Yakobu 1:17 - ULufingwi uLupwa

¹⁷ Ivintu vwonti ivwinza ni vipeelwa vwonti ivwinza vikufuma ku mwanya kwa Taata uMulungu, uMupezi uwa vintu vwonti ivwa kumwanya vwe vili nu vhuzelu. Vwe vili nu vhuzelu ivwo vitakuhozya ahavhaliilizyo honti, ahavhaliilizyo hamo vikuzima. Ileelo uweene uMulungu atakwanduha, havhili atakugalunkana inza ishinzyunguuli vwe shikugalunkana.

Tesitamenti Umupwa 1965

¹⁷ Iṿipelwa iṿwinza ṿwonti niṿikunjilwa iṿwila ṿwonti ṿwe ṿwa kumwanya, ṿikwiha ukufuma kwa Yise wa nkozyo, we muli wuyo ukugalunkana kutalipo, havili atakuyandula fwe ngati hazunda.

Yakobu 1:17 ပူးပေါင်းရင်းမြစ်များ

Matayi 7:11

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa ivintu ivwinza nkaani vhaala vhe vhakumulaavha!

uLuuka 11:13

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa uMupepo uMufinjile vhaala vhe vhakumulaavha!”

Yohani 1:9

Uvhuzelu uvhwo vhwáli vhwa nalyoli, vhuhinza mu nsi umu nu kuvhahozezya avhantu vhonti.

Yohani 3:27

UYoohani ahavhaamula ahati, “Umuntu atangavha ni shintu, inga uMulungu atamupiiye.

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

Yohani 8:12

Pe uYeesu ahajendeelela kuyanga havhili ni mpuga yiila ahati, “Ine ne vhuzelu ku vhantu vhonti. Umuntu wonti we akundandata ine, te ahajende mu shiisi naalumo, ileelo aliivha nu vhuzelu vhwe vhulimulongolaga mu vhulanzi uvhwa shiima.”

iMbombo izya Vhatumwa 11:18

AVhayuuda vhe vhámwitisile uYeesu lwe vhiivwa izyo, vhahaleha kudalisya. Vhahamutiima uMulungu vhahati, “Fwandi uMulungu avhapiiye vhoope avhantu vhe te Vhayuuda idala lye vhangatonta imbiivhi zyavho, inga vhavhwaje uvhulanzi uvhwa shiima!”

iMbombo izya Vhatumwa 5:31

Ahamuzuvwa nu kumuvhiiha ku luvhazu lwakwe ulwa kundiilo, kuvha wu Songo, havhili kuvha Muposhi, inga uMulungu atwavwe swe Vhaisilayeeli tuvhe ni idala ilya kupinduha nu kuswilwa uvhutalamalandu vhwitu.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

1 VaKolinti 4:7

Vhuli, wu naanu, we akuvhiisile uyilole kuuti, uhondeeye nkaani kuluusya avhanji? Shintu vhuli she uli nasho she uMulungu atakupiiye? Ileelo inga akupiiye, shooni she ukuyitumvwa ngati atakupiiye?

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 2:8

Kwe ku vhwila vhwakwe uMulungu avhaposile kwi idala ilya kumwitiha uChilisiti. Nalyoli, uvhuposhi uvhwo vhutakufumiilana niimwe, shipeelwa isha vhweleele kufuma kwa Mulungu.

Filipi 1:29

Imwe mufwililiilwe uvhwila, te kwe kumwitiha uChilisiti vhweleele, nkandi nu kuyimvilwa ku zyakwe.

1 Timoti 6:16

Uweene weeka we atakufwa, akutendama mu vhuzelu vhwe naawumo atangavhupalamila. Ataliipo umuntu we ahamulola, havhili ataliipo we ahondeeye kumulola. Uweene wa mushinzi na maha aga shiima! Amina!

VaHebuli 13:8

UYeesu Chilisiti atakwanduha. Uweene ali inza vwe áali ku vhwandilo, ahavhaliilizyo iha na shiima.

Yakobu 1:5

Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.

Yakobu 3:15

Uvhushindamu uvhwa njeele inza uvhwo, vhutakufuma ku mwanya, nsiivho zya mu nsi munuumu, havhili zya mu muvhili, vhukufuma kwa Seetano.

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

1 Yohani 1:5

Intumi ye twáyivuuye kwa Yeesu, ye tukuvhakumusizya imwe, kuuti uMulungu mwinza inza uvhuzelu, atali ni shiisi naashimo muhati yaakwe.

1 Yohani 4:10

Ishi she shikunzi, kuuti te sweswe twámukunzite uMulungu, nkandi uweene we átukunzite iswe. Ahamusonteelezya uMwana waakwe, avhe mpuutile iya kuvhoolwa, inga ayeefwe uvhutalamalandu vhwitu, nu kutukundanya nu Mulungu.

Ishitushizya 21:23

Inkaaya iyo yitakwanza izuvha, poosye umwezi kuyilamila, mwe pe uvhushindamu uvhwa Mulungu vhukuyilamila ni nyaale yaakwe Hagonzi aha MWENE uMulungu.

Ishitushizya 22:5

Uvhusiku te vhuhaavhe havhili, te vhahanze uvhuzelu uvhwa nyaale, poosye uvhwa izuvha, mwe pe uMWENE uMulungu alivhalamwizya, vhoope vhalikonzya shiima shiima.