Yakobu 1:21 - ULufingwi uLupwa

²¹ Pe ishi, muvhuleshe uvhuhandamanu vhwonti nu vhuvhiivhi vhwe muli navhwo. Muposheele ku vhutonsu izwi liila lye uMulungu alivhiisile mu mooyo giinyu. Izwi ilyo lye lili na maha aga kuvhapoha.

Tesitamenti Umupwa 1965

²¹ Mwe mumwo simufumwʼuvupamizu vwonti nuvuvivi vwe vukulafuha. Izwi lye likutotelwa muhati zyinyu, lye limanyilʼukupohʼamoyo ginyu, lye muliposhele muvutelefu.

Yakobu 1:21 ပူးပေါင်းရင်းမြစ်များ

Matayi 5:5

Vhalosiitwe avhatonsu, mwe pe uMulungu aliivhapa insi.

Yohani 6:63

UMupepo uwa Mulungu we akuuvhapa avhantu uvhulanzi uvhwa shiima. Amaha aga muntu gatangaavwa naashimo kuleeta uvhulanzi uvhwa shiima. Amazwi ge navhavhuuzya gakuvhavhiiha imwe kuuti muvhe nu Mupepo uwa Mulungu, nu kuuti muvhe nu vhulanzi uvhwa shiima.

Yohani 6:68

USiimoni uPeeteli ahamwamula ahati, “We Mwene, vhuli, wu naanu uwamwavho we tungasogola ku kwakwe? Iwe uli na mazwi ge gakuutupa uvhulanzi uvhwa shiima.

iMbombo izya Vhatumwa 10:33

Izyo zye zimbiisile kuuti nkalambane kusonteelezya avhantu inga vhakwite, niiwe wavhomba ahinza kwinza. Ishi swenti tuli pilongolela ilya MWENE uMulungu, inga tutejeelezye amazwi gonti ge akulajiziizye kuuti utuvhuuzye.”

iMbombo izya Vhatumwa 13:26

UPaavhuli ahajendeelela kuyanga kuuti, “Mwe vhamwitu, mwe vhaana avha luho ulwa Aabulahamu, niimwe mwe vhanji mwe mukumunyila uMulungu, iswe swenti swe uMulungu atuleteeye izwi ili ilya vhuposhi.

VaLoma 1:16

Ntakulola insoni kulumbiilila Izwi iLyinza ilyo, mwe pe ilyenelyo maha ga Mulungu aga kuvhapoha avhantu vhonti vhe vhakumwitiha uYeesu, kwandila ku Vhayuuda kufishila ku vhantu vhe te Vhayuuda.

VaLoma 11:17

Ishi insamba zimo zyádiviilwe, niimwe mwe muli ngati nsamba izya ikwi ilya izayituuni ilya mwi ilaala, musopeliilwe kuliilana pooka ni nsamba zye zisyaye izya izayituuni ilya kuvhwalwa. Mukuposheela pooka uvhuloote vhwe vhukufuma mu mazi aga izayituuni ilyo lye livhwaliilwe.

VaLoma 6:17

Ishi nkumusalifwa uMulungu. Mwáli mwe vhazya avha vhutalamalandu, ileelo ishi mwitisile insambiilizyo izya Shichilisiti zye muposheleeye, havhili mukuzilandata ku mwoyo wonti.

1 VaKolinti 15:2

Inga mukulilema izwi lye nálumbiliiye kuli imwe, mukuvhwaga uvhuposhi. Ileelo inga mutakulilema, ulwitiho lwinyu lutaliivha ni ilonka naalimo.

2 VaKolinti 7:1

Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

VaEfeso 1:13

Niimwe vhweleele mwe te mwe Vhayuuda, mwívuuye izwi ilya nalyoli, kwe kuuti Izwi iLyinza ilya kuvhapoha. Lwe mwivwa muhamwitiha uChilisiti, woope uMulungu ahavhalemezanya ni shilemezanyo kulolesya kuuti mwe vhaakwe. Ishilemezanyo isho, wu Mupepo uMufinjile we áfinzile kuutupa.

VaEfeso 4:22

Mwásambiliiye kuleha ulujendo lwinyu uluvhiivhi nu kuzuula amooyo giinyu aga vhutalamalandu vhwe mwáli navhwo. Impapilo zyinyu zye zikuvhahopenkanya zikuvhananganya amooyo giinyu.

VaEfeso 4:25

Ishi muleshe kuluma ilenga. Umuntu wonti yikwanzilwa amuvhuzyaje uwamwavho izya nalyoli, mwe pe swenti tuli pooka mwa Chilisiti inza ivipelwa ivwa mu muvhili wooka.

VaEfeso 5:4

Havhili mutayangaje amazwi aga nsoni na ga vhupukupuuku, poosye aga mfuuzyo, nkandi mumusalifwaje uMulungu ahavhaliilizyo honti.

1 VaTesaloniki 1:5

Tumanyile vhwevhulo, mwe pe lwe tukulumbiilila kuli imwe Izwi iLyinza, tutálumbiliiye ku mazwi geeka vhweleele, nkandi twálumbiliiye ku maha na kwa Mupepo uMufinjile na ku vhwahoome uvhwinji. Havhili twámanyile kuuti Izwi iLyinza ilyo lya nalyoli. Imwe mumanyile ahinza vwe tuhatendamaga pooka niimwe, inga tuvhaavwe.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

uTiiti 2:11

Uvhasambilizyaje izyo, mwe pe uMulungu alolesiizye uvhwila uvhwa vhuposhi vhwakwe ku vhantu vhonti.

VaHebuli 12:1

Ishi, mwe pe tuzyunguliilwe ni mpuga impiti iya vhahoome inza vhwevhulo, niiswe vhweleele tuvwefwe vwonti vwe vikutudindila mu lwitiho, nu kuvhuleha uvhutalamalandu vhwe vhutakuhaavha kutugwisya. Havhili tuyikungulaje kuvhomba zye uMulungu azivhiisile pilongolela lyitu, inza umuntu vwe akushimbila uluvhilo ku mute mu lutumvanyo.

VaHebuli 2:3

Pe ishi, iswe tungaapona inza vhuli kupeelwa isunde, inga tutakuvhusaajila uvhuposhi uvhupiti inza uvhu? UMwene uYeesu wuuyo we átalisile kuvhukumusya uvhuposhi uvhwo, na vhantu vhe vhámwivuuye vhe vhátuhomesheziizye kuuti vhwáli vhwa nalyoli.

VaHebuli 4:2

Yeenya, niiswe tulumbiliilwe izwi ilyinza ilya pa lutuuzyo inza vwe avhataata vhiitu vhálumbiliilwe. Ileelo avheene lwe vhiivwa, Izwi ilyo litávhavwizye naashimo, mwe pe vhatályitisile.

Yakobu 4:8

Mumupalamilaje uMulungu, woope kwe avhapalamilaje. Muleshe kuvhomba imbiivhi, imwe mwe vhatalamalandu! Havhili mugazelufwaje amooyo giinyu, imwe mwe vha nsiivho pavhili!

Yakobu 5:20

Mumanye ahinza kuuti umuntu wonti we akumugalusya umutalamalandu kufuma kwi idala ilya vhunanjisu, akumupoha uvhulanzi vhwakwe kufuma mu vhufwe. Havhili akumuvhiiha umutalamalandu uyo kuuti aswilwe uvhutalamalandu vhwakwe uvhwinji.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 1:9

mwe pe mukuposheela uvhuposhi uvhwa mooyo giinyu. Uvhuposhi uvhwo, vhwe vhukufumiilana nu lwitiho lwinyu kwa Chilisiti.

1 Peteli 2:1

Pe ishi, muleshe uvhuvhiivhi vhwonti ni ilenga ni shifumbo nu mwone ni ndigo zyonti.

1 Peteli 2:11

Vhankundwa, nkuvhalambiilizya, mwe pe muli ngati mwe vhajeni mu nsi umu, havhili mukutuuha, muzileshe impapilo izya vhuntu uvhwa vhutalamalandu zye zikulwana na mooyo giinyu.