Yakobu 1:18 - ULufingwi uLupwa

¹⁸ Kulandatana na vwe ákasiime, átuvhiisile kuvha swe vhaana vhaakwe kwi idala ilya iswe kulyitiha izwi lyakwe ilya nalyoli. Ávhomvile vhwevhulo, inga tuvhe swe vhaana vhaakwe imozi, ku vipelwa vwakwe vwonti vwe ávipezile, tuvhe inza iviyavho ivitanzi ivwa kufumwa ku kwakwe.

Tesitamenti Umupwa 1965

¹⁸ Uwene inza shʼakasime wuyo ahatupapa mwizwi lya vwanalyoli, ukuti tuvanje swe va kutomola muṿipelelwa ṿwakwe.

Yakobu 1:18 ပူးပေါင်းရင်းမြစ်များ

Yohani 1:13

Ivho vhe vhaana vha Mulungu, ileelo te kulandatana ni shifumo shaavho, poosye kulandatana nu kupaapwa kwi idala ilya kuhomaana umwanaavuli nu mwantanda, poosye ku lukasamo ulwa muntu, uMulungu wuuyo we avhavhiisile kuvha vhaana vhaakwe.

VaLoma 4:17

Izi zili inza vwe yisimviilwe mu Vhusimbe uVhufinjile kuuti, “Nkuvhiisile kuvha we taata uwa vhantu avha mu nkolo inyinji.” UAabulahamu áyivuuye izi zye uMulungu áfinzile ku kwakwe, lwe ayimiliiye pilongolela lyakwe. Ahamwitiha uMulungu we akuvhazyusya avhafwe na we akuviyanga ivintu vwe vitaliipo fwe ngati viliipo.

1 VaKolinti 4:15

Yeenya, poosye she muli na vhasambiilizi 10,000 mwa Chilisiti, ileelo utaata wiinyu ali wooka. Ine ne ne taata wiinyu mwa Chilisiti uYeesu, mwe pe ne náali ne mutanzi kulumbiilila Izwi iLyinza kuli imwe.

2 VaKolinti 6:7

Havhili tukulolesya kwi idala ilya kulumbiilila izwi ilya nalyoli, tukuvhomba izyo zyonti ku maha aga Mulungu. Uvhugolosu she shilwilo shiitu, uluvhazu ulwa kundiilo nu lwa kumongo.

VaEfeso 1:12

Ávhomvile vhwevhulo, inga ku zyitu iswe swe vhatanzi kumusuuvhila uChilisiti, uMulungu ashindikwaje ku vhushindamu vhwakwe.

VaEfeso 1:13

Niimwe vhweleele mwe te mwe Vhayuuda, mwívuuye izwi ilya nalyoli, kwe kuuti Izwi iLyinza ilya kuvhapoha. Lwe mwivwa muhamwitiha uChilisiti, woope uMulungu ahavhalemezanya ni shilemezanyo kulolesya kuuti mwe vhaakwe. Ishilemezanyo isho, wu Mupepo uMufinjile we áfinzile kuutupa.

2 Timoti 2:15

Uyifumwaje ku mute kuyilolesya kuuti we muvhomvi we uyitishiliilwe nu Mulungu. Usambilizyaje izwi ilya nalyoli vwe uMulungu akwanza, nu kuvha we muvhomvi we atakulola insoni.

VaHebuli 12:23

Imwe mufisile pa luhomaano ulupiti ulwa vhiitisi vhonti vhe uMulungu akuvhiita kuvha vhaana vhaakwe avhahatoote. Avhiitisi ivho, amazina gaavho gasimviilwe ku mwanya. Mufisile pilongolela ilya Mulungu we Mulonzi uwa vhantu vhonti na pilongolela ilya vhantu avhagolosu vhe uMulungu ahavhazelufwa.

Yakobu 1:15

Insiivho izya mpapilo zikumutwala umuntu kuvhomba uvhutalamalandu, vhwope uvhutalamalandu vhukumutwala umuntu uyo ku vhufwe.

Yakobu 1:21

Pe ishi, muvhuleshe uvhuhandamanu vhwonti nu vhuvhiivhi vhwe muli navhwo. Muposheele ku vhutonsu izwi liila lye uMulungu alivhiisile mu mooyo giinyu. Izwi ilyo lye lili na maha aga kuvhapoha.

Yakobu 3:14

Ileelo inga amooyo giinyu gizuuye umwone nu lupapilo, pe mutayitiimaje, havhili mutayangaje ilenga ku zya nalyoli.

1 Peteli 1:23

Mukwanzilwa muvhe ni shikunzi isho, mwe pe mupafwilwe ulwa vhuvhili, te ku vhapaafi vhe vhakufwa, nkandi kwa mupaafi we atakufwa kwi idala ilya izwi ilya Mulungu lye liliipo shiima.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,

1 Yohani 3:9

Umuntu wonti we mwana wa Mulungu, atakuvheelela kuvhomba uvhutalamalandu, mwe pe ishiholanyo isha Mulungu shili muhati yaakwe. Atangavheelela kuvhomba uvhutalamalandu, mwe pe uweene mwana wa Mulungu.

Ishitushizya 14:4

Ivho vhe vhatáyihandamiinie na vhantanda, mwe pe vhafinjile. Ivha vhe vhakuhalandata aHagonzi aha MWENE uMulungu kwonti kwe hakusogola. Ivha havhakazile kufuma mu vhantu, havhili vhe vhatanzi kwa MWENE uMulungu na ku Hagonzi haakwe.