VaLoma 9:5 - ULufingwi uLupwa

⁵ AVhaisilayeeli ivho vhe vhazukulu vha Aabulahamu nu Yisaaka nu Yaakobu. Fwe muntu, woope uChilisiti Mwisilayeeli, havhili wu Mulungu uMupiti uwa vwonti. Ashindikwaje shiima! Amina.

Tesitamenti Umupwa 1965

⁵ Vavo vuvo navatata vitu; wope nuChilisiti afumile mwe mumwavo umuvili, we Mulungu wa ṿwonti wʼakutundumikwa shima shima. Amen.

VaLoma 9:5 ပူးပေါင်းရင်းမြစ်များ

Matayi 28:20

nu kuvhasambiilizya kulandata zyonti zye mbalajiziizye imwe. Niine kwe mbe pooka niimwe amanda gonti, kufishila ku vhusililishilo uvhwa nsi.”

Matayi 6:13

Utulongole inga tutahinjile mu ndingo, havhili utuposhe nu Muvhiivhi ula, mwe pe uvhumwene na maha nu vhushindamu vwaho shiima! Amina!’”

uLuuka 20:44

Inga uDaavhudi wuuyo átili uChilisiti wu Mwene waakwe, pe woope uChilisiti angavha mwana waakwe inza vhuli?”

Yohani 10:30

Ine nu Taata waane tuli pooka.”

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

iMbombo izya Vhatumwa 3:13

UMulungu uwa vhataata vhiitu, avha Aabulahamu nu Yisaaka nu Yaakobu, amushindisile umuvhomvi waakwe uYeesu, we imwe mwámulonjeleeye ku vhapiti nu kumuhaana lwe uPilaato akuti amusatule.

VaLoma 1:25

Vhálesile kwitiha uvhwanalyoli uvhwa Mulungu, vhahiitiha insambiilizyo izya ilenga. Vhahavha vhakuvivhombela ivipelwa nu kuvipuuta, vhahaleha kuvhomba izyo kwa Mupezi we akwanzilwa kutiimwa shiima! Amina.

VaLoma 1:3

Izwi ilyo lye likumuhomeshezya uMwana waakwe we ápafwilwe inza umuntu mu luho ulwa mwene uDaavhudi.

VaLoma 10:12

UVhusimbe uvhwo vhukulolesya kuuti kutaliipo kusavhulanya, vhavhe Vhayuuda, poosye vhe te Vhayuuda. UMwene ali wooka, havhili wu Mwene uwa vhantu vhonti, woope mutesi nkaani ku vhonti vhe vhakumulaavha.

VaLoma 11:28

AVhayuuda vhalugu vha Mulungu, mwe pe vhalihaanile Izwi iLyinza. Ilyo litwaliiye kuuti Izwi iLyinza lyinze kuli imwe mwe te mwe Vhayuuda. Ileelo poosye vhwevhulo, uMulungu ali she avhakunzite aVhayuuda, mwe pe ávhasavhuuye avhataata vhaavho nu kuvhiiha ulufingwi navho.

1 VaKolinti 14:16

Inga ukumutiima uMulungu ku njango injeni, vhuli, umuntu uwunji we atagomile mu lwitiho angitishila vhuli kuuti, “Amina,” she atazimanyile zye ukuyanga?

2 VaKolinti 11:31

UMulungu, uTaata uwa Mwene uYeesu we akwanzilwa kushindikwa shiima, amanyile kuuti ntakuluma ilenga.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

1 Timoti 6:15

Kwinza kwakwe kuliivha ahavhaliilizyo he uMulungu wuuyo ámuvhishiiye. Uweene wu Mulungu uwa Vhushindamu we akukonzya wuuyo weeka! Havhili wu Mwene uwa vhamwene na vhapiti.

2 Timoti 2:8

Umukumbuhaje uYeesu Chilisiti we ázyusile, uwa mu luho ulwa mwene Daavhudi, inza vwe likuyanga Izwi iLyinza lye nkulumbiilila.

VaHebuli 7:24

Ileelo uYeesu mupuuti uwa shiima, mwe pe uweene mulanzi shiima.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

Ishitushizya 1:18

uweene we Mulanzi. Ine náfuuye, ishi yeenya, ne mupuuma shiima! Ine indi ni vwigulilo ivwa vhufwe ni vwa ku vhuzimu.

Ishitushizya 22:16

“Ine ne Yeesu, imusonteleziizye uhavhizya waane kuvhahomeshezya imwe inongwa izi kuzya vivhanza. Ine ne lizi, havhili ne wa mu mpaapo izya mwene uDaavhudi, uluzota luula lwe lukulama nkaani inzanshi.”

Ishitushizya 22:20

We akuhomeshezya kuli izi, akuti, “Nalyoli nkwinza naluvhiilo.” Amina. Uyinze Mwene Yeesu!

Ishitushizya 5:14

Ivipelwa viila vine vihati, “Amina.” Vhoope avhasongo vhaala 24 vhahakupama nu kupuuta.