejeelezya vhweleele. Muvhombaje inza vwe likuyanga,

Tesitamenti Umupwa 1965

²² Simuyipelajʼukuva mwe vavombelʼizwi, mutavanje mwe vakwiṿwa vwelele ndali, lwe mukuyihopa mweka.

Yakobu 1:22 ပူးပေါင်းရင်းမြစ်များ

Matayi 12:50

Umuntu wonti we akuvhomba zye uTaata waane uwa ku mwanya akwanza, uyo we munine waane, havhili we wu maayi waane.”

Matayi 28:20

nu kuvhasambiilizya kulandata zyonti zye mbalajiziizye imwe. Niine kwe mbe pooka niimwe amanda gonti, kufishila ku vhusililishilo uvhwa nsi.”

uLuuka 11:28

Ileelo uweene uYeesu ahati, “Vhalosiitwe nkaani vhe vhakwivwa nu kulishindiha izwi ilya Mulungu!”

Yohani 13:17

Inga mwazimanya izyo, pe uMulungu alivhaloota inga mukulandata ishiholanyo isho.”

VaLoma 2:13

Vhalilongwa, mwe pe uMulungu atakumuvhaazya umuntu kuuti mugolosu kufumiilana nu kwivwa indajizyo izya Moose vhweleele, akumuvhaazya umuntu kuuti mugolosu, mwe pe akuvhomba zye indajizyo zikuyanga.

1 VaKolinti 15:33

Mutahopelwaje na vhantu vhe vhakuyanga kuuti avhafwe te vhahazyushe, mwe pe, “Avhamanyani avhavhiivhi, vhakunanganya ulujendo ulwinza.”

1 VaKolinti 3:18

Umuntu wonti muli imwe atahayihopenkanye kuuti ali nu vhushindamu uvhwa njeele. Umuntu inga akuyilola kuuti ali nu vhushindamu uvhwa njeele mu nsi umu, ayivhiishe mwalangani, inga avhwaje uvhushindamu uvhwa njeele uvhwa nalyoli.

1 VaKolinti 6:9

Mutamanyile kuuti avhavhiivhi te vhahinjile mu vhumwene uvhwa Mulungu? Mutahayihopenkanye! Avhalugusu na vhantu vhe vhakupuuta iviholanyo na vhavhembu, poosye vhe vhakuvhembuha avhanaavuli vhuuvho vheeka,

VaGalati 6:3

Ishi inga umuntu akuyilola kuuti mumwamu kuluusya avhanji, ileelo atali inza vhwevhulo, uyo akuyihopenkanya wuuyo weeka.

VaGalati 6:7

Mutayihopenkanyaaje, ataliipo umuntu we angamuhopenkanya uMulungu. She umuntu akuvhwala, she aliivuna.

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

2 Timoti 3:13

Ileelo avhantu ivho avhavhiivhi, havhili vhe vhakuhopela, kwe vhajendeelele kuvha vhavhiivhi nkaani. Kwe vhahopenkanyaaje, ileelo vhoope kwe vhahopenkanywaje.

uTiiti 3:3

Ahavhaliilizyo he hátuusile niiswe vhweleele twámile swe vhapukupuuku, havhili tutáamile nu mushinzi. Inza vwe twáhopeliilwe, tuhalemwaga ni mpapilo izya mavhiila mu mavhiila. Tuhavitilanaga nu kulolelana umwone, havhili tuhapatwaga nu kuvhapata avhanji.

Yakobu 1:26

Inga umuntu akuyilola kuuti akuvhomba zye zikumuhondezya uMulungu, ileelo atakuyenyeelezya vwe akuyanga, akuyihopela wuuyo weeka. Imbombo zye akusiivha kuuti zikumuhondezya uMulungu zya vhweleele.

Yakobu 4:11

Mwe vhamwitu, mutayanjilanaje imbiivhi. Umuntu we akumuyanga havhiivhi uwamwavho, poosye kumulonga, akuziyanjila havhiivhi indajizyo izya Mulungu nu kuzisuufwa. Lwe ukuzisuufwa indajizyo, utakuzishindiha, nkandi ukuzihaana.

Yakobu 4:17

Ishi, umuntu wonti we azimanyile inyinza ileelo atakuzivhomba, uyo akuvha avhomba uvhutalamalandu.

2 Peteli 2:13

Avhantu ivho vhaliyimvilwa kuzya mayimba ge vhahavhavhombelaga avhanji. Avheene vhakuseshela kuvhomba izya vhupafu apazelu. Havhili lwe muli pooka navho pa mulyo uwa shikunzi, vhakuvhapezya insoni imwe, kuzya mbombo zyavho imbiivhi zye zili inza amabada mu mwenda umuzelu.

1 Yohani 1:8

Inga tukuti tutali nu vhutalamalandu, tukuyihopenkanya sweneeswe, havhili tutali nu vhwanalyoli mu mooyo giitu.

1 Yohani 2:3

Inga tukuzishindiha indajizyo izya Mulungu, pe tukuvha nu vhwanalyoli kuuti tumumanyile.

1 Yohani 3:7

Ishi vhaana vhaane, mutahiitishe kuuti umuntu wonti avhateezye. Umuntu we akuvhomba ingolosu, we mugolosu, inza uChilisiti vwe mugolosu.

3 Yohani 1:11

We nkundwa waane, utavhalandataje avhanji kuvhomba uvhutalamalandu, nkandi inyinza. Wonti we akuvhomba inyinza, muntu wa Mulungu. Ileelo wonti we akuvhomba uvhutalamalandu, atamanyile kuuti uMulungu wu naanu.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 22:7

UYeesu akuti, “Yeenya, nkwinza naluvhiilo. Alosiitwe uweene we akugashindiha amazwi aga vhukuvhwi ge gali mwi ikalaata ili.”