Yakobu 1:12 - ULufingwi uLupwa

¹² Alosiitwe umuntu we akujimbiilila mu ndingo, mwe pe inga ayitishilwa, uMulungu aliimupa ishipambwi she vhulanzi uvhwa shiima vhwe áfinzile ku vhaala vhe vhakumukunda.

Tesitamenti Umupwa 1965

¹² Musangalusu umuntu wengʼakujimba mululingo. She lwʼalolesile ukuti ahondeye, pʼaliposhelʼishipambwi sha vulanzi shʼuMwene afinzile kuli vonti ve vamukunzite.

Yakobu 1:12 ပူးပေါင်းရင်းမြစ်များ

Matayi 10:22

Avhantu vhonti vhalivhavitilwaga, mwe pe mukundandata ine. Ileelo we alijimbiilila kufishila ku vhusililishilo we aliipokwa.

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

uLuuka 6:22

“Mulosiitwe imwe, inga avhantu vhakuvhaviitilwa nu kuvhazila nu kuvhaliga nu kuvhayanga havhiivhi, mwe pe mukuniitiha ine, ne Mwana wa Aadamu.

VaLoma 5:4

Uvhujimbiilizu vhukuleeta ulujendo ulwinza, lwope ulujendo ulwinza lukuleeta ulusuuvhilo.

VaLoma 8:28

Tumanyile kuuti, muli zyonti uMulungu akuvhavhombela inyinza avhantu vhe vhamukunzite, vhaala vhe avhiisite inza vwe avhalulumiiye.

1 VaKolinti 2:9

Izyo zili inza vwe yisimviilwe mu Vhusimbe uVhufinjile kuuti, “Zye uMulungu avhasenganiziinye vhe vhakumukunda, ataliipo umuntu we azivhwenyi lumo, poosye kuzyivwa, havhili ataliipo umuntu we azivhiisile lumo mu mwoyo waakwe.”

1 VaKolinti 8:3

Ileelo umuntu we akumukunda uMulungu, uyo we akumanyiha nu Mulungu wuuyo.

1 VaKolinti 9:25

Vhe vhakutumvanya mu luvhilo, vhakuvhomba izya kugakonzya amavhili gaavho, inga vhapoote ulutumvanyo. Vhakuvhomba izyo, inga vhaposheele ishipambwi she shikunanjiha. Ileelo iswe tukuvhomba vhwevhulo, inga tuhaposheele ishipambwi she shitakunanjiha naalumo.

2 Timoti 2:15

Uyifumwaje ku mute kuyilolesya kuuti we muvhomvi we uyitishiliilwe nu Mulungu. Usambilizyaje izwi ilya nalyoli vwe uMulungu akwanza, nu kuvha we muvhomvi we atakulola insoni.

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

VaHebuli 10:32

Ileelo mukumbushe ahavhaliilizyo haala aha ku vhwandilo, lwe mwamwitiha uChilisiti. Pooka nu kuuti muhayimvilwaga nkaani, muhajimbililaga amayimba igo.

VaHebuli 11:17

Mwe pe uAabulahamu ámwitisile uMulungu, ámufumwizye umwana waakwe uYisaaka kuvha mpuutile lwe uMulungu amulinga. UAabulahamu we áposheleeye ulufingwi kufuma kwa Mulungu, ileelo áyitisile kumufumwa umwana waakwe imozi

VaHebuli 12:5

Vhuli, muluviilwe insoshi ziila zye uMulungu ahavhasohaga imwe mwe vhaana vhaakwe lwe akuvhagomwa amooyo? Yeenya, uMulungu áyanzile átili, “We mwana waane, tejeelezya! Utasufwaje lwe uMWENE uMulungu akuukupa isunde kukusoha, havhili utafwanje umwoyo lwe akukupilila paala pe ukuteega.

VaHebuli 6:15

Pe uAabulahamu ahaguliilila nu kujimbiilila kufishila pe aposheela viila vwonti vwe uMulungu áfinzile.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

Yakobu 5:11

Inza vwe mumanyile, vhalosiitwe vhaala vhe vhajimbiliiye. Mwivuuye inongwa izya vhujimbiilizu uvhwa Yobo, havhili muvhwenyi vwe uMWENE uMulungu ámuvhombeeye pisinda. Uweene ali nu vhwila uvhupiti, havhili uvhwa mavhiila mu mavhiila.

1 Peteli 3:14

Ileelo poosye inga mukuyimba kuzya kuvhomba ingolosu, uMulungu akuvhaloota. Kuli izyo, mutogopaje, poosye kusagaanya kufumiilana nu kwogofwa kwavho.

1 Peteli 4:13

Ileelo museshelaje, mwe pe mukuyimba inza vwe uChilisiti áyimvile. Kuli izyo, muliivha nu luseshelo ulupiti nkaani, lwe uChilisiti aloleha mu vhushindamu vhwakwe.

1 Peteli 4:14

Inga mukuligwa, mwe pe mwe vhiitisi avha Chilisiti, mumanyaje kuuti mulosiitwe, mwe pe uMupepo uwa kusukumizya uwa Mulungu ali pooka niimwe.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

1 Peteli 5:4

UYeesu we Mudiimi uMupiti uwa vhantu vhaakwe. Lwe uweene aloleha, muliposheela ishipambwi isha vhushindamu she shitakunanjiha.

1 Yohani 4:19

Iswe tuli ni shikunzi, mwe pe uweene we átalisile kutukunda.

Ishitushizya 2:10

Utogopaje amayimba ge kwe gakwagaje! Yeenya, uMukwalanzi kwe avhakunje avhamwinyu vhamo mu jeela inga avhalinje, pe kwe muyimbe insiku 10. Uvhe we mutungamu poosye nu kufwa, pe ine ndiikupa ishipambwi she vhulanzi uvhwa shiima.

Ishitushizya 3:19

Vhonti vhe mbakunzite, nkuvhapilila nu kuvhasunda, pe uvhe nu mute kutonta.

Ishitushizya 3:21

Ula we alipoota indingo, ndimwitishila kutendama pooka niine pa shitengo shaane isha vhumwene. Aliyiima inza ine ne nápoosite indingo, nkatendama pooka nu Taata pa shitengo shaakwe isha vhumwene.