Yakobu 1:19 - ULufingwi uLupwa

¹⁹ Mwe vhamwitu vhankundwa, mutejelezyaje ahinza! Umuntu wonti atavhanje wa kuyanga naluvhiilo, nkandi avhanje wa kutejeelezya suuti! Havhili atavhanje we akuviitwa naluvhiilo.

Tesitamenti Umupwa 1965

¹⁹ Mumanyaje, mwe vamwitu vankundwa vane, ukuti umuntu wonti akalakasyaje ukutejelezya, ayolovelaje ukuyanga, havili ayolovelaje mumulaha.

Yakobu 1:19 ပူးပေါင်းရင်းမြစ်များ

Matayi 5:22

Ileelo ine nkuvhavhuuzya kuuti, umuntu wonti we akumuviitilwa uwamwavho, akwanzilwa kupeelwa isunde. Havhili, wonti we akumuliga uwamwavho kuuti we mupukupuuku, akwanzilwa kulongwa pa lukuvhato. Woope we akumutipa uwamwavho, akwanzilwa kusumbilwa mwi ipalaazya ilya mwoto uwa shiima!

Maliko 12:37

Inga uDaavhudi wuuyo átili uChilisiti wu Mwene waakwe, pe woope uChilisiti angavha mwana waakwe inza vhuli?” Ivhungaana ipiti liila lihamutejelezyaga ku luseshelo ulupiti.

Maliko 2:2

Avhantu avhinji vhahiizula mu nyumba yonti na kunzi vhweleele, woope uYeesu ahalumbililaga izwi ilya Mulungu.

uLuuka 15:1

Isiku limo, avhasonchezya musonko na vhatalamalandu avhanji avhinji, vhahapalamilaga kwa Yeesu, kumutejeelezya.

uLuuka 19:48

ileelo vhahapootwa, mwe pe avhantu vhonti vhahamulandataga uYeesu nu kulema ahinza amazwi gaakwe.

iMbombo izya Vhatumwa 1:15

Isiku limo, avhantu 120 ishi vhe vhámwitisile uYeesu vhávhungiine pooka. Pe uPeeteli ahimiilila pahati yaavho,

iMbombo izya Vhatumwa 10:33

Izyo zye zimbiisile kuuti nkalambane kusonteelezya avhantu inga vhakwite, niiwe wavhomba ahinza kwinza. Ishi swenti tuli pilongolela ilya MWENE uMulungu, inga tutejeelezye amazwi gonti ge akulajiziizye kuuti utuvhuuzye.”

iMbombo izya Vhatumwa 13:48

Avhantu vhe te Vhayuuda, lwe vhiivwa amazwi igo, vhahaseshela, vhahalitiima izwi ilya Mwene uYeesu. Vhonti vhe vhasavhuliilwe kuvha nu vhulanzi uvhwa shiima shiima, vhahamwitiha uMwene.

iMbombo izya Vhatumwa 17:11

Avhantu avha ku Belooya vháamile vhatehamu kuluusya avha ku Tesaloniiki. Avheene vhahalyitiha izwi ilya Mwene uYeesu ku mwoyo wonti, vhahenyelezyaga uVhusimbe uVhufinjile amanda gonti, inga vhahomeshezye inga zye avha Paavhuli nu Siila vhakuyanga zya nalyoli.

iMbombo izya Vhatumwa 2:42

Avhatumwa avha Yeesu vhahasambilizyaga izwi ilya Mulungu ku vhaala vhe vhámwitisile. Vhonti vháamile nu vhuliilani, vhahamensulanaga ikaati nu kulya pooka, nu kumulaavha uMulungu pooka.

VaEfeso 4:26

Inga mwaviitwa, mutavhombaje uvhutalamalandu. Havhili izuvha litaswanje she muli nu mulaha.

VaEfeso 4:31

Ishi muleshe kuvhavhwa amooyo, nu kuvha nu vhuhalazu nu mulaha nu kudalinkana nu kusamulana poosye kuvhombelana imbiivhi izyamwavho zyonti,

Kolosi 3:15

Uvhutehamu uvhwa Chilisiti vhuvhalongozyaje mu mooyo giinyu. UMulungu ávhiisite mwenti kuuti muvhe pooka inza ivipelwa ivwa mu muvhili wooka, inga muvhe nu vhutehamu uvhwo. Mumusalifwaje uweene.

Kolosi 3:8

Ileelo ishi, muleshe nziila kuvha nu mulaha nu vhuhalazu nu vhuvhiivhi nu musaamu, na mazwi amamwamu mu mili zyinyu.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

Yakobu 1:16

Mwe vhamwitu vhankundwa, mutahopelwaje.

Yakobu 1:2

Mwe vhamwitu, museshelaje lwe indingo izya mavhiila mu mavhiila zikuvhaaga,

Yakobu 1:26

Inga umuntu akuyilola kuuti akuvhomba zye zikumuhondezya uMulungu, ileelo atakuyenyeelezya vwe akuyanga, akuyihopela wuuyo weeka. Imbombo zye akusiivha kuuti zikumuhondezya uMulungu zya vhweleele.

Yakobu 2:1

Mwe vhamwitu, mutavhanje mwe vhakusavhulanya, mwe pe mumwitisile uMwene wiitu uYeesu Chilisiti uwa Vhushindamu.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

Yakobu 3:10

Mwi ilomu mukufuma intiimo ni ntipo. Mwe vhamwitu, zitakwanzilwa kuuti zivhanje vhwevhulo!

Yakobu 4:11

Mwe vhamwitu, mutayanjilanaje imbiivhi. Umuntu we akumuyanga havhiivhi uwamwavho, poosye kumulonga, akuziyanjila havhiivhi indajizyo izya Mulungu nu kuzisuufwa. Lwe ukuzisuufwa indajizyo, utakuzishindiha, nkandi ukuzihaana.

Yakobu 5:12

Ipiti kuli izyo zyonti mwe vhamwitu, mutalapaje kwi izina ilya ku mwanya, poosye kwi izina ilya nsi, poosye ku shintu ishinji shonti. Inga mukwitiha ishintu, mutinji, “Eena” vhweleele, poosye inga mukuhaana, mutinji, “Ndaali” vhweleele. Ishisita kuvhomba vhwevhulo, mukwinza mukulongwa.

Yakobu 5:19

Mwe vhamwitu, tuti uwamwinyu wumo alesile uvhwanalyoli, pisinda uwunji amugalusya havhili.

1 Yohani 2:21

Nkuvhasimbila ukalaata uno, te kuuti, mwe pe mutavhumanyile uvhwanalyoli, nkandi, mwe pe muvhumanyile, havhili, mwe pe mumanyile kuuti ilenga lyonti litakufuma mu vhwanalyoli.